Ташпулатова Мактуба Мухамедали қизининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Эрта ревматоид артритнинг клиник кечишининг ўзига ҳослиги ва ташхислашнинг замонавий жиҳатлари», 14.00.05 – Ички касалликлар (тиббиёт фанлари).
Диссертация мавзуси рўйхатга олинган рақам: В2020.2.PhD/Tib1155.
Илмий раҳбар: Набиева Дилдора Абдумаликовна, тиббиёт фанлари доктори, доцент.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc 04/30.12.2019.Tib 30.02. 
Расмий оппонентлар: Хамраев Аброр Асрарович, тиббиёт фанлари доктори, профессор; Абдуллаев Акбар Хатамович, тиббиёт фанлари доктори, доцент. 
Етакчи ташкилот: Тошкент педиатрия тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: ревматоид артритнинг эрта даврида касалликнинг ўзига хос клиник ҳусусиятларини аниқлаш ҳамда унга чалинган беморлар қон зардобида 14-3-3η оқсилининг диагностик аҳамиятини баҳолашдан иборат. 
III. Тадқиқотнинг илмий янгилиги:
ревматоид артритнинг эрта даврларида типик бўғим синдроми кузатилмаганда 14-3-3η оқсилининг миқдорини ортиши касалликни эрта ташҳислаш маркёри эканлиги асосланган;
қонда 14-3-3η оқсили миқдорининг ортиши бўғим синдроми билан кечувчи бошқа касалликларда кузатилмаслиги ва ревматоид артритнинг эрта даври учун махсуслиги аниқланган;
ревматоид артритнинг эрта даврларида гиперцитокинемия (интерлейкин -10 ва ўсма некрози омили-α), эрозив артрит ривожланиши ва касалликнинг рентгенологик белгиларнинг авжланиши негизида 14-3-3 η оқсили титрининг ортиб бориши асосланган; 
ревматоид артритнинг эрта даврларида комбинирланган базис яллиғланишга қарши дори воситалар таъсирида ревматоид омил ва циклик цитруллинланган пептидга қарши антитаначалар миқдорининг камайиб бориши, 14-3-3η оқсили эса ўзгармас кўрсаткич эканлиги аниқланган.
IV. Тадқиқот натижаларининг жорий қилиниши. 
Ревматоид артритнинг эрта босқичларда клиник кечишини ўзига ҳос хусусиятларини таҳлил қилиш, базис даволаш негизида бўғим синдроми ҳамда лаборатор-асбобий кўрсаткичларнинг динамикасини баҳолаш ва касалликни эрта ташхислашга янгича ёндашувларни ишлаб чиқиш бўйича олинган илмий натижалар асосида:
ревматоид артритни 14-3-3η маркёридан фойдаланган ҳолда эрта ташхислаш бўйича олинган илмий натижалар асосида ишлаб чиқилган «Ревматоид артритни 14-3-3η маркёридан фойдаланган ҳолда эрта ташхислаш усули» услубий тавсиянома тасдиқланган. (Соғлиқни сақлаш вазирлигининг 2021 йил 7 августдаги 8 н-з/266-сон маълумотномаси). Мазкур услубий тавсиянома ревматоид артритни 14-3-3η маркёридан фойдаланган ҳолда эрта ташхислаш имконини берган; 
ревматоид артритнинг эрта босқичида комбинирланган патогенетик даволаш  бўйича олинган илмий натижалар асосида ишлаб чиқилган «Эрта ревматоид артритни комбинирланган патогенетик даволаш  усули» услубий тавсиянома тасдиқланган (Соғлиқни сақлаш вазирлигининг 2021 йил 7 августдаги 8 н-з/266-сон маълумотномаси). Мазкур услубий тавсиянома ревматоид артритнинг эрта босқичида комбинирланган патогенетик даволаш усулларини такомиллаштириш орқали бўғимларнинг функционал фаоллигини яхшилаш, эрозив-деструктив ўзгаришларни олдини олиш, ногиронлик хавфини камайтириш ва хаёт сифатини яхшилаш имконини берган;  
ревматоид артритни эрта ташхислаш ва даволаш  бўйича олинган тадқиқот натижалари Қорақалпоғистон Республикасининг кўп тармоқли клиникаси ревматология бўлимида, ТТА кўп тармоқли клиникаси ревматология, кардиоревматология, артрологик ихтисослашган амбулатор даволаш бўлимлари ҳамда Қашқадарё вилояти Миришкор тумани тиббиёт бирлашмаси амалий фаолиятига тадбиқ қилинган (Соғлиқни сақлаш вазирлигининг 2021 йил 23 ноябрдаги 08-09/18179-сон маълумотномаси). Олинган илмий натижаларнинг амалиётга жорий этилиши ревматоид артритни эрта аниқлаш, касалликнинг ўзига ҳос клиник кечишини баҳолаш ва патогенетик комбинирланган даволашни мақбулллаштириш ҳамда ҳаёт сифати кўрсаткичларини яхшилаш имконини берган.