Усманов Улугбек Хусановичнинг 
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Тубулғибаргли бўймодарон гуллари асосида меъда-ичак ярасига қарши дори воситалари ва биологик фаол қўшимчалар технологиясини ишлаб чиқиш ва стандартлаш», 15.00.01 – Дори технологияси, 15.00.02 – Фармацевтик кимё ва фармакогнозия (фармацевтика фанлари). 
Диссертация мавзуси рўйхатга олинган рақам: В2020.3.DSc/Far17.
Илмий маслаҳатчилар: Зайнутдинов Ҳикматулла Суннатович, фармацевтика фанлари доктори, профессор; Комилов Ҳожиасрор Масъудович, фармацевтика фанлари доктори, профессор.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Урманова Флюра Фаридовна, фармацевтика фанлари доктори, профессор; Максудова Фируза Хуршидовна фармацевтика фанлари доктори, доцент; Халилов Равшанжон Муратджанович, техника фанлари доктори, катта илмий ходим.
Етакчи ташкилот: Ўзбекистон кимё-фармацевтика илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: тубулғибаргли   бўймодарон   гуллари асосида меъда-ичак ярасига қарши дори воситалари ва биологик фаол қўшимчалар (БФҚ)  таркибини  илмий асосланган ҳолда танлаш,  олиниш технологиясини ишлаб чиқиш ва стандартлашдан иборат.
III. Тадқиқотнинг илмий янгилиги:
тубулғибаргли бўймодарон гулларининг фильтр-пакетларга қадоқланган дори шакли ишлаб чиқилган;
илк  бор  маҳаллий  доривор  ўсимлик  хом  ашёлари асосида меъда-ичак ярасига қарши «Ульцерафит» йиғма таркиби танланган ва стандартланган;
илк бор меъда-ичак ярасига қарши «Гастрофил» субстанцияси таркиби ва олиш технологияси ишлаб чиқилган;
меъда-ичак ярасига қарши субстанция асосида «Гастрофил» капсулаларининг илмий асосланган таркиби ва олиш технологияси ишлаб чиқилган, специфик фаоллиги  ва зарарсизлиги аниқланган;
илк бор тубулғибаргли бўймодарон гуллари, арслонқуйруқ ўти, қизилмия илдизи ва тирноқгул гуллари асосида капсула шаклидаги «Гастрахилл» биологик фаол қўшимчаси ҳамда меъда-ичак тизими фаолиятининг функционал ҳолатини яхшилайдиган, гастро- ва гепатопротекторлик хусусиятига эга бўлган капсулаланган «Liv Protect (Гепа+)» биологик фаол қўшимчаси ишлаб чиқилган ҳамда уларнинг зарарсизлиги ва биологик самарадорлиги исботланган.
IV. Тадқиқот натижаларининг жорий қилиниши. 
Тубулғибаргли бўймодарон гуллари асосида меъда-ичак ярасига қарши дори воситалари ва биологик фаол қўшимчалар технологиясини ишлаб чиқиш ва стандартлаш бўйича олинган илмий натижалар асосида:
«Тубулғибаргли бўймодарон гуллари» доривор ўсимлик хом ашёси «Дори воситалари, тиббий буюмлар ва тиббий техника экспертизаси ва стандартизацияси Давлат маркази» ДУК томонидан тиббиётда қўллашга рухсат этилган (ФС 42 Уз-0266-2020). Натижада, меъда-ичак ярасига қарши ва қон тўхтатувчи дори воситасини яратиш имконини берган;
«Гастрофил» қуруқ экстракти учун корхона фармакопея мақоласи «Дори воситалари, тиббий буюмлар ва тиббий техника экспертизаси ва стандартизацияси Давлат маркази» ДУК томонидан тасдиқланган (КФМ 42 Уз-18583002-4656-2021) ва тиббиётда қўллашга рухсат этилган (гувоҳнома, №DV/M 03906/09/21). Натижада, меъда-ичак тизимидаги яллиғланиш жараёнларини  даволашда қўлланиладиган препаратлар учун субстанция ишлаб чиқариш имконини берган;
«Гастрахилл» биологик фаол қўшимчаси учун Техник шартлар тасдиқланган (Ts 28275514-003:2020) ҳамда уни ишлаб чиқариш бўйича Технологик йўриқнома тасдиқланган (ТИ 28275514-003:2020). Натижада, «Abduxoliq Pharm» МЧЖ корхонасида капсула шаклидаги «Гастрахилл» биологик фаол қўшимча ишлаб чиқариш имконини берган;
«Liv Protect (Гепа+)» биологик фаол қўшимчаси учун Техник шартлар (Ts 18583002-03:2021) ҳамда уни ишлаб чиқариш бўйича Технологик йўриқнома тасдиқланган (ТИ 18583002-03:2021). Натижада, «Nova Pharm» МЧЖ ҚК корхонасида меъда-ичак фаолиятини меъёрлаштирувчи таъсирга эга капсула шаклидаги «Liv Protect (Гепа+)» биологик фаол қўшимча ишлаб чиқариш имконини берган;
меъда-ичак ярасига қарши «Ульцерафит» йиғмасига корхона фармакопея мақоласи  лойиҳаси ишлаб чиқилиб, клиник синовдан ўтказиш учун «Дори воситалари, тиббий буюмлар ва тиббий техника экспертизаси ва стандартизацияси Давлат маркази» ДУК томонидан рўйхатга олинган ҳамда Этика қўмитаси томонидан мазкур препаратнинг клиник синовдан ўтказишга рухсат берилган (Этика қўмитасининг 2021 йил 17 апрелдаги 2/10-1505-сон хати). Натижада, меъда-ичак ярасига қарши дори воситасини ишлаб чиқиш имконини берган.