Тиллаева Умида Махмуджановнанинг 
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Фенилглиоксил кислота хосилаларининг комбинирланган таъсирли дори воситаларининг сифатини назорат қилиш ва стандартлаштиришни ишлаб чиқишда методологик ёндошув», 15.00.02 – Фармацевтик кимё ва фармакогнозия (фармацевтика фанлари). 
Диссертация мавзуси рўйхатга олинган рақам: В2021.1.DSc/Far29.
Илмий маслаҳатчи: Ризаев Камал Саидакбарович, тиббиёт фанлари доктори.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Урманова Флюра Фаридовна, фармацевтика фанлар доктори, профессор; Тўлаганов Абдуқодир Абдурахмонович, фармацевтика фанлар доктори, профессор; Сунг-О Ха, фармацевтика фанлари доктори, профессор.
Етакчи ташкилот: Жанубий Қозоғистон тиббиёт академияси.
Диссертация йўналиши: назарий ва амалий аҳамиятга молик.
II. Тадқиқотнинг мақсади: юмшоқ дори шаклларидаги (геллар, шамчалар) фенилглиоксил кислотаси ҳосилаларининг (фенсулкал, бензкетозон) мажмуавий таъсирга эга дори воситаларининг сифат назорати ва стандартлашни илмий ва методологик ёндошишдан иборат.
III. Тадқиқотнинг илмий янгилиги:
янги фаол биологик таъсирга эга бўлган молекулаларни яратиш мақсадида  фенсулкал ва бензкетозон субстанцияларининг кўрсаткичларини аниқлаш учун ренгтгеноструктур ва спектроскопик (1Н и 13С) таҳлил усуллари ишлаб чиқилган; 
илк бор бензкетозонни олинган монокристаллининг молекуляр ва кристаллик структураси рентгеноструктур таҳлил усули ёрдамида экспериментал ва назарий аниқланган;
фенилглиоксил кислота хосилалари (фенсулкал ва бензкетозон) асосидаги дори препаратларини ҳамда уларнинг мўътадил дори шаклларини «туташ» стандартизация усулларини қўллаш орқали  сифатини назорат қилишнинг ягона методологик ва илмий асосланган ёндошуви ишлаб чиқилган;
шамча асосларининг мажмуавий таъсирли фаол моддаларга нисбатан дори шаклидаги индифференлиги исботланган;
фенсулкал ва бензкетозоннинг антигистамин препарати цетиризин билан гел дори шаклидаги комбинацияси мақсадга мувофиқлиги асосланган;
фенсулкалнинг цетиризин ҳамда чаканда мойи билан, шу билан бирга бензкетозоннинг папайя (ер устки қисми) билан шамча дори шаклларидаги комбинацияси мақсадга мувофиқлиги асосланган.
IV. Тадқиқот натижаларининг жорий қилиниши. 
Тадқиқот натижаларини жорий қилиш. Фенилглиоксил кислота хосилаларининг комбинирланган таъсирли дори воситаларининг сифатини назорат қилиш ва стандартлаштиришни ишлаб чиқишда методологик ёндошув бўйича олинган илмий натижалар асосида:
фенсулкал субстанцияси учун фармакопея мақоласи «Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУК томонидан тасдиқланган (ФМ 42 Ўз–0185-2020) ва тиббиётда қўллашга рухсат этилган (гувоҳнома, №DV/M.03587/10/20). Натижада, маҳаллий фенилглиоксил кислота хосиласи бўлган дори субстанциясини ишлаб чиқариш имконини берган;
бензкетозон субстанцияси учун фармакопея мақоласи «Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУК томонидан тасдиқланган (ФМ 42 Ўз–0850-2020) ва тиббиётда қўллашга рухсат этилган (гувоҳнома, №DV/M.03588/10/20). Натижада, маҳаллий ностероид яллиғланишга қарши дори воситаларни яратиш учун субстанция ишлаб чиқариш имконини  берган;
фенсулкал сиртга қўллаш учун 3% гели учун корхона фармакопея мақоласи «Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУК томонидан тасдиқланган (КФМ 42 Ўз–25290387-4563-2021) ва тиббиётда қўллашга рухсат этилган (гувоҳнома, №DV/M.03820/06/21). Натижада, маҳаллий ностероид яллиғланишга қарши дори воситалар ассортиментини кенгайтириш имконини  берган;
«Фензин» сиртга қўллаш учун комбинирланган гели учун корхона фармакопея мақоласи «Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУК томонидан тасдиқланган (КФМ 42 Ўз–25290387-4562-2021) ва тиббиётда қўллашга рухсат этилган (гувоҳнома, №DV/M.03934/10/21). Натижада, ностероид яллиғланишга қарши ҳамда антиаллергик таъсирли юмшоқ дори шаклдаги препаратлар ассортиментини кенгайтириш имконини  берган;
монокристалл кўринишидаги бензкетозон кислотаси моногидратининг кристаллографик маълумотлари Кембридж кристаллографик маълумотлар Марказида депонирланган (№2089586, 12.06.21 й.) ҳамда ҳалқаро маълумотлар базасига киритилган (http://www.ccdc.cam/).ac.uk/solutions/cds-system/components/cds/). Натижада, янги биологик фаол  аналогик таъсирга эга моддаларни синтез қилиш имконини берган.