Бебутова Наргиза Нарзуллаевнананинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи):  «Ўзбекистон агросаноат комплекси ишчилари махсус кийимининг рационал конструкциясини тадқиқ қилиш ва яратиш», 05.06.04 - «Тикув буюмлари технологияси ва костюм дизайни» (техника фанлари бўйича).
Диссертация мавзуси рўйхатга олинган рақам: В2019.2.PhD/Т1192.
Илмий раҳбарнинг Ф.И.Ш., илмий даражаси ва унвони: Пулатова Сабохат Усмоновна, техника фанлари номзоди, доцент. 
Диссертация бажарилган муассаса номи: Бухоро муҳандислик-технология институти
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01
Расмий оппонентлар Ф.И.Ш., илмий даражаси ва унвони: Абдукаримова Машхура Абдураимовна, техника фанлари доктори, доцент; Исмаилова Раъно Музаффаровна, техника фанлари номзоди, доцент;  
Етакчи ташкилот: Наманган мухандислик-технология институти
Диссертация йўналиши: амалий аҳамиятга молик.
II. Тадқиқотнинг мақсади иқлимий шароитларга ҳамда агросаноат комплексида ишлайдиган қишлоқ хўжалиги ишчиларининг меҳнат шароитларига мос келадиган, эргономик нуқтаи назардан қулай махсус кийимни рационал конструкциясини ҳамда самарали технологиясини ишлаб чиқиш ва асослашдан иборат.
III. Тадқиқотнинг илмий янгилиги қуйидагилардан иборат:
меҳнат жараёнида ишчилар ҳаракатларининг эркинлигини таъминлайдиган ва иссиқ иқлимий шароитларда кийим ости қатламини ҳаво алмашинувини рационал таъминлайдиган миллий анъаналар ҳамда замонавий талабларни ўзида мужассам этган «енг-ўмиз» конструктив тугунининг оптимал конструктив ечими яратилган;
махсус кийим сифатига таъсир этувчи ипли бириктирма чокларнинг юкламалар таъсирида бузилишининг таҳлили асосида махсус кийим деталлари чокларининг таранглиги ҳолатини баҳолаш боғланишлари ишлаб чиқилган; 
эксплуатацион юкламалар таъсирида махсус кийим деталларининг ипли бирикмаларининг емирилишини таҳлил қилиш асосида тенг қувватли ипли бирикмалар боғланиши ишлаб чиқилган;
махсус кийимни эксплуатациялаш муддатини оширишга ёрдам берадиган мато ва ипли бирикманинг тенг қувватлигини таъминлашга асосланган самарали ишлов бериш технологияси бўйича тавсиялар ишлаб чиқилган. 
IV. Тадқиқот натижаларининг жорий қилиниши: 
қишлоқ хўжалиги ишчилари учун махсус кийимнинг такомиллаштирилган конструкциясини ишлаб чиқишга йўналтирилган илмий тадқиқот натижалари асосида:
қишлоқ хўжалиги ишчилари учун махсус кийимнинг такомиллаштирилган конструкциясига Интеллектуал мулк агентлигининг саноат намунасига патенти олинган («Ўзбекистон қишлоқ хўжалиги ишчилари учун махсус кийим» № SAР 01949 28.11.2019 й). Натижада агросаноат ишчиларининг меҳнат шароитлари яхшиланади, меҳнат жараёнида ишчиларга, эргономик нуқтаи назардан, яхши қулайлик яратади, махсус кийимнинг ишончлилиги ошади ва унинг эксплуатациялаш даври ортади.
таклиф этилаётган қишлоқ хўжалиги ишчилари учун яратилган махсус кийим комплектлари ва уларнинг конструкторлик-техник ҳужжатлар пакети «Ўзтўқимачилик-саноат» Ассоциацияси тасарруфидаги тикувчилик корхоналарида, шу жумладан, «АL-HAKIM PLUS» МЧЖ, «SHOFIRKON EKVATORIAL TEKS» МЧЖ, «OKEAN-LYUKS» МЧЖ (Бухоро вилояти) ва «AZR-TEXTILE GROUP» МЧЖ (Тошкент шахри) корхоналарида ишлаб чиқаришга жорий қилинган («Ўзтўқимачиликсаноат» Ассоциациясининг 2021 йил 04 июндаги 04/20-1771-сонли маълумотномаси). Натижада моддий ресурсларни тежаш ва ишлов бериш технологиясини такомиллаштириш асосида ишлаб чиқарилган маҳсулот бирлигига нисбатан меҳнат унумдорлиги 13,76% га ошишига имконият яратилган ҳамда, қишлоқ хўжалик ишчиларини сифатли махсус кийим билан таъминлаш масаласи ҳал этилган.