Хакимов Камол Жўраевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Кон- металлургия саноати техноген чиқиндиларини қайта ишлаш технологиясини яратиш ва улардан оқилона фойдаланиш», 05.02.01 - Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: B2021.1.PhD/T2093.
Илмий раҳбар: Хасанов Абдурашид Салиевич, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Шарипов Хасан Турапович, кимё фанлари доктори, профессор; Камолов Турсунбой Очилович, техника фанлари доктори.
Етакчи ташкилот: Миллий технологик тадқиқотлар университети «МИСиС»нинг Олмалиқ шаҳридаги филиали.
Диссертация йўналиши: назарий  ва амалий аҳамиятга молик.
II. Тадқиқотнинг мақсади: кон металлургия саноати техноген чиқиндиларини қайта ишлаш технологиясини яратиш ва улардан оқилона фойдаланишдан иборат.
III. Тадқиқотнинг илмий янгилиги:
оксидланган балансдан ташқари рудаларни қайта ишлаш технологиясини яратиш ва консервация қилинган техноген чиқиндилардан нодир металларни ажратиб олиш технологиясини қўллаб чиқишнинг назарий илмий имкониятлари асосланган;
балансдан ташқаридаги оксидли рудани қайта ишлашнинг энг мақбул технологик омиллари, кислота сарфи бўйича боғлиқ ҳолда гидрометаллургик технология ишлаб чиқилган;
эски консервация қилинган олтин таркибли техноген чиқиндининг кимёвий ва минералогик таркибидаги олтинни нано ва микро зарраларининг гранулометлик таркиби, майинлиги илмий асосланган холда гравитация ва цианлаш натижасида ажратиб олиш имкониятлари ишлаб чиқилган;
гравитация усулининг асосий технологик омиллари илмий асосланиб, унинг жараёнга таъсир этувчи қонуниятлари ишлаб чиқилган;
олтин таркибли эски техноген чиқиндидан олтин ва кумушни ажратиб олишнинг энг мақбул гравитацион технологияси яратилган.
IV. Тадқиқот натижаларининг жорий қилиниши:    
Кон металлургия саноати техноген чиқиндиларини қайта ишлаш технологиясини яратиш ва улардан оқилона фойдаланиш бўйича олинган илмий натижалар асосида: 
Қалмоққир кони балансидан ташкаридаги оксидли рудалардан мис ва нодир металларни ажратиб олиш технологияси «Олмалиқ кон-металлургия комбинати» АЖ нодир металлар ажратиб олиш жараёнида қўлланган («Олмалиқ КМК» АЖнинг 2021 йил 9 декабрдаги AС-010095-сон маълумотномаси). Натижада, мисни эритмага ўтказиб, ундаги олтин ва кумушни гравитация усули билан қайта бойитиш ва тозалаш усуллари орқали гравконцентрат ва қолдиқ чиқинди олиш имконини берган;
Чодак конига қарашли техноген чиқинди таркибида ўртача олтин – 0,67 г/т ва кумуш 13 г/т бўлган, устки қисми консервация қилинган, чиқиндиларни қайта ишлаш технологияси «Олмалиқ кон-металлургия комбинати» АЖ нодир металлар ажратиб олиш жараёнида қўлланган («Олмалиқ КМК» АЖнинг 2021 йил 9 декабрдаги AС-010095-сон маълумотномаси). Натижада, Чодак кони чиқиндиларини гравитацион бойитишда 1 йилда қўшимча 98 кг олтин ва 108 кг кумуш металларини ажратиб олиш, чиқиндиларни қайта ишлаш орқали чиқиндилар таркибидаги олтинни 0,13 г/т га ва кумушни 1,3 г/ т га камайтириш имконини берган.