Туляганова Васила Сунатиллаевнанинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Машинасозлик учун электрокерамика композицион материалларининг самарали таркиби ва олиш технологиясини ишлаб чиқиш», 02.00.07 – Композицион, лок-бўёқ ва резина материаллари кимёси ва технологияси, 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: B2021.4.DSc/T462.
Илмий маслаҳатчилар: Негматов Сайибжон Содикович, техника фанлари доктори, профессор, академик; Абдуллаева Раиса Исматовна, техника фанлари доктори, профессор.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Талипов Нигматилла Хамидович, техника фанлари доктори, катта илмий ходим; Кадырова Зулайхо Раимовна, техника фанлари доктори, профессор; Тураходжаев Нодир Джахонгирович, техника фанлари доктори, профессор.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади машинасозлик учун электрокерамика композицион материалларининг самарали таркиби ва олиш технологиясини ишлаб чиқишдан иборат.
III. Тадқиқотнинг илмий янгилиги:
тальк асосида электрокерамик композицион материалларни ишлаб чиқариш технологиясининг илмий-назарий асослари ишлаб чиқилган;
дастлабки хомашёларнинг кимёвий ва минералогик таркиби ва хоссаларига қараб, уларнинг электрокерамика композицияларини ишлаб чиқаришда куллаш мумкинлиги аниқланган;
физик-кимёвий текширишлар натижасида махаллий хомашёлар асосида электркерамик композиция таркибида микроструктураси шаклланишининг ўзига хослиги ва фаза таркиби аникланди, бунда асосан стеатит ва кордиерит микдорининг юкорилиги, шишасимон фаза, муллит ва кварцнинг мавжудлиги асосланган; 
механик фаоллаштирилган маҳаллий хомашё ва иккиламчи ресурслар асосида хоссалари яхшиланган электрокерамика композицион материалларнинг самарали таркиблари ишлаб чиқилди ва уларнинг электр изоляцион буюмлар ишлаб чиқаришда яроқлилиги аниқланган;
композиция массаларни пиширишда фаза ҳосил бўлиш жараёнининг қонуниятлари ҳамда янги ҳосил бўлган минералларнинг ҳажм бўйича тарқалиш характери аниқланган;
фаза ҳосил бўлиш жараёнининг ва шишасимон фазанинг керамик-технологик ва диэлектрик хоссаларига таъсир қилиш механизми ишлаб чиқилган;
электрокерамик композицион намуналарнинг керамик-технологик ва диэлектрик хоссаларининг хароратга боғлиқлиги аниқланган.
IV. Тадқиқот натижаларининг жорий қилиниши. 
Машинасозлик учун электрокерамика композицион материалларининг самарали таркиби ва олиш технологиясини ишлаб чиқиш бўйича олинган илмий натижалар асосида:
ишлаб чиқилган электрокерамик композицион материалларнинг самарали таркиблари «Олмалиқ КМК» АЖ «НМваҚҚ» ИИЧБда жорий этилган («Олмалиқ КМК» АЖнинг 2021 йил 24 ноябрдаги ҲА-009604-сон маълумотномаси). Натижада, ишлаб чиқилган электрокерамика материалларининг физик-механик ва электроизоляцион ҳусусиятлари яхшиланган яъни механик мустаҳкамлиги 30% га ва электрик мустаҳкамлигини 8,0% ошириш имконини берган;
тальк, лейкократовий гранит, доломит, бентонит, каолин ва кремнеземли чиқинди асосида ишлаб чиқилган электрокреамик композицияларнинг мақбул таркиблари «Олмалиқ КМК» АЖ «НМваҚҚ» ИИЧБда жорий этилган («Олмалиқ КМК» АЖнинг 2021 йил 24 ноябрдаги ҲА-009604-сон маълумотномаси). Натижада, пишиш хароратини эталонга нисбатан 500 С га камайиши, ёнилғи энергетик ресурсларини тежаш ва тайёр махсулот таннархини 22%га пасайиш имконини берган;
яратилган самарали ишлаб чиқариш технологияси «Олмалиқ КМК» АЖ «НМваҚҚ» ИИЧБда жорий этилган («Олмалиқ КМК» АЖнинг 2021 йил 24 ноябрдаги ҲА-009604-сон маълумотномаси). Натижада, органик пластификаторлар ўрнига сувдан фойдаланилиб, газ ва сувли ҳамда қаттиқ чиқиндиларни ҳосил қилмайдиган экологик тоза ишлаб чиқариш технологиясини олиш ва «Олмалиқ КМК» АЖнинг иқтисодий самарадорлигини ошириш имконини берган.