Рахимов Анвар Пўлатбоевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Ўт тош касаллиги ва метаболик синдром нозологик синтропияси патогенезининг клиник-генетик аспектлари» 14.00.16 - Нормал ва патологик физиология (тиббиёт фанлари).
Диссертация мавзуси рўйхатга олинган рақам: В2021.1.PhD/Tib985.
Илмий раҳбарлар: Исмаилов Ўктам Сафаевич, тиббиёт фанлари доктори, профессор.
Диссертация бажарилган муассаса номи: Тошкент тиббиёт академиясида.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.04/30.12.2019.Tib.30.03
Расмий оппонентлар: Зокиров Ёрқин Узуевич, тиббиёт фанлари доктори, профессор; Жўраева Мохигул Азимжановна, тиббиёт фанлари доктори, доцент.
Етакчи ташкилот: Самарқанд Давлат тиббиёт институти
Диссертация йўналиши: амалий аҳамиятга молик.
II. Тадқиқотнинг мақсади: ўт тош касаллиги ва метаболик синдром нозологик синтропияси патогенезида липидлар метаболизмини бошқарувчи генларнинг ўрнини баҳолаш асосида касалликлар эрта ташхислаш алгоритмини ишлаб чиқишдан иборат.
III. Тадқиқотнинг илмий янгилиги:
ўт тош касаллиги ва метаболик синдром компонентларидан бўлган семизликнинг патогенетик ривожланиши, клиник кечишига сезиларли таъсир қиладиган ҳамда липид метаболизми бузилишларининг ген-детерминантларидан FABP2 гени rs1799883 локусидаги Thr/Thr генотипи ва ADRB2 гени rs1042714 локусдаги Glu/Glu генотипи ташувчиларида ушбу касалликлар синтропиясининг шаклланишида юқори ассоциацияга эга эканлиги аниқланган;
ўт тош касаллиги ва метаболик синдром компонентларидан семизликнинг патогенетик ривожланиш механизмларида молекуляр генетик предикторлардан FABP2 гени rs1799883 локусидаги Ala/Ala генотипи ҳамда ADRB2 гени rs1042714 локусдаги Gln/Gln генотипи ташувчилари протектив аҳамияти аниқланган;
ўт тош касаллиги ва метаболик синдром компонентларидан қандли диабет касаллигининг нозологик синтропияси ривожланиш патогенезида FABP2 гени rs1799883 локуси Thr ва ADRB3 гени rs4994 локуси Arg аллеллари юқори тенденцияси аниқланган;
ўт тош касаллиги ва метаболик синдром нозологик синтропияси патогенезида липидлар метаболизмини бошқарувчи генларнинг ўрнини ўрганиш асосида ўт тош касаллиги билан оғриган беморларда метаболик синдром ривожланишини эрта ташхислаш алгоритми ишлаб чиқилган.
IV. Тадқиқот натижаларининг жорий қилиниши. 
Ўт тош касаллиги ва метаболик синдром нозологик синтропияси патогенезининг клиник-генетик аспектларини баҳолаш бўйича олинган илмий натижалар асосида:
аҳолининг турли қатламлари орасида ўт тош касаллиги ва метаболик синдром синтропиясини олдини олиш бўйича олинган илмий тадқиқотнинг натижалари асосида ишлаб чиқилган «Ўт тош касаллиги ва метаболик синдром нозологик синтропиясида диагностика усуллари» номли услубий тавсиянома тасдиқланган (Соғлиқни сақлаш вазирлигининг 2021 йил 7 августдаги 8н-з/269-сон маълумотномаси). Натижада ўт тош касаллигини ва метаболик синдромни олдини олиш, самарали ташхислаш ва даволаш тартибини коррекциялаш имконини берган;
ўт тош касаллиги ва метаболик синдром нозологик синтропияси патогенезининг клиник-генетик аспектларини баҳолаш бўйича олинган илмий натижалар соғлиқни сақлаш амалиётига жумладан, Хорзам вилояти кўп тармоқли тиббиёт маркази, Тошкент тиббиёт академияси Урганч филиали клиникаси, Республика шошилинчи тез ёрдам илмий маркази Хорзам филиали ҳамда Хоразм вилоят Боғот тумани тиббиёт бирлашмаларининг амалиётига татбиқ этилган (Соғлиқни сақлаш вазирлигининг 2021 йил 6 октябрдаги 08–04/4803–сон маълумотномаси). Олинган илмий натижаларнинг амалиётга жорий қилиниши ўт тош касаллиги ва метаболик синдром компонентларидан семизликнинг нозологик синтропиясида FABP2 гени rs1799883 локусидаги Thr/Thr генотипи ва ADRB2 гени rs1042714 локусдаги Glu/Glu генотипи  ташувчиларида юқори мустақил ассоциацияси, Ala/Ala ва Gln/Gln генотиплари эса аксинча, протектив аҳамиятга эга эканлигини баҳолаш асосида касалликнинг олдини олиш профилактик ва соғломлаштириш тадбирларини йўлга қўйиш орқали беморларнинг ҳаёт сифатини яхшилаш кўникмаларини ҳосил қилиш имконини берган.