Хамраева Висола Шоназаровнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Мактаб ёшидаги болаларнинг эшитиш қобилиятини комплекс баҳолашда модернизацияланган  нутқ аудиометрияси», 14.00.04 – Оториноларингология (тиббиёт фанлари).
Диссертация мавзуси рўйхатга олинган рақам: В2019.2.PhD/Тib849.
Илмий раҳбар: Хасанов Саидакром Аскарович, тиббиёт фанлари доктори, профессор.
Диссертация бажарилган муассаса номи: Тошкент педиатрия тиббиёт  институти.
ИК фаолият кўрсатаётган муассаса (муассасалар) номи, ИК рақами: Тошкент давлат стоматология институти DSc04/30.12.2019.Тib.59.01
Расмий оппонентлар: Бобошко Мария Юрьевна, тиббиёт фанлари доктори, профессор (Россия Федерацияси); Арифов Сайфутдин Саидазимович, тиббиёт фанлари доктори, профессор.
Етакчи ташкилот: Абу Али ибн Сино номидаги Тожикистон давлат тиббиёт Университети. (Тожикистон Республикаси).
Диссертация йўналиши: амалий аҳамиятга молик.
II. Тадқиқотнинг мақсади: ўзбек нутқни спектрал-частота таҳлили асосида  анъанавий нутқ аудиометрия услубини такомиллаштириш ва мактаб ёшидаги болалар учун мослаштирилган  нутқ жадвалини ишлаб чиқишдан иборат.
III. Тадқиқотнинг илмий янгилиги:
компьютерли спектрограммада эркакларда (80-100 гц), аёлларда (160-175гц) товуш частоталари диапозони таҳлили асосида нутқ аудиометрияси усули учун ўзбек тилида нутқ жадвали ишлаб чиқилган; 
ўзбек тилида ишлаб чиқилган нутқ жадвали ёрдамида мактаб ёшидаги болаларнинг эшитиш фаолиятини ёшга боғлиқ меъёрий кўрсаткичлари асосида  сенсоневрал, кондуктив ва аралаш эшитиш пасайишида  ижтимоий эшитиш мезонлари ва реабилитация турлари асосланган;
нутқ аудиометрия жараёнида  эркак ва аёл нутқини бирга қўллаш билан нутқ частоталар фарқига эришилиши исботланган;
нутқ ва тонал бусаға аудиометрия кўрсаткичлари турли шаклдаги эшитиш пасайиши бўлган болаларда эшитиш фаолиятини ижтимоий реабилитацияси чоралари такомиллаштирилган. 
IV. Тадқиқот натижаларининг жорий қилиниши.
Мактаб ёшидаги болаларнинг эшитиш қобилиятини комплекс баҳолашда модернизациялашган нутқ аудоиметриясини самарадорлигини баҳолаш бўйича олинган натижалар асосида:
эшитиш фаолиятини баҳолаш бўйича илмий тадқиқотнинг натижалари асосида ишлаб чиқилган «Болаларда эшитиш қобилиятини баҳолашда ўзбек тилидаги нутқ аудиометриясининг мослаштирилган усули» номли услубий тавсиянома тасдиқланган (Соғлиқни сақлаш вазирлигининг 2021 йил 27 мартдаги 8н-д/114-сон маълумотномаси). Мазкур услубий тавсиянома эшитишни пасайишини эрта ташхислаш хамда реабилитация усулларини танлаш орқали беморларнинг ҳаёт сифатини яхшилаш имконини берган;
эшитишни пасайиши турли шакилларида илмий натижалар асосида эшитиш фаолиятини ташхислаш ва реабилитациясини такомиллаштириш бўйича илмий тадқиқотнинг натижалари асосида ишлаб чиқилган «Мактаб ёшидаги болаларда эшитиш кобилиятини сусайишини ташхислаш усули» номли услубий тавсиянома тасдиқланган (Соғлиқни сақлаш вазирлигининг 2021 йил 27 мартдаги 8н-д/114-сон маълумотномаси). Мазкур услубий тавсиянома эшитишни турли шаклдаги пасайишида  комплекс аудиологик текширишга ўзбек тилидаги нутқ аудиометрияни киритиш ижтимоий аҳамиятли эшитиш қобилиятини баҳолаш ҳамда эшитишни реабилитация қилиш бўйича кейинги чораларни белгилаш имконини берган;
мактаб ёшидаги болаларнинг эшитиш қобилиятини комплекс баҳолашда модернизациялашган нутқ аудоиметриясини баҳолаш натижалари соғлиқни сақлаш амалиётига, жумладан, Республика ихтисослаштирилган педиатрия илмий-амалий тиббиёт маркази, Тошкент тиббиёт академияси, Бухоро  ва Самарқанд вилоятлари кўп тармоқли болалар шифохоналарининг клиник амалиётига тадбиқ этилган (Соғлиқни сақлаш вазирлигининг 2021 йил 28 апрелдаги 8н-з/82-сон маълумотномаси). Олинган натижаларнинг амалиётга жорий қилиниши болаларда эшитиш қобилияти бўйича ногиронликнинг камайиш, эшитиш қобилиятининг ижтимоий жиҳатдан яроқли эканини ўз вақтида баҳолаш, боланинг ёши, касаллик тури ва даражасига боғлиқ равишда электроакустик мосламаларини тўғри ва сифатли танлаш ҳамда тиббий-реабилитация тадбирларини ўтказиш орқали сарф-харажатларни 2,1 баробарга қисқартириш имконини берган.