Махмарежабов Дилмурод Бахтияровичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Қийин бойитилувчи олтинли рудаларни бойитиш ва гидрометаллургик усулларни биргаликда қўллаб қайта ишлаш технологиясини ишлаб чиқиш», 04.00.14 ‒ Фойдали қазилмаларни бойитиш (техника фанлари).
Диссертация мавзуси рўйхатга олинган рақам: В2020.2.PhD/Т1761.
Илмий раҳбар: Худояров Сулейман Рашидович, техника фанлари номзоди, доцент.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса (муассасалар) номи, ИК рақами: Навоий давлат кончилик институти, DSc. 17/04.06.2021.T.06.01.
Расмий оппонентлар: Мухиддинов Баходир Фахриддинович, кимё фанлари доктори, профессор; Тошқодирова Рано Эркинжоновна, техника фанлари бўйича фалсафа доктори (PhD).
Етакчи ташкилот: «Олмалиқ кон-металлургия комбинати» АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: қийин бойитилувчи олтинли рудаларни бойитишда бойитиш ва гидрометаллургик усулларни бир технологик схемада бирлаштириб қўллаш технологияларини ишлаб чиқиш, бойитиш жараёнида ишлатиладиган анъанавий реагентларни фаоллигини ошириш ва миқдорини қисман маҳаллий саноат корхоналаридан олинадиган реагентларга алмаштиришдан иборат.
III. Тадқиқотнинг илмий янгилиги:
«Навоийазот» АЖ корхонаси чиқиндисининг моддий таркиби хамда ундан олинган акрил кислотаси ва полиакриламиднинг сувда эрувчи сополимери СД-1 реагентини бойитилиши қийин бўлган олтинли рудаларни флотация усулида бойитишда маҳаллий реагент сифатида қўллаш мумкинлиги аниқланган;
қийин бойитилувчи олтинли рудаларни дастлаб гравитация усулида бойитилиб, сўнгра гравитация чиқиндиларини флотация усулида бойитиш натижасида олтин ва кумушнинг ажралиши бўйича юқори кўрсаткичларга эришилган, шунингдек тўпловчи реагент сарфининг қисман қисқариши аниқланган;
ксантогенатнинг (ROCS2Me) қисман диксантогенатга ((ROCSS)2) ўтиши ва натижада бойитилиши қийин бўлган олтинли рудаларни бойитишда бойитилувчанлик самарадорлигининг ортиши исботланган;
флотация жараёнида янги маҳаллий тўпловчи реагент СД-1 ни анъанавий реагент БКК билан биргаликда қўллаш натижасида БККнинг сарфини 50% га қисқариши аниқланган.
IV. Тадқиқот натижаларининг жорий қилиниши: 
Қийин бойитилувчи олтинли рудаларни бойитиш ва гидрометаллургик усулларни қўллаб қайта ишлаш технологиясини ишлаб чиқиш бўйича олинган илмий натижалар асосида:
анъанавий реагент БКК электрокимёвий усулда фаоллаштирилиб, «Ауминзо-Амантой» конининг Шимолий ва Марказий участкалари руда намуналарининг аралашмасини флотация усули «Минерал ресурслар институти» давлат муассасида амалиётга жорий этилган (Ўзбекистон Республикаси Давлат геология ва минерал ресурслар қўмитасининг 2021 йил 29 апрелдаги 14-25-сон маълумотномаси). Натижада, олтиннинг флотобойитмага ажралиш кўрсатгичи анъанавий реагентлардан фойдаланилганда олинган кўрсатгичдан 0,7÷2,8% гача ошиш имконини берган;
ишлаб чиқилган технологик схема бўйича «Ауминзо-Амантой» конининг Шимолий ва Марказий участкалари руда намуналарининг аралашмасини гравитация усулида бойитиш «Минерал ресурслар институти» давлат муассасида амалиётга жорий этилган (Ўзбекистон Республикаси Давлат геология ва минерал ресурслар қўмитасининг 2021 йил 29 апрелдаги 14-25-сон маълумотномаси). Натижада, гравитация усулини қўллаш, олтин ва кумушнинг гравиoбойитмага ажралишини 80,09% ва 67,50% га етказишга имкони берган.
тавсия қилинган технология бўйича «Ауминзо-Амантой» конининг Шимолий ва Марказий участкалари руда намуналарининг аралашмасини гравитация ёрдамида бойитиш чиқиндиларини флотация орқали бойитишда анъанавий реагент БКК эритмасини электрокимёвий фаоллаштириш усули «Минерал ресурслар институти» давлат муассасида амалиётга жорий этилган (Ўзбекистон Республикаси Давлат геология ва минерал ресурслар қўмитасининг 2021 йил 29 апрелдаги 14-25-сон маълумотномаси). Натижада, электрокимёвий фаоллаштирилган реагентни қўллаш олтин ва кумушнинг бойитмаларга умумий ажралишини тегишли равишда 91,8-94,2% ва 81,3-85,92% га эришиш имконини берган.