Абдукадирова Насиба Алимжановнанинг  
фалсафа доктори (PhD) диссертацияси ҳимояси ҳақида эълон

I.    Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Инглиз тили дарсларида медиасаводхонликни шакллантириш (В2)», 13.00.02 – Таълим ва тарбия назарияси ва методикаси (инглиз тили) (педагогика фанлари).
Диссертация мавзуси рўйхатга олинган рақам: B2020.1.PhD/Ped1319.
Илмий раҳбар: Махкамова Гульнара Турдахуновна, педагогика фанлари доктори, профессор.
Диссертация бажарилган муассаса номи: Гулистон давлат университети.
ИК фаолият кўрсатаётган муассаса номи, ИК рақами: Жиззах давлат педагогика институти ҳузуридаги PhD.03/04.06.2020.Ped.113.01 рақамли Илмий кенгаш қошида тузилган бир марталик илмий кенгаш.
Расмий оппонентлар: Ахмедова Лайлохон Толибжоновна, педагогика фанлари доктори, профессор; Ашуров Шахобиддин Саидович, филология фанлари номзоди, доцент.
Етакчи ташкилот: Чирчиқ давлат педагогика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади инглиз тили дарсларида саводхонликни шакллантиришнинг интеграциялашган методикасини асослаш ҳамда ишлаб чиқиш ва бу  орқали таълимнинг бошланғич курсларида нофилологик ОТМларда мутахассисларни тайёрлаш сифатини оширишдан  иборат.
III. Тадқиқотнинг илмий янгилиги:
нофилологик факультетлар талабаларига чет тилини ўқитишнинг хусусиятларидан келиб чиққан ҳолда нофилологик ОТМ бошланғич курслари медиасаводхонлигининг таркибий-мазмуний компонентлари  қадрият-семантик компонентларни киритиш орқали такомиллаштирилган;
чет тили дарсларида талабаларнинг медиасаводхонлигини шакллантириш учун «медиа ҳақида  медиа матнлар ўртасидаги ўзаро алоқа  мулоқот жараёнида медиамаълумотлардан фойдаланиш» формуласи асосида «Медиасаводхонликни шакллантириш» номли учкомпонентли модели ишлаб чиқилган;
инглиз тили дарсларида медиасаводхонликни ўргатишнинг самарали моделлари, ёндашувлари, тамойиллари, усуллари ва методлари, медиаматнларнинг жанр ўзига хослиги ва медиа билан ишлаш жараёнида дуч келадиган қийинчиликларни ҳисобга олган ҳолда асосланган;
хорижий тилларни махсус мақсадлар учун ўқитиш методикаси (ESP) ахборот маконини кенгайтириш ва медиа технологияларини ривожлантиришнинг аутентивлик, фикрларни шакллантириш ва фикр алмашиш, фаолиятни фаоллаштириш, таъсир функциясиги эътибор қаратиш, танқидий фикрни ривожлантириш, фанлараро алоқа каби тамойилларига мувофиқ такомиллаштирилган.
IV.Тадқиқот натижаларининг жорий қилиниши. Нофилологик ўқув юртларининг 1-2 курс талабалари медиасаводхонлигини шакллантириш ва коммуникатив компетенциясини ривожлантириш бўйича ишлаб чиқилган назарий, услубий ва амалий таклифлар асосида:
диссертация илмий хулоса ва тавсияларидан Алишер Навои номидаги Тошкент давлат ўзбек тили ва адабиёти университети бакалавриат талабалари учун инглиз тили бўйича “Grammar” ва “Speaking” ўқув қўлланмаларини яратишга мўлжалланган ФЗ 201908172 рақамли «Ўзбек тилини ўқитиш корпусини яратиш» амалий лойиҳаси доирасида фойдаланилган (Ўзбекистон Республикаси Инновацион ривожланиш вазирлигининг  2021 йил 05 февралдаги 02-15/749-сон маълумотномаси). Натижада коммуникатив компетенциянинг таркибий қисмларини шакллантириш учун инглиз тилидаги ўқув материаллари сифатини оширишга эришилган;
чет тили дарсларида медиасаводхонликни «медиа ҳақида  медиа матнлар ўртасидаги ўзаро алоқа  мулоқот жараёнида медиамаълумотлардан фойдаланиш» формуласи асосида шакллантиришнинг самарали моделига оид диссертация материалларидан Гулистон давлат университетида Арканзас Спринг Халқаро Тил Маркази (Arkansas Spring International Language Centre) билан биргаликда амалга оширилган «Инглиз тили салоҳиятини ошириш лойиҳаси» (Small grand “English language capacity building project”) доирасида фойдаланилган (Гулистон давлат университетининг 2021 йил 26 февралдаги 01-30-13/21-сон маълумотномаси). Натижада чет тил ўқитувчилари ўртасида коммуникатив ва услубий компетенцияларни эгаллаш даражаси ошишига эришилган;
     инглиз тили дарсларида медиасаводхонликни ўргатишнинг самарали моделлари, ёндашувлари, тамойиллари, усуллари ва методлари медиаматнларнинг жанр ўзига хослиги ва медиа билан ишлаш жараёнида дуч келадиган қийинчиликларга оид хулоса ва тавсиялардан инглиз тили дарсларида медиа саводхонликни шакллантиришга мўлжалланган "Interaction with mediatexts and technologies" модулини тадбиқ қилишда,  медиаманларнинг жанри, ўзига хослиги ва ОАВ билан ишлаш жараёнида юзага келадиган қийинчиликларни ҳисобга олган ҳолда  "ОАВ орқали инглиз тилини ўқитиш" ўқув-услубий қўлланмасини шакллантиришда  фойдаланилган (Гулистон давлат университетининг 2021 йил 30 сентябрдаги 2-сон маълумотномаси). Натижада ўқув материаллари янгиланиб, 1-2-курс нофилологик олий ўқув юртлари талабаларининг медиасаводхонлиги шакллантириш ва инглиз тилини билиш сифати яхшиланган.