Alimov Beruniy Sultonovichning 
fan doktori (DSc) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “XXI asr media muhitida O‘zbekiston imijini shakllantirishning nazariy-kognitiv aspektlari (AQSh, Buyuk Britaniya, Rossiya va O‘zbekiston OAV materiallari misolida)”, 10.00.09 – Jurnalistika (filologiya fanlari). 
Dissertatsiya mavzusi ro‘yxatga olingan raqam: B2019.1.DSc/Fil161. 
Ilmiy maslahatchi: Dosmuxamedov Xurshid Nabievich, filologiya fanlari doktori.
Dissertatsiya bajarilgan muassasa nomi: O‘zbekiston davlat jahon tillar universiteti.
IK faoliyat ko‘rsatayotgan muassasa (muassasalar) nomi, IK raqami: O‘zbekiston davlat jahon tillar universiteti huzuridagi DSc.03/30.12.2019.Fil/Ped.27.01 raqamli Ilmiy kengash asosida Bir martalik Ilmiy kengash.
Rasmiy opponentlar: Normatov Karim Normatovich, filologiya fanlari doktori, professor; Xudoyqulov Muxtor, filologiya fanlari doktori, professor; Dr.Zhang Juyan, Texas universiteti professori. 
Yetakchi tashkilot: Berdaq nomidagi Qoraqalpoq davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi XXI asr media muhitida AQSh, Buyuk Britaniya, Rossiya va O‘zbekiston OAV materiallarida O‘zbekiston imijini shakllantirishning nazariy-kognitiv aspektlarini ochib berishdan iborat.
III. Tadqiqotning ilmiy yangiligi:
O‘zbekistonning xalqaro nufuzi AQSh, Buyuk Britaniya va Rossiya Federatsiyasi  ommaviy axborot vositalaridagi media imijning tarixiy-tadrijiy kesimdagi evolyusiyasi ushbu mamlakatlar axborot makonidagi respublikamiz hayotiga doir  jurnalistik materiallar, tegishli mavzular, mulliflarning munosabati, qo‘llanilgan janr va formatlar kesimida isbotlangan; 
ommaviy axborot vositalarining asosiy funksiyalari AQSh, Buyuk Britaniya va Rossiya misolida axborot etkazish/tasvirlash, tahlil qilish va o‘quvchilar ongostiga bevosita ta’sir qilish funksiyalari orqali O‘zbekiston media imijining yaratilishi, shakllanishi va takomillashuvining kognitiv aspekti dalillangan;
milliy kommunikatsiya vositalari, xususan gazeta va jurnallar,  yangiliklar saytlari, TV va radio kanallar, axborot agentliklari tomonidan mamlakatning xalqaro media imijini takomillashtirish borasida faollik darajasidagi differensial ko‘rsatkichlar dalillangan;
davlat va nodavlat tashkilotlari, xususiy kompaniyalarning jamoatchilik bilan aloqalar xizmatlarining xalqaro o‘quvchilar auditoriyasi uchun mo‘ljallangan media mahsulotlari, ularni BMTning rasmiy tillariga amalga oshirilayotgan tarjimasida xodimlarning kasbiy kompetensiyasi - kommunikativlik, media tili va uslubiy qoidalarni o‘zlashtirganlik, ijodiy va uslubiy tahrir mahorati bo‘yicha mezonlar tartibi takomillashtirilgan;
G‘arb va MDH ommaviy axborot vositalari materiallari asosida media imijning barqarorlik (konstantalik) jihatini o‘zgarmas, retrospektiv stereotiplar, mavjud tasavvurlar, bilimlarni tartibga solish, guruhlashtirish freymlari orqali yoritish O‘zbekiston media imiji kesimida takomillashtirilgan.
IV. Tadqiqot natijalarining joriy qilinishi.  Media muhitda mamlakat imijining tadqiqi bo‘yicha olingan natijalar asosida:
O‘zbekistonning xalqaro nufuzi AQSh, Buyuk Britaniya va Rossiya Federatsiyasi  ommaviy axborot vositalaridagi media imijning tarixiy-tadrijiy kesimdagi evolyusion tasnifidan O‘zbekiston Respublikasi Prezidentining 2020 yil 2 martdagi “Ilm, ma’rifat va raqamli iqtisodiyotni rivojlantirish yili”da amalga oshirishga oid davlat dasturi to‘g‘risida”gi PF-5953-son farmoni bilan tasdiqlangan 2020 yil Davlat dasturi vazifalarini amalga oshirishda foydalanilgan (O‘zbekiston Respublikasi Prezidenti Adminstratsiyasi huzuridagi Axborot va ommaviy kommunikatsiyalar agentligining 2020 yil 8 maydagi 18-1876-son dalolatnomasi). Natijada “Axborot xizmatlari faoliyatiga oid nazariy va amaliy aspektlar” mavzusidagi o‘quv-seminar materiallari yaratilgan;
AQSh, Buyuk Britaniya, Rossiya ommaviy axborot vositalari axborot etkazish/tasvirlash, tahlil qilish, ta’sir etish funksiyalari orqali takomillashgan O‘zbekiston media imiji yaratilishining kognitiv aspekti bo‘yicha xulosalardan O‘zbekiston Respublikasi Tashqi ishlar vazirligining “Dunyo” axborot agentligi veb-saytidagi “Sayyohlik”, “Madaniyat” va “Iqtisodiy diplomatiya” deb nomlangan ruknlarini tashkil etishda foydalanilgan (O‘zbekiston Respublikasi Tashqi ishlar vazirligining “Dunyo” axborot agentligining 2020 yil 18 maydagi IA-168/20-son dalolatnomasi). Natijada, “O‘zbekiston Respublikasining xalkaro imijini mustahkamlashning dolzarb masalalari” mavzuidagi davra suhbatining tashkiliy-metodik ta’minoti ishlab chiqilgan;
muammo va echimlar bo‘yicha aniqlangan mamlakatning xalqaro media imijini yaratishda milliy ommaviy kommunikatsiyalar (matbuot va publisistika, yangiliklar saytlari, TV va radio kanallar, axborot agentliklari)ning faollik darajasidagi differensial ko‘rsatkichlardan “O‘zbekiston jurnalistlarining kasb etikasi kodeksi”ni ishlab chiqishda foydalanilgan (O‘zbekiston Jurnalistlari ijodiy uyushmasining 2020 yil 21 maydagi 16/181-son dalolatnomasi). Natijada, o‘zbek jurnalistikasini takomillashtirishga xizmat qilgan;
davlat va nodavlat tashkilotlari PR xizmatlaridagi media matnlar tarjimasida xodimlarning kasbiy kompetensiyasi kommunikativlik, media tili qoidalarini o‘zlashtirganlik, ijodiy va uslubiy tahrir mahorati bo‘yicha ilk bora aniqlangan mezonlaridan O‘zbekiston Respublikasi Vazirlar Mahkamasining 2020 yil 3 yanvardagi “Yangi O‘zbekiston” va “Pravda Vostoka” gazetalari tahririyati davlat korxonasi faoliyatini tashkil etish chora-tadbirlari to‘g‘risida”gi qarori ijrosini ta’minlashda foydalanilgan (O‘zbekiston Respublikasi Vazirlar Mahkamasi “Yangi O‘zbekiston” gazetasining 2020 yil 11 avgustdagi 138-son dalolatnomasi). Natijada, tahririyatning yangi veb-saytida “OAV O‘zbekiston haqida”, “Dolzarb” deb nomlangan ruknlar tashkil qilingan;
shuningdek, Internet tizimidan deputatlarning samarali foydalanishlari va tarmoqdan ma’lumotlar olish, ularni tahlil qilish, axborot tarqatish savodxonligini oshirish, ularning kommunikativlik bo‘yicha kasbiy kompetensiyasini belgilash shartlaridan “2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Ilm, ma’rifat va raqamli iqtisodiyotni rivojlantirish yili”da amalga oshirishga oid davlat dasturi to‘g‘risida”gi PF 5953-son Farmonining 1-ilova 10-bandida ko‘rsatigan parlament va deputat so‘rovlarini jamoaviy murojaatlar asosida Internet tarmog‘ida shakllantirish imkoniyatini takomillashtirishda xizmat qilgan (O‘zbekiston Respublikasi Oliy Majlisi Qonunchilik palatasi Innovatsion rivojlanish, axborot siyosati va axborot texnologiyalari masalalari qo‘mitasining 2020 yil 10 noyabrdagi 05/02-04-98-son dalolatnomasi). Natijada, “Ijtimoiy tarmoqlarda raqamli kommunikatsiyalar” mavzusidagi o‘quv kurslari asosida deputatlarning mediasavodxonligi oshirilgan.