Акрамова Дилшода Турдиқуловнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Паркинсонизмда церебрал қон томирлар бузилишининг кўп омилли таҳлили», 14.00.13 – Неврология  (тиббиёт фанлари).
Диссертация мавзуси рўйхатга олинган рақам: В2019.2.PhD/Tib915.
Илмий раҳбар: Рахимбаева Гульнора Саттаровна, тиббиёт фанлари доктори, профессор.
Диссертация бажарилган муассаса номи: Тошкент тиббиёт академияси
ИК фаолият кўрсатаётган муассаса номи, ИК рақами: Бухоро давлат тиббиёт институти, PhD.04/13.05.2020.Tib.93.02
Расмий оппонентлар: Ўринов Мусо Болтаевич, тиббиёт фанлари доктори, доцент; Алиқулова Нигора Абдуқодировна, тиббиёт фанлари  доктори, доцент.
Етакчи ташкилот: Асфендияров номидаги қозоқ миллий тиббиёт университети
Диссертациянинг йўналиши: амалий аҳамиятга молик.
II. Тадқиқотнинг мақсади: васкуляр паркинсонизмда церебрал қон томирлар бузилишини келтириб чиқарувчи омилларни таҳлил қилиш асосида касалликни  ривожланиши ва жадаллашуви эҳтимолини прогнозлаш ҳамда даволашни  такомиллаштиришдан иборат.
III. Тадқиқотнинг илмий янгилиги:
паркинсон касаллигида кортизол гормони ва альфа-фетопротеин миқдори ўзгариши билан когнитив бузилишлар даражаси орасидаги корреляцион боғлиқлик аниқланган;
 илк бор паркинсон касаллиги  ва васкуляр паркинсонизмда моддалар алмашинуви жараёнининг бузилишларини  биоимпеданситометрия усули орқали баҳоланган;
 илк бор паркинсон касаллиги ва васкуляр паркинсонизмда темпоритмал коррекция усулининг самарадорлиги баҳоланган, мелатониннинг циркада ритми ҳамда когнитив бузилишларга таьсири илмий асосланган;
 паркинсон касаллигидан васкуляр паркинсонизмни фарқловчи электрон дастурий таъминот яратилган.
IV. Тадқиқот натижаларининг жорий қилиниши.
Паркинсонизмда церебрал қон томирлар бузилишининг кўп омилли таҳлилини оптималлаштириш бўйича олинган илмий натижалар асосида:
Паркинсон касаллиги ва васкуляр паркинсонизмда кузатиладиган когнитив бузилишлар ва темпоритмал коррекция усулининг қўлланилиши бўйича илмий тадқиқот натижалари асосида ишлаб чиқилган «Васкуляр паркинсонизм ва Паркинсон касаллигида когнитив бузилишларни эрта муддатларда аниқлаш ва темпоритмал коррекция усулининг қўлланилиши» номли услубий тавсиянома тасдиқланган (Соғлиқни сақлаш вазирлигининг 2021 йил 8 апрелдаги 8н–р/312-сон маълумотномаси). Натижада  касалликни эрта ташҳислаш,  самарали даволаш муддатини қисқартириш ва когнитив бузилишлар асоратларининг олдини олиш имкон берган;
васкуляр паркинсонизм ва Паркинсон касаллигида когнитив  ва уйқу бузилишлар  бўйича илмий тадқиқот натижалари асосида ишлаб чиқилган «Васкуляр паркинсонизм ва Паркинсон касаллигида когнитив  ва уйқу бузилишларни  коррекциялаш» номли услубий тавсиянома тасдиқланган (Соғлиқни сақлаш вазирлигининг 2021 йил 2 июлдаги 8н–р/612-сон маълумотномаси). Натижада  касалликни эрта ташҳислаш,   унинг асоратлари натижасида юзга келадиган уйқунинг бузилиши ва асоратларни бартараф этиш натижасида когнитив бузилишларни коррекциялаш имкон берган;
паркинсонизмда церебрал қон томирлар бузилишининг кўп омилли таҳлилини оптималлаштириш асосида олинган илмий натижалар соғлиқни сақлаш амалиётига, жумладан, Самарқанд давлат тиббиёт институти 1-клиникаси,  Бухоро шаҳридаги «Қахрамон Рахимжон» хусусий клиникаси, Бухоро вилоят кўп тармоқли тиббиёт маркази неврология бўлимининг клиник амалиётига татбиқ этилган (Соғлиқни сақлаш вазирлигининг 2021 йил 5 октябрдаги 8н–р/318-сон маълумотномаси). Олинган натижаларнинг амалиётга жорий қилиниши паркинсонизм асоратларини ташҳислаш, даволаш ва профилактика усулларини такомиллаштириш орқали даволаш давомийлигини қисқартириш, асоратлар сонини камайтириш имконини берган.