Мусаев Нуриддин Мухитдиновичнинг фалсафа доктори (PhD) диссертацияси ҳимояси ҳақида эълон
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Пахта-ипакли трикотаж тўқималарининг янги ассортиментини олиш технологиясини ишлаб чиқиш», 05.06.02-«Тўқимачилик материаллари технологияси ва хомашёга дастлабки ишлов бериш» (техника фанлари бўйича).
Диссертация мавзуси рўйхатга олинган рақам (B2019.2.PhD/T1175): 
Илмий раҳбарнинг Ф.И.Ш., илмий даражаси ва унвони: Мукимов Мирабзал Мираюбович, техника фанлари доктори, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.Т.08.01.
Расмий оппонентларнинг Ф.И.Ш., илмий даражаси ва унвони: 
Набиева Ирода Абдусаматовна, техника фанлари доктори, профессор; Абдурахмонов Абдурашид, техника фанлари номзоди, доцент.
Етакчи ташкилот номи: Наманган муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: трикотаж машиналарининг технологик имкониятларидан тўлиқ фойдаланиб, пахта-ипакли нақшли трикотаж тўқималарининг янги ассортиментларини олиш технологиясини ишлаб чиқишдан иборат.
III. Тадқиқотнинг илмий янгилиги қуйидагилардан иборат:
бир игнадонли айлана трикотаж тўқув машиналарида ҳалка ҳосил қилиш тизимларини ўзгартириш орқали, пахта-ипакли нақшли трикотаж тўқималарини янги ассортиментини олиш технологияси ишлаб чиқилган;
трикотажнинг технологик кўрсаткичлари ва физик-механик хусусиятларига трикотаж таркибидаги йигирилган ипак ипи миқдори ўзгаришининг боғлиқлиги аниқланган;
пахта-ипакли нақшли трикотаж тўқималарини ишлаб чиқаришда аралаш трикотаж тўқима турларидан фойдаланиш хисобига, хом ашё сарфини камайтиришнинг технологик ечимлари ишлаб чиқилган;
трикотаж юзасида йигирилган ипак ипидан фойдаланиб, тўқув тизимини ўзгартириш ҳисобига, илк бор нақш олиш усули яратилган;
пахта-ипакли нақшли трикотаж тўқималарини олишда трикотаж машинасини тортиш механизми такомиллаштирилган, резинали втулканинг бикрлик ва диссипация коэффициенти ўзгаришига боғлиқ ҳолда, тебраниш қамрови боғланишлари ишлаб чиқилган.
IV. Тадқиқот натижаларининг жорий қилиниши: Диссертация тадқиқоти жараёнида олинган натижалар асосида:
янги тузилишли пахта-ипакли нақшли трикотаж тўқималарини олиш технологияси «Sedat Triko Tashkent» MЧЖ, «Flatnit Textile» МЧЖ қўшма корхоналарига жорий этилган («O`zto`qimachiliksanoat» уюшмасининг 2021 йил 11 августдаги № 04/14-2372-сон маълумотномаси). Натижада, пахта-ипакли нақшли трикотаж тўқималарининг сифат кўрсаткичлари яхшиланган, хом ашё сарфини 19% гача камайтиришга эришилган;
пахта-ипакли нақшли трикотаж тўқималарини олишда йигирилган ипак ипидан фойдаланиб, тўқима сиртида нақш хосил қилиш технологияси «Knitting Art Tex» МЧЖ, қўшма корхонасига жорий этилган («O`zto`qimachiliksanoat» уюшмасининг 2021 йил 11 августдаги 
№ 04/14-2372-сон маълумотномаси). Илмий тадқиқот натижасида янги тузилишли пахта-ипакли нақшли трикотаж тўқималари олинган, хом ашё сарфини 19-34% гача камайтиришга эришилган, маҳаллий корхоналарда ички ва экспортга йўналтирилган маҳсулотлар ишлаб чиқариш имкони яратилган.