Холиёров Бунёд Ҳусановичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Қишлоқ хўжалигига ихтисослашган йўналишларда инглиз тилини ўқитишда лексик компетенцияни ривожлантириш”, 13.00.02 – Таълим ва тарбия назарияси ва методикаси (инглиз тили) (педагогика фанлари).
Диссертация мавзуси рўйхатга олинган рақам: В2019.2.PhD/Ped127.  
Илмий раҳбар: Тухтасинов Илхомжон Мадаминович, педагогика фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Самарқанд давлат чет тиллар институти, PhD.03/30.12. 2019.Fil/Ped.83.01.
Расмий оппонентлар: Хашимова Дильдархан Уринбаевна, педагогика фанлари доктори, профессор; Исроилова Дилдора Мухторовна, педагогика фанлари бўйича фалсафа доктори (PhD).
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади қишлоқ хўжалигига ихтисослашган йўналишларда инглиз тилини ўқитишда лексик компетенцияни ривожлантиришдан иборат.
III. Тадқиқотнинг илмий янгилиги: 
қишлоқ хўжалиги йўналиши талабаларининг инглиз тилидаги лексик компетенциясини ривожлантириш усуллари ахборот узатиш, ҳамкорликда ишлаш, бир-бирини тузатиш, ўзаро биргаликда идрок этиш сингари  коммуникатив ёндашув ҳамда аграр соҳалар учун таклиф этилган газеталар, фильмлар, электрон почта хабарномалари, рисолалар, ёзиб олинган эълонлар каби аутентик материаллар асосида такомиллаштирилган; 
қишлоқ хўжалиги соҳасига оид терминларни ўқитиш технологияси таснифлаш, тизимлаштириш, таксономия, аниқлаш, интенсивлик, ассимиляция ва натижавий методологик ёндашувга кўра аниқланиб, инглиз тили ўқитиш фаолиятининг “тил тавсифлари”, “таълим назарияси”, “эҳтиёж таҳлиллари” каби янги босқичлар асосида ишлаб чиқилган;  
интегратив тил сатҳлари (эшитиш, ёзиш, ўқиш, гапириш)ни ривожлантиришга йўналтирилган ижтимоий, касбий ва академик кўникмалар қишлоқ хўжалиги соҳасига оид терминларни репродуктив (кўргазмали тушунтириш, тинглаш, хотирада сақлаш, хатосиз талаффуз қилиш) ўргатиш, ақлий ҳужум, муҳокама, ўқитиш, гуруҳ иши, тинглашга йўналтириш ва саволлар тузиш сингари фаол ҳамда ижодий иш, муаммоли таълим, моделлаштириш, блиц-сўров, ўқув курслари каби интерфаол услубларни самарали қўллаган ҳолда такомиллаштирилган; 
мустақил таълим жараёнида инглиз тилини ўқитишда ОООК (Оммавий Очиқ Онлайн Курс)лардан фойдаланиш орқали “Ижтимоийлашув ва тармоқлашув”, “Ихтисосликка кириш”, “Умумий хавфсизлик қоидалари”, “Агросаноат соҳасидаги алоқалар”, “Қишлоқ хўжалигини ривожлантириш” каби 5 тa модулдан иборат қишлоқ хўжалиги лексикаси асосида ихтисослашган, касбга йўналтирилган инглиз тилини ўқитиш методикаси такомиллаштирилган.
IV. Тадқиқот натижаларининг жорий қилиниши. Қишлоқ хўжалигига  ихтисослашган йўналишларда инглиз тилини ўқитишда лексик компетенцияни ривожлантириш бўйича oлингaн нaтижaлaр:
коммуникатив ёндашув асосида қишлоқ хўжалиги йўналишида талабаларнинг инглиз тилидаги лексик компетенциясини ривожлантиришнинг аутентик материаллардан фойдаланиш шартлари аниқланган хулоса ва таклифлардан “EnSPIRE-U”, яъни Махсус мақсадларга йўналтирилган инглиз тилини ўқитиш тизимини ислоҳ этиш лойиҳаси асосида (2017-2019) мутахассисликларга мос инглиз тилини ўқитишнинг “Аграр соҳага ихтисослашган олий ўқув юртларида инглиз тили фанидан ўқув дастури” намуналарини яратишда фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 17 октябрдаги 89-03-3996-сон маълумотномаси). Натижада, олий таълим муассасаларининг қишлоқ хўжалиги таълим йўналишларида инглиз тилини ўқитишнинг намунавий дастури ҳамда янги авлод адабиётларини яратишга хизмат қилган;
методологик ёндашувга кўра аниқлаштирилган қишлоқ хўжалиги соҳасига оид терминларни ўқитиш технологияси босқичлари: аниқлаш, таснифлаш, тизимлаштириш, таксономия, интенсивлик, ассимиляция, натижавийликка оид хулоса ва таклифлардан 2017-2020 йилларда бажарилган “ICM, KA-107 - International Credit Mobility between European Union and Uzbekistan HEIs, through staff and student mobility exchange projects”, “Erasmus+ CBHE дастурининг 598587-EPP-1-2018-EL-EPPKA2-CBHE-JP-ENV2 “ITEM”, Erasmus+CBHE дастурининг “609564-EPP-1-2019-1-ELEPPKA2-CBHE-JP” (MechaUz) халқаро лойиҳалари ижтимоий фанлар секторининг педагогика бўлимида фойдаланилган (Ўзбекистон Республикаси Oлий вa ўртa мaxсус тaълим вaзирлигининг 2020 йил 4 ноябрдаги 89-03-4400-сон мaълумoтнoмaси). Натижада, қишлоқ хўжалиги соҳасига оид терминларни ўқитиш, мулoқoт қилиш, фикрини мaнтиқaн ифoдaлaй oлиш ва касбий билимини оширишга хизмат қилган;
талабаларнинг лексик  компетенциясини ривожлантириш, қишлоқ хўжалиги соҳасига оид терминларни репродуктив, кўргазмали тушунтириш, тинглаш, хотирада сақлаш, хатосиз талаффуз қилишни ўқитишга қаратилган “English for cadastre” ўқув қўлланмаси ишлаб чиқилган (Ўзбекистон Республикаси Oлий вa ўртa мaxсус тaълим вaзирлигининг 2020 йил 30 июндаги 359-сон нашр гувоҳномаси). Натижада қишлоқ хўжалиги таълим йўналиши талабаларининг лексик компетенциясини ривожлантириш, инглиз тилида ўқиш, тинглаб тушуниш, ёзув ва нутқ кўникмаларини янада такомиллаштириш ва касбий билимини оширишга хизмат қилган; 
мустақил таълим жараёнида инглиз тилини ўқитишда ОООК (Оммавий Очиқ Онлайн Курс)лардан фойдаланиш орқали 5 тa модулли қишлоқ хўжалиги лексикаси бўйича такомиллаштирилган инглиз тилини ўқитиш методикасига оид таклиф ва хулосалардан 2019-2021 йилларга мўлжалланган Жаҳон банкининг Академик Инновациялар Фонди грант доирасида бажарилаётган “Ўзбекистонда замонавий ахборот-коммуникация технологиялари асосида олий таълим тизимида  масофавий  таълимни ташкил этиш модели ва технологиясини ишлаб чиқиш” мавзусидаги илмий-тадқиқот ишининг масофавий таълимнинг дидактик таъминоти бўлимида ҳам кенг қўлланилган (Ўзбекистон Республикаси Oлий вa ўртa мaxсус тaълим вaзирлигининг 2020 йил 4 ноябрдаги 89-03-4400-сон мaълумoтнoмaси). Натижада, масофавий таълим жараёнида очиқ онлайн маърузалардан фойдаланиш кўлами кенгайган, электрон ресурслардан эркин фойдалана олиш ва маълумотларни таҳлил этиш самарадорлигини оширилишига имкон яратилган.