Ergashev Shamshod Shavkatovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar:
Dissertatsiya mavzusi, ixtisoslik shifri (ilmiy daraja beradigan fan tarmog‘i nomi): “O‘zbekistonda ilmiy va innovatsion faoliyatning idoraviy rivojlanish jarayonlari (1991–2016 y.)”, 07.00.01 – O‘zbekiston tarixi (tarix fanlari).
Dissertatsiya mavzusi ro‘yxatga olingan raqami: B2020.3.PhD/Tar.56.01.
Ilmiy rahbar: Azamat Ziyo, tarix fanlari doktori, professor.
Dissertatsiya bajarilgan muassasa nomi: Fanlar akademiyasi Tarix instituti.
IK faoliyat ko‘rsatayotgan muassasa, IK raqami: O‘zbekiston Fanlar akademiyasi Tarix instituti, DSc.02/30.12.2019.Tar.56.01.
Rasmiy opponentlar: Raximov Mirzoxid Akramovich, tarix fanlari doktori, professor; Mavrulov Abduxalil Abdulxaevich, tarix fanlari doktori, professor.
Etakchi tashkilot: Mirzo Ulug‘bek nomidagi O‘zbekiston milliy universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi O‘zbekistonda 1991–2016 yillarda ilmiy va innovatsion faoliyatning idoraviy rivojlanish jarayonlari mohiyatini ochib berishdan iborat.
III. Tadqiqotning ilmiy yangiligi:
mustaqillikning dastlabki iqtisodiy imkoniyatlar cheklangan yil-larida (1992–2001 y.) asosan ijtimoiy-gumanitar fanlarga e’tibor qaratilgani hamda yuridik, tarix va filologiya fanlari yo‘nalishlaridagi tadqiqotlar natijalari mustaqillikning ilmiy asosini mustahkamlashga xizmat qilgani ochib berilgan;
ilm-fan sohasini moliyalashtirishning turg‘unlik bosqichida (2002–2016 y.) fan, ta’lim va ishlab chiqarish integratsiyasi to‘g‘ri yo‘lga qo‘yilmagani sababli moliyalashtirish hajmi soha ehtiyojidan o‘ta past bo‘lganiga qaramay, ilmiy-texnik salohiyatning yuqoriligi va ilmiy maktablarning saqlab qolingani hisobiga ilmiy xodimlar va tadqiqotlar soni muayyan darajada ortgani va ilmiy markazlar tashkil etilgani dalillangan;
ilmiy markazlarning aksariyat qismi markazda joylashgani sababli chekka hududlarda ilmiy salohiyatning pastligi, mahalliy davlat organlari tomonidan haqiqiy ilmiy-texnik ehtiyojlar shakllantirilmagani 2000–2016 yillarda amalga oshirilgan aksariyat tadqiqotlar kutilgan ilmiy natijalarni bermagani ochib berilgan;
milliy ilmiy-texnika axboroti resurslarini sifat jihatdan yangi pog‘onaga ko‘tarish, raqobatbardoshligini oshirish, amaliyotga tatbiq etish mexanizmlarini takomillashtirishda ishlab chiqaruvchi korxonalar ehtiyoji asosida intellektual mulk ob’ektlariga bo‘lgan muhofaza hujjatlarini tijoratlashtirish darajasini oshirishning maqsadga muvofiqligi asoslangan.
IV. Tadqiqot natijalarining joriy qilinishi. 1991–2016 yillarda O‘zbekiston Respublikasida ilm-fan va innovatsiya sohasida idoraviy rivojlanishning tarixiy xususiyatlarini tadqiq qilish yuzasidan olingan xulosa va takliflar asosida:
mustaqillikning dastlabki iqtisodiy imkoniyatlar cheklangan yil-larida asosan ijtimoiy-gumanitar fanlarga e’tibor qaratilgani hamda yuridik, tarix va filologiya fanlari yo‘nalishlaridagi tadqiqotlar natijalari mustaqillikning ilmiy asosini mustahkamlash bo‘yicha xulosalardan O‘zbekiston Ilmiy-texnika va tibbiyot hujjatlari milliy arxivi hamda O‘zbekiston Milliy arxivida foydalanilgan («O‘zarxiv» agentligining 2020 yil 19 noyabrdagi 01/26-848-son ma’lumotnomasi). Xulosalar mustaqillikni g‘oyaviy jihatdan ilmiy asosda ta’minlash zarurati va iqtisodiy imkoniyatlar keskin cheklangan sharoitda asosan ijtimoiy-gumanitar fanlarga e’tibor qaratilgani hamda tegishli fanlar yo‘nalishlaridagi tadqiqotlar natijalari mustaqillikning ilmiy asosini mustahkamlashga xizmat qilganligi ochib berilgan;
ilmiy markazlarning aksariyat qismi markazda joylashgani sababli chekka hududlarda ilmiy salohiyatning pastligi, mahalliy davlat organlari tomonidan haqiqiy ilmiy-texnik ehtiyojlar shakllantirilmagani 2000–2016 yillarda amalga oshirilgan aksariyat tadqiqotlar kutilgan ilmiy natijalarni bermagani to‘g‘risidagi xulosalardan 2019–2021 yillarda O‘zbekiston Respublikasini innovatsion rivojlantirish strategiyasini ishlab chiqishda foydalanilgan (Innovatsion rivojlanish vazirligining 2021 yil 10 noyabrdagi 02-02/6484-son ma’lumotnomasi). Natijalar 2022–2030 yillarda O‘zbekiston Respublikasini innovatsion rivojlantirish strategiyasini ishlab chiqishda xizmat qilgan;
milliy ilmiy-texnika axboroti resurslarini sifat jihatdan yangi pog‘onaga ko‘tarish, raqobatbardoshligini oshirish, amaliyotga tatbiq etish mexanizmlarini takomillashtirishda ishlab chiqaruvchi korxonalar ehtiyoji asosida intellektual mulk ob’ektlariga bo‘lgan muhofaza hujjatlarini tijoratlashtirish darajasini oshirish bo‘yicha takliflardan O‘zbekiston Respublikasi Prezidentining 2018 yil 14 iyuldagi PQ-3855-son «Ilmiy va ilmiy-texnikaviy faoliyat natijalarini tijoratlashtirish samarador-ligini oshirish bo‘yicha qo‘shimcha chora-tadbirlar to‘g‘risida»gi qarorini ishlab chiqishda foydalanilgan (Vazirlar Mahkamasining 2021 yil 10 noyabrdagi 08/1-822-son ma’lumotnomasi). Mazkur takliflar asosida ilmiy tashkilotlarda yaratilgan ilmiy-tadqiqot ishlarining 43 tasi ishlab chiqarishga joriy qilishga va 19 ta «startap» korxonasini tashkil qilishga uslubiy-tashkiliy jihatdan imkoniyat yaratgan hamda O‘zbekiston Respublikasida ilmiy-texnika axborotini rivojlantirish konsepsiyasi ishlab chiqilgan.