Бакиров Тўлқинжон Юнусалиевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Фундаментал математика фанларини ўзаро алоқадорлик асосида ўқитиш методикасини такомиллаштириш” 13.00.02 – Таълим ва тарбия назарияси ва методикаси (математика) (педагогика фанлари).
Диссертация мавзуси рўйхатга олинган рақам: B2020.2.PhD/Ped1559.
Илмий раҳбар: Тургунбаев Рискелди Мусаматович, физика-математика фанлари номзоди, доцент.
Диссертация бажарилган муассаса номи: Фарғона давлат университети.
ИК фаолият кўрсатаётган муассаса (муассасалар) номи: Тошкент вилояти Чирчиқ давлат педагогика институти, DSc.03/30.04.2021.Ped.82.03.
Расмий оппонентлар: Джумабоев Давлатбой Халилиллаевич, физика-математика фанлари доктори, профессор; Нажмиддинова Ҳилола Ёқубжановна, педагогика фанлари номзоди, доцент.
Етакчи ташкилот: ЎзР ФА қошидаги В.И.Романовский номидаги Математика институти. 
Диссертация йўналиши: назарий ва амалий аҳамиятга молик.
II. Тадқиқотнинг мақсади олий педагогик таълимни замонавийлаштириш шароитида фундаментал математика фанларини ўзаро алоқадорликда ўқитишнинг методик асосларини такомиллаштиришга доир таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
бўлғуси математика ўқитувчиларини тайёрлашда фундаментал математика фанларини ўзаро алоқадорликда ўқитишнинг интегратив-дидактик жиҳатлари тизимли, синергетик, компетенциявий каби ёндашувларни узвийлик, барқарорлик, индивидуаллаштириш, модуллилик, объективлик тамойиллари билан таксономик мақсадларга эришиш даражаси идентивлигини таъминлаш орқали аниқлаштирилган;
математика фанларини ўзаро алоқадорликда ўқитишнинг дидактик тизими фанлараро ички интеграциянинг шахсий-мотивацион, когнитив, креатив-фаолиятли, рефлексив компонентларини концептуал таълимнинг чизма-тасвирий фаолият турини мантиқий, реляцион, семантик тармоқ, продукцион, фрейм моделлари билан структуравийлик имкониятини кенгайтириш асосида такомиллаштирилган;
фундаментал математика фанларини ўзаро алоқадорлик асосида ўқитишнинг яхлитлигини таъминлаш методикаси кўргазмали-моделли ўқитиш технологиясини математик билимларни ўзлаштириш жараёнини мақсадни (наззарий, амалий, методик модуль) белгилаш, яхлит математик объектни моделини тасаввур қилиш, белгили-рамзий воситаларни қўллаш, перцептив образ ва тасаввурларни ҳосил қилиш, априор модел адекватлиги кўринишида лойиҳалаш орқали такомиллаштирилган;
математика фанларини ўзаро алоқадорликда ўқитишнинг технологик, методик шартлари талабаларда математик объектларни адекват ифода этишнинг сенсор-перцептив механизмларига хос фикрлаш кўникмаларини ривожлантириш, мнемик усуллар, дифференциация, мустақил таълим, рефлексияга асосланган мнемик-перцептив алоқаларни қатъий ўрнатиш алгоритмини ишлаб чиқиш орқали такомиллаштирилган.
IV. Тадқиқот натижаларининг жорий қилиниши. Фундаментал математика фанларини ўзаро алоқадорлик асосида ўқитиш методикасини такомиллаштириш бўйича илмий натижалари асосида: 
бўлғуси математика ўқитувчиларини тайёрлашда фундаментал математика фанларини ўзаро алоқадорликда ўқитишнинг интегратив-дидактик жиҳатлари тизимли, синергетик, компетенциявий каби ёндашувларни узвийлик, барқарорлик, индивидуаллаштириш, модуллилик, объективлик тамойиллари билан таксономик мақсадларга эришиш даражаси идентивлигини таъминлаш орқали аниқлаштиришга доир таклифлардан “Математик анализ (Дифференциал тенгламалар)” ўқув қўлланмасини ишлаб чиқишда фойдаланилган (Олий ва ўрта махсус таълим вазирлигининг 2020 йил 30 июндаги 359-сонли буйруғи, 359-021-рақамли гувоҳнома). Натижада, педагогик олий таълимда математика ўқитиш самарадорлигини оширишга хизмат қилган;
математика фанларини ўзаро алоқадорликда ўқитишнинг дидактик тизимини фанлараро ички интеграциянинг шахсий-мотивацион, когнитив, креатив-фаолиятли, рефлексив компонентларини концептуал таълимнинг чизма-тасвирий фаолият турини мантиқий, реляцион, семантик тармоқ, продукцион, фрейм моделлари билан структуравийлик имкониятини кенгайтириш асосида, фундаментал математика фанларини мазкур жараён яхлитлигини таъминлаш методикасини кўргазмали-моделли ўқитиш технологиясини математик билимларни ўзлаштириш жараёнини мақсадни белгилаш, яхлит математик объектни моделини тасаввур қилиш, белгили-рамзий воситаларни қўллаш, перцептив образ ва тасаввурларни ҳосил қилиш, априор модел адекватлиги кўринишида лойиҳалаш орқали такомиллаштиришга доир амалий таклиф ва тавсиялардан “Математик анализ (кўп ўзгарувчили функциянинг дифференциал ва интеграл ҳисоби)”  ўқув қўлланмасини ишлаб чиқишда фойдаланилган (Олий ва ўрта махсус таълим вазирлигининг 2019 йил 20 июлдаги 654-сонли буйруғи, 654-183-рақамли гувоҳнома). Натижада, фундаментал математика фанларини ўқитишнинг амалий-технологик тизимини такомиллаштиришга хизмат қилган;
математика фанларини ўзаро алоқадорликда ўқитишнинг технологик, методик шартларини талабаларда математик объектларни адекват ифода этишнинг сенсор-перцептив механизмларига хос фикрлаш кўникмаларини ривожлантириш, мнемик усуллар, дифференциация, мустақил таълим, рефлексияга асосланган мнемик-перцептив алоқаларни қатъий ўрнатиш алгоритмини ишлаб чиқиш орқали такомиллаштиришга доир амалий таклиф ва тавсиялардан “Математик анализ (қаторлар назарияси)” ўқув қўлланмасини ишлаб чиқишда фойдаланилган (Олий ва ўрта махсус таълим вазирлигининг 2019 йил 9 февралдаги 133-сонли буйруғи, 133-11-рақамли гувоҳнома). Натижада, бўлажак матматика ўқитувчиларини кўргазмали-моделли таълим технологиясини қўллаш самарадорлигини оширишга эришилган.