Турсунова Наргиза Самаритдиновнанинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Маҳаллий хомашёлардан олинган катализатор иштирокида метанни оксиконденсатлаш жараёнининг илмий-технологик асосларини ишлаб чиқиш», 02.00.08 – Нефть ва газ кимёси ва технологияси (техника фанлари).
Диссертация мавзуси рўйхатга олинган рақам: B2021.3.PhD/T1911.
Илмий раҳбар: Файзуллаев Нормурот Ибодуллаевич, техника фанлари доктори, доцент.
Диссертация бажарилган муассаса номи: Самарқанд давлат университети.
ИК фаолият кўрсатаётган муассаса (муассасалар) номи, ИК рақами: Бухоро муҳандислик-технология институти, PhD.03/30.12.2019.Т.101.01.
Расмий оппонентлар: Икромов Абдувахоб, техника фанлари доктори, профессор; Атауллаев Шерзод Набиуллаевич, техника фанлари номзоди, доцент.
Етакчи ташкилот: Қарши муҳандислик-иқтисодиёт институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маҳаллий хомашёлардан олинган катализаторлар иштирокида метанни оксиконденсатлаш жараёнининг илмий-технологик асосларини ишлаб чиқиш ва катализатор тайёрлаш технологиясини ишлаб чиқишдан иборат. 
III. Тадқиқотнинг илмий янгилиги:
маҳаллий хомашёлар асосида юқори фаоллиги, термик барқарорлиги, унумдорлиги, селективлиги ва коксланишга бардошлилиги билан характерланадиган янги таркибли марганец ва молибден сақловчи катализатор олинган ва мақбул таркиби танланган;
илк бор (Mn2O3)x∙(Na2MoO4)y∙(ZrO2)z таркибли катализаторнинг тузилиши ва таркиби физик-кимёвий усулларда текширилган ҳамда катализаторлар тузилиши билан унинг каталитик фаоллиги орасидаги боғлиқлиги аниқланган;
даврий режимда молибден ва марганец сақловчи (Mn2O3)x∙(Na2MoO4)y∙(ZrO2)z таркибли катализаторда метанни каталитик оксиконденсатлаш реакциясининг кинетик қонуниятлари аниқланган;
танланган (Mn2O3)x∙(Na2MoO4)y∙(ZrO2)z таркибли катализатор иштирокида жараёнларнинг кинетикасини тадқиқ этиш асосида реакциянинг кинетик моделлари танланган ва бориш механизмлари ишлаб чиқилган;
илк бор (Mn2O3)x∙(Na2MoO4)y∙(ZrO2)z таркибли катализаторни саноатда олиш технологияси яратилган;
метандан этилен олиш жараёни мақбуллаштирилган ва иккинчи тартибли квадратик модел таклиф этилган ҳамда жараённинг илмий асослари ишлаб чиқилган.
IV. Тадқиқот натижаларининг жорий қилиниши.
Маҳаллий хомашёлардан олинган катализатор иштирокида метанни оксиконденсатлаш жараёнининг илмий-технологик асослари ишлаб чиқиш бўйича олинган илмий натижалар асосида:
метанни каталитик оксиконденсатлаб этилен синтези учун танланган (Mn2O3)x∙(Na2MoO4)y∙(ZrO2)z таркибли катализатор «Муборак газни қайта ишлаш заводи» АЖда амалиётга жорий этилган («Муборак газни қайта ишлаш заводи» АЖнинг 2020 йил 15 июлдаги 929/GK-08-сон маълумотномаси). Натижада, ишлаб чиқилган (Mn2O3)x∙(Na2MoO4)y∙(ZrO2)z таркибли катализатор импорт ўрнини босувчи катализатор сифатида қўллаш имконини берган;
метанни каталитик оксиконденсатлаб этилен синтези учун танланган (Mn2O3)x∙(Na2MoO4)y∙(ZrO2)z таркибли катализатор «НАВОИЙАЗОТ” АЖда ишлаб чиқаришга жорий этилган («НАВОИЙАЗОТ» АЖнинг 2020 йил 21 августдаги 15858-сон маълумотномаси). Натижада (Mn2O3)x∙(Na2MoO4)y∙(ZrO2)z таркибли катализатор ишлаб чиқишнинг технологик схемасини ва унинг асосида пилот қурилмасини яратиш ҳамда иқтисодий самарадорликка эришиш имконини берган.