Набиева Ирода Файзуллаевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қандли диабет билан оғриган беморларда қуруқ кўз синдромини комплекс даволашни оптималлаштириш», 14.00.03 – Эндокринология; 14.00.08 – Офтальмология  (тиббиёт фанлари).
Диссертация мавзуси рўйхатга олинган рақам: В2020.4.PhD/Tib1485.
Илмий раҳбарлар: Хайдарова Феруза Алимовна, тиббиёт фанлари доктори; Назриқулова Қумрижон Исломовна, тиббиёт фанлари доктори, доцент.
Диссертация бажарилган муассаса номи: Ё.Х.Тўрақулов номидаги Республика ихтисослаштирилган эндокринология илмий-амалий тиббиёт маркази.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси ҳузуридаги DSc.04/30.12.2019.Tib.30.02 рақамли илмий кенгаш асосидаги бир марталик илмий кенгаш.
Расмий оппонентлар: Юсупов Амин Азизович, тиббиёт фанлари доктори, профессор; Урманова Юлдуз Махкамовна, тиббиёт фанлари доктори, профессор. 
Етакчи ташкилот: Н.Н.Бурденко номидаги Воронеж давлат тиббиёт университети (Россия Федерацияси).
Диссертация йўналиши: амалий аҳамиятга молик.
II. Тадқиқотнинг мақсади: қандли диабет билан хасталанган беморларда қуруқ кўз синдромини клиник кечишининг ўзига хос хусусиятларини  ҳисобга олган холда мажмуавий даволаш самарадорлигини оширишдан иборат.
III. Тадқиқотнинг илмий янгилиги:
OSDI сўровномаси, Ширмер ва Норн синамаларини жорий қилиш билан мажмуавий скрининглаш асосида, иккинчи типдаги қандли диабетда қуруқ кўз синдромини тарқалиши ва клиник шаклларини ўзига хосликлари асосланган;
кўз ёш бирлигининг функционал кўрсаткичлари ва лаборатория маълумотларини  корреляцион таҳлил қилиш асосида иккинчи типдаги қандли диабетда кўз тизими холати билан гликемия ва дислипидемия орасида боғлиқлик аниқланган;
Кокет-Бонн усули билан шоҳ пардани эстезиометрлашда  сезувчанликни тадқиқ қилиш натижалари асосида иккинчи типдаги қандли диабетда қуруқ кўз синдроми патогенезида диабетик нейропатиянинг ўрни баҳоланган;
қуруқ кўз синдромини даволашда маҳаллий кўз ёш ўрнини босувчи дори воситаси «Кератроп»ни патогенетик таъсири асосланган.
IV. Тадқиқот натижаларининг жорий қилиниши. 
Қандли диабет билан оғриган беморларда қуруқ кўз синдромини комплекс даволашнинг оптималлаштириш бўйича олинган илмий натижалар асосида:
қандли диабетда қуруқ кўз синдромини даволашни такомиллаштириш бўйича олинган илмий натижалар асосида ишлаб чиқилган «Қандли диабетда қуруқ кўз синдромини даволашни такомиллаштириш» номли услубий тавсиянома тасдиқланган (Соғлиқни сақлаш вазирлигининг 2021 йил 16 апрелдаги 8н–д/134-сон маълумотномаси). Мазкур услубий тавсиянома қандли диабет касаллигини натижасида қуруқ кўз синдромини ташхислаш ва самарали даволаш тизимини такомиллаштириш имконини берган; 
қандли диабет билан хасталанган беморларда қуруқ кўз синдромини комплекс даволашнинг оптималлаштириш бўйича олинган илмий натижалар соғлиқни сақлаш амалиётига, жумладан,  Республика ихтисослаштирилган кўз микрохирургияси илмий-амалий тиббиёт марказининг Самарқанд филиали ва Тошкент тиббиёт академияси кўп тармоқли шифохонаси клиник амалиётига жорий қилинган (Соғлиқни сақлаш вазирлигининг 2021 йил 31 июлдаги 08-09/9347 – сон маълумотномаси). Олинган илмий натижаларнинг амалиётга жорий қилиниши функционал бирлик кўрсаткичларини динамик мониторинги натижасида базавий гипогликемик даволаш ҳам кўз ёш ўрнини босувчи дори воситалари билан маҳаллий даволаш натижасида қандли диабет иккинчи турида қуруқ кўз синдромини мажмуавий даволаш энг юқори самарадорлиги  таъминлаш ва беморларнинг ҳаёт сифатини яхшилаш имконини берган.