Egamberdiev Nodir Abdunazarovichning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. 
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Sust shakllangan jarayonlarni gibrid intellektual yondashuv asosida sinflashtirish algoritmlari», 05.01.03 – «Informatikaning nazariy asoslari» (texnika fanlari).
Dissertatsiya mavzusi ro‘yxatga olingan raqam: B2022.1.PhD/T1420.
Ilmiy rahbar: Muxamedieva Dilnoz Tulkunovna, texnika fanlari doktori, professor.
Dissertatsiya bajarilgan muassasa nomi: Raqamli texnologiyalar va sun’iy intellektni rivojlantirish ilmiy-tadqiqot instituti. 
IK faoliyat ko‘rsatayotgan muassasa nomi, IK raqami: Raqamli texnologiyalar va sun’iy intellektni rivojlantirish ilmiy-tadqiqot instituti, DSc.13/30.12.2021.T.142.01.
Rasmiy opponentlar: Babomuradov Ozod Jo‘raevich, texnika fanlari doktori, katta ilmiy xodim; Dadaxanov Musoxon Xoshimxonovich, PhD.
Yetakchi tashkilot nomi: Islom Karimov nomidagi Toshkent davlat texnika universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi sust shakllangan jarayonlarni gibrid intellektual yondashuv asosida sinflashtirish model va algoritmlari hamda dasturiy majmuasini ishlab chiqishdan iborat.
III. Tadqiqotning ilmiy yangiligi: 
sust shakllangan jarayonlarni sinflashtirish modeli noravshan regressiya va optimallashtirish algoritmi asosida ishlab chiqilgan;
sust shakllangan jarayonlarni neytrosoft to‘plam nazariyasi asosida sinflashtirish modelini qurish algoritmi takomillashtirilgan;
sust shakllangan jarayonlarni sinflashtirishning noravshan mantiqiy model parametrlarini sozlash jarayonida optimallashtirish masalasini aqlli suv tomchilari algoritmi asosida echish gibrid algoritmi ishlab chiqilgan.
IV. Tadqiqot natijalarining joriy qilinishi. Sust shakllangan jarayonlarni sinflashtirish masalasini echish bilan bog‘liq bo‘lgan mavjud hamda taklif etilgan model va algoritmlar asosida ishlab chiqilgan dasturiy majmua asosida:
ko‘p qatlamli neyron to‘rlari modeli hamda noravshan regressiya va optimallashtirish algoritmi «Orange Group» mas’uliyati cheklangan jamiyatida korxona daromadlarini bashorat qilish va o‘z vaqtida to‘g‘ri qarorlar qabul qilishga ko‘maklashish jarayonida qo‘llanilgan (Axborot texnologiyalari va kommunikatsiyalarini rivojlantirish vazirligining 2022 yil 11 fevral`dagi 33-8/787-son ma’lumotnomasi). Natijada korxona daromadlarini bashorat qilish orqali ma’lumotlarni tahlil qilish uchun ketadigan vaqtni 10%gacha qisqartiradi va bashoratlash samaradorligini 5%gacha oshiradi; 
sust shakllangan jarayonlarni neytrosoft to‘plam nazariyasidan foydalanib sinflashtirish modelini qurish algoritmi asosida ishlab chiqilgan dasturiy majmua Andijon viloyati ko‘p tarmoqli tibbiyot markaziga joriy qilingan (Axborot texnologiyalari va kommunikatsiyalarini rivojlantirish vazirligining 2022 yil 11 fevral`dagi 33-8/787-son ma’lumotnomasi). Natijalar tashxis qo‘yish va muayyan tibbiy choralarni o‘z vaqtida amalga oshirishga imkon beradi hamda ma’lumotlarni tahlil qilish uchun ketadigan vaqtni 15% gacha qisqartiradi, tashxislash samaradorligini 10%gacha oshiradi;
sust shakllangan jarayonlarni sinflashtirishning noravshan mantiqiy gibrid algoritmi asosida ishlab chiqilgan dastur Andijon shahar tibbiyot birlashmasi va Respublika shoshilinch tibbiy yordam ilmiy markazi Andijon  filialida tashxis qo‘yish hamda shifokorga qaror qabul qilishda ko‘maklashish uchun joriy etilgan (Axborot texnologiyalari va kommunikatsiyalarini rivojlantirish vazirligining 2022 yil 11 fevral`dagi 33-8/787-son ma’lumotnomasi). Natijalar tashxis qo‘yish va ma’lumotlarni tahlil qilish uchun ketadigan vaqtni 15%gacha qisqartiradi, tashxislash samaradorligini 10%gacha oshiradi.