Muxamedova Ziyoda Gafurdjanovnaning
falsafa doktori (PhD) dissertatsiyasi himoyasi haqida e’lon
I. Umumiy ma’lumotlar
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Avariya-tiklash avtomotrisalarning dinamik tavsiflarini optimallashtirish va energiya samaradorligini oshirish», 05.08.05–Temir yo‘llarning harakatlanuvchi tarkibi, poezdlarni tortish va elektrlashtirish (texnika fanlari).
Dissertatsiya mavzusi ro‘yxatga olingan raqam: B2017.2.PhD/T120.
Ilmiy rahbar:Xromova Galina Alekseevna, texnika fanlari doktori, professor. Dissertatsiya bajarilgan muassasa nomi: Toshkent temir yo‘l muhandislari instituti.
IK faoliyat ko‘rsatayotgan muassasa nomi, IK raqami: Toshkent davlat texnika universiteti va «O‘zbekenergo» AJ Ilmiy texnika markazi asosidagi bir martalik ilmiy kengash, DSc.27.06.2017.T.03.03.
Rasmiy opponentlar: Sharipov Kongratbay Avezimbetovich, texnika fanlari doktori, professor; Zaynuddinov Nuriddin Savranbek o‘g‘li, texnika fanlari nomzodi.
Yetakchi tashkilot nomi: Toshkent irrigatsiya va qishloq xo‘jaligini mexanizatsiyalash muhandislari instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: ADM-1 avtomotrisalarni kapital ta’mirlashda dinamik tavsiflarni yaxshilash va mustahkamlik hamda ishonchlilikni va energiya samaradorligini oshirish maqsadida modernizatsiyalash usulini ishlab chiqarishdan iborat.
III. Tadqiqotning ilmiy yangiligi:
ADM (ADM-1) tipidagi avtomotrisalari vertikal va gorizontal tebranishlarini tasvirlaydigan matematik model uchun differensial tenglamalar va algoritmlar tizimlarini ekvivalent o‘zgartirishning yangi uslubiyoti ishlab chiqildi;
ADM (ADM-1) tipidagi avariya-tiklash avtomotrisalari ramasining yuk tushadigan karkasi dinamik mustahkamligining, garmonik yuklamalar amal qilganidagi, uning davriy ulanishlari notekis yo‘l bo‘ylab harakatlanganida uch qismlari qayishqoq siqilgan holdagi analitik-raqamli hisoblash uslubi ishlab chiqilgan;
maxsus harakatlanuvchi tarkib uchun ratsional dinamik tavsiflarni tanlashni optimallashtirishning mustahkamlik, energiyatejamkorlik va ishonchlilik mezonlari hisobga olgan holda asoslangan minimal darajadagi amplituda, tezlashishlar, eksponenta ko‘rsatkichi modulli qiymati, harakatlanish kritik tezligining maksimal darajasi, shuningdek minimal darajadagi o‘rtacha kvadratik xatolik aniqlangan;
temir yo‘l transport vositasining tebranishlarini so‘ndirish uchun gidravlik tebranish so‘ndirgichning samarali konstruksiyasi ishlab chiqilgan.
IV. Tadqiqot natijalarining joriy qilinishi:
Avariya-tiklash avtomotrisa dinamik tavsiflarini optimallashtirishni ishlab chiqish bo‘yicha olingan ilmiy natijalar asosida:
«Dizelli montaj ADM-1 avtomotrisasini «O‘ztemiryo‘lmashta’mir» UK sharoitlarida kapital ta’mirlashda uning xizmat muddatini uzaytirish bilan bosh ramasi detallarini kuchaytirishga oid yo‘riqnoma» amaliyotga joriy qilingan («O‘zbekiston temir yo‘llari» AJning 2017 yil 18 agustdagi NG/3804-17-son ma’lumotnomasi). Mazkur yo‘riqnoma ADM (ADM-1) tipidagi avtomotrisalarning foydali ishlatish muddatini 8-12 yilgacha uzaytirish bilan kapital-tiklash ta’mirilash imkonini beradi;
ishlab chiqilgan temir yo‘l transport vositasining tebranishlar gidravlik so‘ndirgichining modernizatsiyalangan konstruksiyasiga O‘zbekiston Respublikasi Intellktual mulk agentligining ixtiroga patenti olingan (IAP 05463-2017 y.). Mazkur ixtiro avtomotrisani harakat qismlarini takomillashtirish imkonini beradi;
elektrotexnika majmualari va tizimlari mutaxassisligi magistraturasi birinchi bosqichi uchun «Dinamikani matematik modellashtirish va mustahkamlikni oshirish» mavzusidagi o‘quv qo‘llanma (UDK 621.536; 628.01, 9,5 b.t) ta’lim jarayoniga joriy qilingan (O‘zbekiston Respublikasi Oliy va o‘rta maxsus ta’lim vazirligining 2017 yil 24 avgustdagi 89-03-1699-son ma’lumotnomasi). Mazkur o‘quv qo‘llanma elektromexanik magistrlarni tayyorlash sifatini oshirish imkonini beradi.
