Мирзанова Зулфизар Анваржоновнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Мис заводининг конвертор чангидан рангли ва қимматбахо металларни қайта ишлаш технологиясини ишлаб чиқиш», 05.02.01 - Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: B2021.4.PhD/T2486.
Илмий раҳбар: Хасанов Абдурашид Салиевич, техника фанлари доктори, профессор.
Диссертация бажарилган муассасалар номи: Тошкент давлат техника университети «Фан ва тараққиёт» ДУК, “Олмалик кон-металлургия комбинати” АЖ.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Абед Нодира Сойибжоновна, техника фанлари доктори, профессор; Толибов Беҳзод Иброҳимович, техника фанлари номзоди, доцент.
Етакчи ташкилот: Умумий ва ноорганик кимё институти.
Диссертация йўналиши: назарий  ва амалий аҳамиятга молик.
II. Тадқиқотнинг мақсади: мис заводининг конвертор чангидан рангли ва нодир металларни ажратиб олиш технологиясини яратишдан иборат.
III. Тадқиқотнинг илмий янгилиги:
мис эритиш заводининг майда заррачали чангининг кимёвий ва минералогик таркиби илмий таҳлил этилиб, рангли ва нодир металларнинг эритмага ўтиш хусусиятлари аниқланган, ундаги мис ва рух сульфатини олиш технологияси ишлаб чиқилган;
сульфат кислотасининг мақбул эритмаси ёрдамида танлаб эритиш натижасида қолган кекни натрий хлоридли эритма билан танлаб эритиш орқали қўрғошин металлини олиш технологиясининг кўрсаткичлари олинган ва натижада конвертор чангларидан қўрғошиннинг 85% ни ажратиб олиш, олтин ва кумушнинг 95% ни кекда қолдириш имкони мавжудлиги аниқланган;
қўрғошинни натрий хлоридли эритма таркибида ушлаб туриш учун юқори ҳароратдаги фильтрация қилишнинг кўрсаткичлари аниқланган;
қўрғошин карбонатни куйдириш ва қўрғошин оксид (глет) олишнинг оптимал кўрсаткичлари аниқланган;
мис эритиш заводи конвертер майда заррачали чанггини қайта ишлашнинг ресурстежамкор технологияси ишлаб чиқилган.
IV. Тадқиқот натижаларининг жорий қилиниши:
Мис заводининг конвертор чангидан рангли ва нодир металларни ажратиб олиш технологиясини яратиш бўйича олинган илмий натижалар асосида: 
мис эритиш заводининг майда заррачали чангларидан рангли металларни ажратиб олиш технологияси «Олмалиқ КМК» АЖ мис эритиш заводида амалиётга жорий этилган («Олмалиқ КМК» АЖнинг 2021 йил 15 декабрдаги АА-010216-сон маълумотномаси). Натижада, конвертор чангидан 85,0 % қўрғошинни, 96,0-98,0 % мис ва 92,0-93,0 % рухни олиш имконини берган;
кекдан қўрғошинни натрий хлорид тузи эритмаси билан танлаб эритиш технологияси «Олмалиқ КМК» АЖ мис эритиш заводида амалиётга жорий этилган («Олмалиқ КМК» АЖнинг 2021 йил 15 декабрдаги АА-010216-сон маълумотномаси). Натижада, конвертор чангини натрий хлорид тузи билан ювиш орқали ундан 99,0 % тозаликдаги қўрғошин металини ажратиб олиш имконини берган.