Хазраткулов Хамиджон Аликуловичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Нақшли трикотаж ассортиментини ишлаб чиқаришда тўқима тузилишини ўзгартириш ҳисобига хомашёдан самарали фойдаланиш», 05.06.02–Тўқимачилик материаллари технологияси ва хомашёга дастлабки ишлов бериш (техника фанлари).

Диссертация мавзуси рўйхатга олинган рақам: В2017.1.PhD/Т111.

Илмий раҳбар: Муқимов Мирабзал Мираюбович, техника фанлари доктори, профессор.

Диссертация бажарилган муассаса номи: Тошкент тўқимачилик ва енгил саноат институти.

ИК фаолият кўрсатаётган муассаса (муассасалар) номи, ИК рақами: Тошкент тўқимачилик ва енгил саноат институти, DSc.27.06.2017.Т.08.01.

Расмий оппонентлар: Ахмедходжаев Хамит Турсунович, техника фанлари доктори, профессор; Петросова Лариса Ивановна, техника фанлари номзоди, доцент.

Етакчи ташкилот: Бухоро муҳандислик технология институти.

Диссертация йўналиши: амалий аҳамиятга молик.

II. Тадқиқотнинг мақсади: хомашё сарфи кам бўлган, гигиеник ва харидоргирлик хусусиятлари яхшиланган ички ва ташқи бозор талабларига жавоб берувчи, рақобатбардош нақшли трикотаж тўқималарини олиш технологиясини яратишдан иборат.

III. Тадқиқотнинг илмий янгилиги:

юқори эксплуатацион хусусиятларга эга бўлган устки трикотаж маҳсулотларини ишлаб чиқаришда хомашёдан самарали фойдаланиш усуллари ишлаб чиқилган;

трикотажнинг технологик кўрсаткичлари ва физик-механик хусусиятларига трикотаж тузилишидаги қўшимча элементларнинг таъсир этиш қонуниятлари аниқланган;

айлана игнадонли тўқув машинасида тукли трикотаж тўқимасини олишда тукли ип таранглигини ўлчайдиган аниқлиги юқори бўлган янги қурилма яратилган;

протяжкалари трикотажни бир ва икки томонида жойлашган арқоқли тукли трикотаж тўқималарини тузилиши ва олишнинг ресурстежамкор усули ишлаб чиқилган;

ластик ва интерлок тўқималари асосида аралаш трикотаж тўқималарининг янги намуналарини олиш технологияси ишлаб чиқилган.

IV. Тадқиқот натижаларининг жорий қилиниши:

Трикотаж машиналарида янги тузилишдаги тукли, аралаш трикотаж тўқималарини олишнинг ресурстежамкор технологияларини яратиш бўйича ишлаб чиқилган натижалар асосида:

тукли трикотаж тўқималарини янги тузилишига ва уларни олиш усулларига Ўзбекистон Республикаси Интеллектуал мулк агентлигининг ихтирога патенти олинган («Тукли трикотаж тўқимасидан донали трикотажни ясси игнадонли машинада тўқиш усули», №IAP 05268-2016й.). Натижада ясси игнадонли фанг трикотаж тўқув машинасида тукли трикотаж тўқимасини олишнинг янги усули ишлаб чиқилган, трикотаж тўқув машинасининг иш унумдорлиги 25-30 % га ошириш имконини берган;

арқоқ ипининг асос тўқима таркибида маҳкамланганлик даражаси оширилган ҳамда протяжкалари трикотажни бир ва икки томонида жойлашган арқоқли тукли трикотаж тўқималарининг тузилиши ва олишнинг янги усулига Ўзбекистон Республикаси Интеллектуал мулк агентлигининг фойдали моделга патентлари олинган («Кўндалангига тўқилган арқоқли трикотаж», №FAP 00617-2011й.; «Икки томонли арқоқли трикотаж», №FAP 00634-2011й.). Натижада арқоқли трикотаж тўқимаси сифатини яхшилаш, юқори иссиқлик ва шакл сақлаш хусусиятларига эга бўлган трикотаж тўқимасини олиш, шунингдек машинанинг иш унумдорлигини ошириш имконини берган;

аралаш трикотаж тўқималарининг янги намуналарини олиш технологияси «UZTEX Chirchik» МЧЖ қўшма корхонасида ва «TURON-TEX» МЧЖда жорий этилган («Ўзбекенгилсаноат» АЖнинг 2017 йил 27 октябрдаги ДМ-156-сон маълумотномаси). Натижада аралаш трикотаж тўқималарининг тузилишини ўзгартириш ҳисобига трикотажнинг сифат кўрсаткичларини яхшилашга, хомашё сарфини 10–12% га камайтиришга эришилган.