Туйчиев Илхомжон Ибрагимовичнинг
диссертация ҳимоясисиз ихтиро патенти асосида фалсафа доктори (PhD) илмий даражасини бериш бўйича эълон

I. Умумий маълумотлар.
Диссертация мавзуси, ихтисослик шифри: “Чувишга яроқсиз бўлган пиллаларни тўшамага қайта ишлаш технологиясини такомиллаштириш”, 05.06.02 – “Тўқимачилик материаллари технологияси ва хом ашёга дастлабки ишлов бериш” ихтисослиги (техника фанлари).
Диссертация мавзуси рўйхатга олинган рақам: В2020.3.PhD/Т1846.
Илмий раҳбар: Валиев Гулам Нибиджанович, техника фанлари доктори, катта илмий ходим.
Илмий тадқиқот иши бажарилган муассаса номи: Ўзбекистон табиий толалар илмий тадқиқот институти.
ИК фаолият кўрсатаётган муассаса номи, ИК рақами: Наманган муҳандислик-технология институти, PhD.03/30.12.2019.T.66.01.
II. Тадқиқотнинг мақсади: чувишга яроқсиз бўлган пиллалар гуруҳи, чала чувилган пиллалар, қазноқ, гренаж пиллалардан ипак тўшамаси олишнинг юқори самарали ресурстежамкор янги техника ва технологиясини ишлаб чиқишдан иборат.
III. Тадқиқотнинг илмий янгилиги:
чувишга яроқсиз бўлган пилла гуруҳлари, қазноқ, чала чувилган ва гренаж пиллаларини ипак тўшамасига қайта ишлаш учун технологик жараён босқичлари ишлаб чиқилган;
чувишга яроқсиз бўлган пилла гуруҳлари, қазноқ, чала чувилган ва гренаж пиллалардан ипак тўшама олишни мавзуд қурилмасидан фарқли равишда бош барабани қозиқлари ўрнига ингичка игнали эластик гарнитуралар ўрнатилган ва сифатли ипак тўшама олиш имкони яратилган;
чувишга яроқсиз бўлган пиллалардан ипак тўшама олиш дастгоҳи бош барабанининг игнали гарнитурасини деформацияланиш хусусиятлари ҳамда бурчак тебранишларини ҳисобга олиб математик модели олинган;
чувишга яроқсиз бўлган пилла гуруҳлари, қазноқ, чала чувилган ва гренаж пиллалардан ипак тўшама олиш қурилмасини технологик параметрларини оптимал қийматлари аниқланган ва илмий асосланган.
IV. Тадқиқот натижаларининг жорий қилиниши.
Чувишга яроқсиз бўлган пиллаларни тўшамага қайта ишлаш технологиясини такомиллаштириш ва параметрларини асослаш бўйича олинган натижалар асосида:
чувишга яроқсиз бўлган пиллаларни тўшамага қайта ишлаш технологиясини такомиллаштириб, чувишга яроқсиз бўлган пиллаларни тўшамага қайта ишлаш учун дастгоҳни   “VERIGROW IPAGI” МЧЖ шаклидаги ХКда жорий этилди ва 1 881 319 375 сўм иқтисодий самарадорлик олишга эришилди (“Ўзбекипаксаноат” Уюшмасининг 2021 йил 24 августдаги 4-2/1335-сонли маълумотномаси).
Тадқиқот натижаларининг апробацияси. Тадқиқот натижалари бўйича жами 17 та илмий-техник анжуманларда, шу жумладан 11 та халқаро ва 6 та республика миқиёсидаги анжуманларда муҳокамадан ўтказилган.
V. Ихтиро патенти. «Чувишга яроқсиз бўлган пиллаларни қайта ишлаш усули» номли ихтиро патентига (№ IAP 04621 30.11.2012 й.), «Чувишга яроқсиз бўлган пиллаларни тўшамага қайта ишлаш учун қурилма» номли фойдали модел  патентига (№ FAP 00590 31.12.2010 й.),   Ўзбекисталон Республикаси Интеллектуал мулкагентлигининг 2021 йил 22 октябрдаги 01-11/2626-сон хулосаси.