Қодирова Севара Хайриддин қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи):  «Электр таьминоти ишчилари учун антистатик хусусиятли махсус кийм тайёрлаш усулини ишлаб чиқиш», 05.06.04 - «Тикув буюмлари технологияси ва костюм дизайни» (техника фанлари).
Диссертация мавзуси рўйхатга олинган рақам  (В2021.2.PhD/Т1195):
Илмий раҳбарнинг Ф.И.Ш., илмий даражаси ва унвони: Пулатова Сабохат Усмоновна, техника фанлари номзоди, доцент.
Диссертация бажарилган муассаса номи: Бухоро мухандислик технология институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентларнинг Ф.И.Ш., илмий даражаси ва унвони: 
Нигматова Фотма Усмоновна, техника фанлари доктори, профессор; Арипжанова Дилафруз Ўктамовна, техника фанлари доктори, профессор.
Етакчи ташкилот: Наманган мухандислик-технология институти.
Диссертация йўналиши: амалий аҳамиятга молик.
II. Тадқиқотнинг мақсади: электр таьминоти ишчиларининг меҳнат шароитларини ва мамлакатимизнинг иқлимий шароитларини эьтиборга олган ҳолда юқори эргономик, эстетик, ҳимоя ҳамда  гигиеник хусусиятларга эга ёзги антистатик махсус кийимини тадқиқ этиш ва ишлаб чиқишдан иборат.
III. Тадқиқотнинг илмий янгилиги қуйидагилардан иборат:
эргономик лойиҳалаш тамойиллари асосида ҳудудий электр таъминоти ишчилари учун махсус кийимнинг такомиллаштирилган конструкцияси  ишлаб чиқилган; 
электр таъминоти  ишчиларининг мавжуд махсус кийимига ишлаб чиқаришнинг зарарли таъсирлар топографияси тахлили асосида ва истеъмолчилар фикрини эътиборга олган ҳолда лойиҳаланаётган махсус кийимга қўйиладиган талаблар  шакллантирилган;
антистатик матоларнинг физик-механик ҳамда гигиеник хоссаларини ифодаловчи боғланишлар ишлаб чиқилган ва электр таъминоти ишчилари махсус кийимини тайёрлаш учун  энг мақбул варианти  тавсия этилган; 
«инсон -кийим-атроф-муҳит» тизими асосида иссиқ ҳаво муҳити ва кийим юпқа қатлами орасидаги иссиқлик алмашув жараёнларининг вақт бўйича ўзгариш боғланишлари ишлаб чиқилган.  
IV. Тадқиқот натижаларининг жорий қилиниши: Диссертация тадқиқоти жараёнида олинган натижалар асосида:
махсус кийимга Ўзбекистон Республикаси Интеллектуал мулк агентлигининг саноат намунасига патент олинган («Электроэнергетиклар учун антистатик махсус кийим», № SAP 02096-2021 й). Натижада худудий электр таьминоти ишчилари учун янги антистатик хусусиятли махсус кийимининг замонавий моделлари ва рационал конструкцияси ишлаб учун чиқиш ва у эксплуатациялаш пайтида ишчилар ҳаракатлари эркинлигини ва иссиқ иқлимий шароитда кийим ости қатламининг комфортли микроиқлимини таъминланиш имконияти яратилган;
таклиф этилаётган электр таъминоти ишчилари учун антистатик хусусиятли махсус кийимни янги комплектлари ва уларнинг конструкторлик- техник ҳужжатлари пакети «Ўзтўқимачиликсаноат» Ассоциацияси тасарруфидаги тикувчилик корхоналарида, шу жумладан, «Аl-Hakim Plus» МЧЖ, «Okean-Lyuks» МЧЖ  (Бухоро вилояти) тикувчилик корхоналарида жорий қилинди («Ўзтўқимачиликсаноат» Ассоциациясининг 2021 йил 29 июндаги 03/14-2002-сонли маълумотномаси). Натижада электр таъминоти ишчилари учун антистатик хусусиятли махсус кийимни ишлаб чиқиш асосида меҳнат унумдорлиги 17,54 % ва ҳудудий электр таьминоти ишчиларини қулай, комфортли ва арзон махсус кийим билан таьминлашга имконият яратилган.