Сулайманов Дилшод Абдурахимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тухумдон саратони касаллигининг асцитик вариантини даволашда гипертермик интраперитонеал кимё перфузиянинг ахамияти», 14.00.14 – Онкология (тиббиёт фанлари).
Диссертация мавзуси рўйхатга олинган рақам: В2019.2.PhD/Tib937.
Илмий раҳбар: Абдиҳакимов Абдулла Нусратуллаевич, тиббиёт фанлари доктори.
Диссертация бажарилган муассаса номи: Тиббиёт ходимларининг касбий малакасини ривожлантириш маркази.
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган онкология ва радиология илмий–амалий тиббиёт маркази, DSc.04/30.12.2019.Tib.77.01.
Расмий оппонентлар: Захирова Наргиза Неъматовна тиббиёт фанлари доктори; Мамадалиева Яшнар Солиевна тиббиёт фанлари доктори;
Етакчи ташкилот: Андижон давлат тиббиёт институти
Диссертация йўналиши: амалий аҳамиятга молик.
II. Тадқиқотнинг мақсади: тухумдон саратонининг асцитик турида гипертермик интраперитонеал кимёперфузиясини қўллаш йўли билан қўшма даво самарадорлигини оширишдан иборат.
III. Тадқиқотнинг илмий янгилиги:
тухум сартонида «ёпиқ» усулда ўтказиладиган гипертермик интраперитонеал кимё перфузия учун мослама ишлаб чиқилган;
тухумдон саратонининг асцитик вариантида «ёпиқ» усулда гипертермик интраперитонеал кимёперфузия усулида цисплатин кимёвий дори воситасининг тухумдон саратонидаги ижобий натижаси баҳоланган;
тухумдон саратони қорин парда юзаси бўйлаб тарқалган беморларни қўшма даволашда гипертермик интраперитонеал кимёперфузия «ёпиқ усули»да физик ва цитотоксик хусусиятлар хисобига, ўсманинг тарқалишини олдини олиш ва метастатик жараёнларни камайтириши исботланган;
тухумдон саратонининг асцитик турида гипертермик интраперитонеал кимёперфузиясининг қорин бўшлиғидаги иссиқлик ҳолатининг кўтарилиши натижасида қориндаги рецидив, ўсмаларнинг давомли ўсишининг камайиши асосланган..
IV. Тадқиқот натижаларининг жорий қилиниши. 
Тухумдон саратони касаллигининг асцитик вариантини даволашда гипертермик интраперитонеал кимё перфузиянинг аҳамиятини баҳолаш бўйича олинган илмий натижалар асосида:
тухумдон саратони касаллигининг асцитик вариантини даволашда гипертермик интраперитонеал кимё перфузиянинг аҳамиятини баҳолаш бўйича ишлаб чиқилган «Тухумдон саратонининг асцитик шаклини гипертермик интраперитонеал кимё перфузияси ёрдамида комбинирланган даволаш» номли услубий тавсиянома тасдиқланган (Соғлиқни сақлаш вазирлигининг 2020 йил 11 февралдаги 8н-д/49-сон маълумотномаси). Мазкур услубий тавсиянома тухумдон саратони касаллигининг асцитик вариантини даволашда гипертермик интраперитонеал қорин бўшлиғига кимё перфузия натижасида беморларни даволашда хирургик амалиётнинг самарадорлигини ошириш ва беморларнинг ҳаёт сифатини яхшилаш имконини берган;
олинган илмий натижалар асосида тухумдон саратони касаллигининг асцитик вариантини даволашда гипертермик интраперитонеал кимё перфузиянинг аҳамиятини асослаш бўйича олинган илмий натижалар соғлиқни сақлаш амалиётига, жумладан, Республика ихтисослаштирилган онкология ва радиология илмий–амалий тиббиёт маркази, Республика ихтисослаштирилган онкология ва радиология илмий–амалий тиббиёт марказининг Наманган ва Қўқон шаҳар филиаллари фаолиятига жорий қилинган (Соғлиқни сақлаш вазирлигининг 2020 йил 28 февралдаги 8н-д/34-сон маълумотномаси). Натижаларнинг амалиётга жорий қилиниши гипертермик интраперитонеал кимё перфузиясида радикал, циторедуктив ҳажмдаги жаррохлик амалиётидан кейин интраперитонеал рецидив ва давомли ўсишларни олдини олиш, яшаш даражасини узайтириш имконини беради.