Адашев Жобир Кодировичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Нилпотент Лейбниц алгебраларининг ечимли ва марказий кенгайтмалари ва берилган характеристик кетма-кетликка эга Кошул маъносида қўшма алгебраларининг таснифлари», 01.01.06 – Алгебра (физика-математика фанлари).
Диссертация мавзуси рўйхатга олинган рақам: В2021.2.DSc/FM73
Диссертация бажарилган муассаса номи: В.И.Романовский номидаги Математика институти.
ИК фаолият кўрсатаётган муассаса номи, ИК рақами: Математика институти ҳузуридаги DSc.02/30.12.2019.FM.86.01 рақамли Илмий кенгаш.
Илмий маслаҳатчи: Омиров Бахром Абдазович, физика-математика фанлари доктори,  профессор.
Расмий оппонентлар: Аллаков Исмаил, физика-математика фанлари доктори, доцент; Кудайбергенов Каримберген Кадирбергенович, физика-математика фанлари доктори, профессор; Эшматов Фарход Хасанович, физика-математика фанлари доктори, катта илмий ходим.
Етакчи ташкилот: Самарқанд давлат университети.
Диссертация йўналиши: назарий аҳамиятга молик.
II. Тадқиқотнинг мақсади нилпотент Лейбниц алгебраларининг ечимли ва марказий кенгайтмаларини ва Лейбниц алгебраларига Кошул маъносида қўшма алгебраларнинг берилган характеристик кетма-кетликка эга бўлган синфларини  таснифлашдан иборат.  
III. Тадқиқотнинг илмий янгилиги: 
нилрадикали Абел алгебраси бўлган ечимли Лейбниц алгебралари ва нилрадикали n-ўлчамли бўлган (2n1)-ўлчамли ечимли Лейбниц алгебраларини таснифланган;
нол-филиформ ва табиий усулда градуирланган Ли бўлмаган филиформ  Лейбниц алгебраларининг марказий кенгайтмалари таснифланган ҳамда Вирасоро алгебрасининг Лейбниц марказий кенгайтмаларини тривиал бўлиши исботланган;
Евклид Ли алгебраси билан боғлиқ бўлган Лейбниц алгебралари  қурилган ва уч ўлчамли содда Ли алгебраси билан боғлиқ содда Лейбниц алгебрасининг иккинчи тартибли когомологик группасининг тривиаллиги исботланган;
берилган характеристик кетма-кетликка эга табиий усулда градуирланган чекли ўлчамли Зинбиел алгебралари таснифланган.
IV. Тадқиқот натижаларининг жорий қилиниши. Нилпотент Лейбниц алгебраларининг ечимли ва марказий кенгайтмалари ва берилган характеристик кетма-кетликка эга Кошул маъносида қўшма алгебраларининг таснифлари бўйича олинган натижалар асосида: 
нилрадикали Абел алгебраси бўлган ечимли Лейбниц алгебралари таснифидан №MTM2016-79661-P рақамли «Группа ва ноассоциатив алгебраларнинг гомологиялари, гомотопик ва категорик инвариантлари» мавзусидаги хорижий грант лойиҳасида нилрадикали табиий усулда градуирланган p-филиформ ва коўлчами бирга тенг бўлган ечимли Лейбниц алгебраларини таснифлашда фойдаланилган (Сантяго де Компостела университетининг 2021 йил 20 июлдаги маълумотномаси, Испания). Илмий натижанинг қўлланилиши нилрадикали табиий усулда градуирланган p-филиформ ва коўлчами максимал бўлган ечимли Лейбниц алгебраларини таснифлашни ва олинган алгебраларнинг тўлалигини ва қаттиқлигини исботлаш имконини берган;   
Евклид Ли алгебраси билан боғлиқ бўлган Лейбниц алгебраси таснифидан № ЁФА-Фтех-2018-79 рақамли «Лейбниц алгебраларининг тасвири» мавзусидаги фундаментал лойиҳасида Витт алгебраси билан боғлиқ бўлган Лейбниц алгебраларини таснифлашда фойдаланилган (Ўзбекистон Республикаси Фанлар Академиясининг 2021 йил 24 сентябрдаги 2/1255-2620-сонли маълумотномаси). Илмий натижанинг қўлланилиши Витт алгебраси билан боғлиқ бўлган чексиз ўлчамли Лейбниц алгебраларини таснифлашни ва Витт алгебраси билан боғлиқ бўлган Лейбниц алгебраларининг кичик тартибли когомологик группалари тривиаллигини исботлаш имконини берган;
нол-филиформ ва табиий усулда градуирланган Ли бўлмаган филиформ  Лейбниц алгебраларининг марказий кенгайтмалари таснифидан хорижий илмий журналлардаги мақолаларда (Communications in Algebra, 2019, 47(1), 173-181; Algebras and Representation Theory, 2021, 24(1), 135-148; Communications in Algebra, 2020, 48(8), 3608-3623) нилпотент ассосимметрик ва антикоммутатив алгебраларнинг марказий кенгайтмаларини тавсифлашда фойдаланилган. Илмий натижанинг қўлланилиши кичик ўлчамдаги ассосимметрик ва антикоммутатив алгебраларни таснифлаш имконини берган;   
берилган характеристик кетма-кетликка эга табиий усулда градуирланган чекли ўлчамли Зинбиел алгебралари таснифидан хорижий илмий журналлардаги мақолаларда фойдаланилган (Linear and Multilinear Algebra, 2018, 66(4), 704-716; Communications in Algebra, 2020, 48(1), 204-209; Journal of Siberian Federal University. Mathematics & Physics, 2019, 12(2), 173-184). Илмий натижанинг қўлланилиши комплекс майдонда берилган беш ўлчамли нилпотент Торткара алгебраларининг алгебраик ва геометрик таснифлаш имконини берган.