Мовлонова Шахноза Собировнанинг 
фан доктори (DSс) диссертацияси ҳимояси ҳақидаги эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоги номи): «Кичик ёшдаги болаларда шифохонага боғлиқ бўлган зотилжам (ташхислаш, клиник кечиши, даволаш)»,  14.00.09 - Педиатрия (тиббиёт фанлари). 
Дисертация мавзуси рўйхатга олинган рақам: В2020.3.DSс/Тib63.
Илмий маслаҳатчи: Шамсиев Фуркат Мухитдинович, тиббиёт фанлари доктори, профессор.
Диссертация бажарилган муассаса номи: Республика ихтисослаштирилган педиатрия илмий-амалий тиббиёт маркази.
ИК фаолият кўрсатаётган муассаса номи, ИК рақами: Тошкент педиатрия тиббиёт институти, DSс.04/30.30.12.2019.Tib.29.01.
Расмий оппонентлар: Агзамова Шоира Абдусаломовна тиббиёт фанлари доктори, профессор; Бобомуратов Турдикул Акрамович тиббиёт фанлари доктори, профессор; Камалов Зайнитдин Сайфитдинович тиббиёт фанлари доктори, профессор. 
Етакчи ташкилот: Тиббиёт ходимларининг касбий малакасини ривожлантириш маркази. 
Диссертация йўналиши: амалий аҳамиятга молик.
II. Тадқиқотнинг мақсади: кичик ёшдаги болаларда шифохонага боғлиқ бўлган зотилжам ривожланишининг патогенетик механизмларини хисобга олган холда диагностика ва даволаш усулларини такомиллаштиришдан иборат. 
III. Тадқиқотнинг илмий янгилиги:
шифохонага боғлиқ бўлган зотилжамда цитокин профилининг хусусиятларини  интерлейкинлар - ИЛ-1β, ИЛ-4, ИЛ-6, ИЛ-8 миқдорининг юқори ахамияти, яллиғланиш олди ва яллиғланишга қарши цитокинларнинг 1,5 баравар ошгани патологик ўзгаришда иккиламчи иммун танқислик ривожлангани аниқланган;
шифохонага боғлиқ бўлган зотилжамда  проаксидант кўрсаткичларининг МДА 1,5 ва ДК - в 2,5 баробар ошганлиги яллиғланиш жараёнининг оғир кечиши ва бу кўрсаткичларнинг қонда микроэлементлар миқдори  билан ўзаро корреляцион боғлиқлиги исботланган;
илк бор шифохонага боғлиқ бўлган зотилжам билан касалланган беморларда микроэлемент таркиби текширилган ва яллиғланиш жараёнида селен, цинк, темир концентрациясининг тушиб кетиши иммун тизимга жавоб берувчи CD3+-, CD4+-, CD8+-, CD16+-, CD20+- лимфоцит, A, M, G синф иммуноглобулин концентрацияси ва фагоцитар нейтрофил активлиги билан корреляцион боғлиқлиги исботланган;
илк бор шифохонага боғлиқ бўлган зотилжам билан касалланган кичик ёшдаги болаларда иммуностимулловчи ва витамин-микроэлемент комплекси биргаликда қўлланилиши натижасида касалликнинг лаборатор ва клиник кўрстақичларни ижобий ўзгаришлари исботланган. 
IV. Тадқиқот натижаларининг жорий қилиниши.
Кичик ёшдаги болаларда шифохонага боғлиқ бўлган зотилжамни ташхислаш даволашни такомиллаштириш бўйича олинган илмий натижалар асосида: 
кичик ёшдаги болаларда шифохонага боғлиқ бўлган зотилжам касаллиги ривожланишини олдини олиш усулларини такомиллаштириш асосида ишлаб чиқилган “Кичик ёшдаги болаларда шифохонага боғлиқ бўлган зотилжамни профилактикаси алгоритми” номли услубий тавсиянома тасдиқланган (Соғлиқни сақлаш вазирлигининг 2020 йил 20 мартдаги 8м/120-сон маълумотномаси). Услубий қўлланма асосида болаларда шифохонага боғлиқ бўлган зотилжамни олдини олишга имкон бераган;
кичик ёшдаги болаларда шифохонага боғлиқ бўлган касаллигини ривожланишини олдини олиш мақсадида диагностик тахлилларни такомиллаштириш асосида ишлаб чиқилган “Шифохонага боғлиқ бўлган зотилжамни кичик ёшдаги болаларда диагностикаси ва даволаш тактикаси” номли услубий тавсиянома тасдиқланган (Соғлиқни сақлаш вазирлигининг 2021 йил 20 февралдаги 08м/165-сон  маълумотномаси) ушбу тавсияларнинг амалиётган жорий этилиши натижасида шифохонага боғлиқ бўлган зотилжам билан касалланган болаларга ўтказилган диагностик усуллар орқали замонавий патогенетик ёндашув орқали даволаш усуллари болалар саломатлигини тез тиклашга ёрдам берди, иммунологик ва микроэлемент ўзгаришларни турғунлашишига эришилди ва кичик ёшдаги болалар ўртасида ўлим кўрсаткичининг камайишига имкон яратган;
Шифохонага боғлиқ бўлган зотилжам билан касалланган болаларни ташхислаш ва даволашни такомиллаштириш бўйича ишлаб чиқилган услубларнинг илмий натижалари соғлиқни сақлаш амалиётига, жумладан Тошкент, Самарқанд, Қашқадарё, Сирдарё ва Жиззах вилоятларнинг болалар кўп тармоқли тиббиёт марказлари амалиётга тадбиқ қилинган (Соғлиқни сақлаш вазирлигининг 2021 йил 22 июндаги 8м-з/204-сон маълумотномаси). Олинган илмий натижаларнинг амалиётга тадбиқ этилиши кичик ёшдаги болаларда шифохонага боғлиқ бўлган зотилжамни ривожланиши олдини олишга ва болалар ўртасида ўлим кўрсаткичи камайтириш имконини берган.