Жумабоев Сарвар Мусурмонович
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтиссослик шифри (илмий даража бериладиган  фан тармоғи): «Электрон таълим муҳитида талабаларнинг компьютерли моделлаштириш бўйича компетенцияларини ривожлантириш методикaси», 13.00.02 – таълим ва тарбия назарияси ва методикаси (информатика) (педагогика фанлари).
Диссертация мавзуси рўйхатга олинган рақам: B2017.3.PhD/Ped297.
Диссертация бажарилган муассаса номи: Жиззах давлат педагогика институти.
Илмий раҳбар: Эшчанов Баходир Худайберганович, физика-математика фанлари доктори, доцент.
ИК фаолият кўрсатаётган муассаса, ИК рақами: Жиззах давлат педагогика институти, PhD.03/04.06.2020.Ped.113.01 рақамли кенгаш асосидаги бир марталик Илмий кенгаш.
Расмий оппонентлар: Лутфуллаев Махмуд Хасанович, педагогика фанлари доктори, профессор; Хайтуллаева Нафиса Сахобиддиновна, педагогика фанлари бўйича фалсафа доктори (PhD)
Етакчи ташкилот: Гулистон давлат университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади электрон ахборот таълим муҳитида талабаларнинг компьютерли моделлаштириш бўйича компетенцияларини ривожлантириш методикасини ишлаб чиқишдан иборат.
III. Тадқиқотнинг илмий янгилиги:       
компьютерли моделлаштириш бўйича компетенцияларнинг когнитив, праксиологик, мотивацион, рефлексив  каби функционал компонентлари таълим мазмунининг билимлар, фаолият усуллари ва тажрибалари тизимига интеграцияси асосида такомиллаштирилган;
талабаларда компьютерли моделлаштириш бўйича компетенцияларни ривожлантиришнинг тузилмавий-функционал модели  формаллаштириш, моделлаштириш, алгоритмлаш ва дастурлаш босқичларида билиш мустақиллиги ва фаоллигини ошириш орқали компетенциялар ривожланганлигининг репродуктив, алгоритмик, қисман изланувчанлик ва ижодий  даражалари ҳамда англаш, билиш, қўллаш, таҳлил, синтез ва хулосалаш  кўрсатгичлари мазмунини ишлаб чиқиш асосида такомиллаштирилган;
талабаларнинг компьютерли моделлаштириш бўйича  компетенцияларини ривожлантиришнинг методик таъминоти, объектга йўналтирилган дастурлар, офис дастурлар, амалий дастурлар пакети ва таълимни лойиҳалаш технологиялари  интеграцияси асосида электрон ўқитиш воситаларини, ўқув материаллари интерфаоллиги ҳамда прогностик, танқидий баҳоловчи ва креативликни аниқловчи ижодий-интеллектуал топшириқлар мажмусини ишлаб чиқиш орқали такомиллаштирилган; 
талабаларда компьютерли моделлаштириш бўйича компетенциялар ривожланганлигини аниқлашга қаратилган репродуктив, алгоритмик, қисман изланувчан ва ижодий даражаларни баҳолашнинг автоматик, ҳаққонийлик, интегративлик, объективлик хусусиятларига эга мотивацион, фаолиятли ва креатив мезонлари  мазмуни такомиллаштирилган.
IV. Тадқиқот натижаларининг жорий қилиниши. Электрон ахборот таълим муҳитида талабаларнинг компьютерли моделлаштириш бўйича компетенцияларини ривожлантириш методикасини ишлаб чиқишга оид тадқиқот натижалари асосида:
компьютерли моделлаштириш бўйича компетенцияларнинг когнитив, праксиологик, мотивацион, рефлексив  каби функционал компонентлари таълим мазмунининг билимлар, фаолият усуллари ва тажрибалари  тизимига интеграцияси асосида ишлаб чиқишга оид таклифлар “компьютерли моделлаштириш” электрон ўқув қўлланмаси мазмунига сингдирилган ва kompmodel.uz домени бўйича интернет тармоғига жойлаштирилган (Олий ва ўрта махсус таълим вазирлигининг 2020 йил 9 июлдаги 89-03-2490-сон маълумотномаси). Натижада педагогика олий таълим муассасаларида талабаларнинг компьютерли моделлаштириш бўйича компетентлигини ривожлантиришга имкон яратилган;
компьютерли моделлаштириш бўйича компетенцияларни ривожлантиришнинг формаллаштириш, моделлаштириш, алгоритмлаш ва дастурлаш босқичларда, билиш мустақиллиги ва фаоллигини ошириш орқали компетенциялар ривожланганлигининг репродуктив, алгоритмик, қисман изланувчанлик ва ижодий  даражалари ҳамда англаш, билиш, қўллаш, таҳлил, синтез ва хулосалаш  кўрсатгичлари мазмунини очиб бериш асосида ишлаб чиқилган тузилмавий-функционал модели “Информатика ўқитиш методикаси” бакалавриат йўналиши малака талаби мазмунига сингдирилган (Олий ва ўрта махсус таълим вазирлигининг 2020 йил 12 августдаги 89-03-2782-сон маълумотномаси). Натижада талабаларнинг ўқув курсини ўзлаштиришлари осонлашган, моделлаштиришга оид компетенциялари ривожланиб курсни ўрганишга бўлган қизиқишлари кучайган; 
талабаларнинг компьютерли моделлаштириш бўйича компетенцияларини ривожлантиришнинг методик таъминоти, объектга йўналтирилган дастурлар, оффис дастурлар,  амалий дастурлар пакети ва таълимни лойиҳалаш технологиялари  интеграцияси асосида электрон ўқитиш воситаларини, ўқув материаллари интерфаоллиги ҳамда прогностик, танқидий баҳоловчи ва креативликни аниқловчи ижодий-интеллектуал топшириқлар мажмусини ишлаб чиқиш орқали такомиллаштиришга оид таклифлар ва тавсиялар №ПЗ-2017-0927124 “Таълим муассасаларида ҳамкорлик асосида педагогик фаолиятни ривожлантириш” мавзусидаги амалий лойиҳа мазмунига синдирилган (Олий ва ўрта махсус таълим вазирлигининг 2020 йил 9 июлдаги 89-03-2490-сон маълумотномаси). Натижада талабаларда моделлаштиришга оид компетенциялари мазмунан такомиллаштирилган ва ўқитиш самарадорлигини оширишга эришилган.