Ахмедов Эркин Рахмоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи):“Виртуал таълим технологиялари воситасида умумкасбий фанларни ўқитиш методикасини такомиллаштириш” (техника йўналиши олий таълим муассасалари мисолида), 13.00.05-Касб-ҳунар таълими назарияси ва методикаси (педагогика фанлари).
Диссертация мавзуси рўйхатга олинган рақам:B2020.1.PhD/Ped1495.
Илмий раҳбар: Ҳамидов Жалил Абдурасулович, педагогика фанлари доктори, профессор.
Диссертация бажарилган муассаса номи: Педагогик инновациялар, касб-ҳунар таълими бошқарув ҳамда педагог кадрларини қайта тайёрлаш ва уларнинг малакасини ошириш институти.
ИК фаолият кўрсатаётган муассаса номи, ИК рақами:  Педагогик инновациялар, касб-ҳунар таълими бошқарув ҳамда педагог кадрларини қайта тайёрлаш ва уларнинг малакасини ошириш институти, DSс.03/30.12.2019.ped 48.01.
Расмий оппонентлар: Муслимов Нарзулла Алиханович, педагогика фанлари доктори, профессор; Жўраев Хусниддин Олтинбоевич,  педагогика фанлари доктори, профессор.
Етакчи ташкилот: Бухоро муҳандислик- технология институти.
Диссертация йўналиши: амалий ва назарий.
II. Тадқиқотнинг мақсади техника йўналиши олий таълим муассасаларида умумкасбий фанларни ўқитишда виртуал таълим технологиясидан фойдаланиш методикасини такомиллаштиришдан иборат.
III. Тадқиқотнинг илмий янгилиги:
техника йўналиши олий таълим муассасаларида умумкасбий фанларни визуал-кўргазмалилик ва ахборотлилик тамойиллари асосида ўқитиш орқали талабаларда дивергент, фазовий ва техник фикрлаш каби умумкасбий компетенциялар виртуал таълим воситасида такомиллаштирилган;
техника йўналиши олий таълим муассасаларида ривожлантирувчи таълим технологияси ва виртуал таълим воситаларини ўқув босқичларига кўра интеграциялаш асосида умумкасбий фанлар бўйича ташкил этиладиган ўқув машғулотлари тузилмаси (мақсад, вазифа, техник йўриқнома ва амалий кўникма) мантиқий кетма-кетлиги ва ўзаро алоқадорлиги узвийлаштирилган; 
бўлажак муҳандисларининг умумкасбий фанлар бўйича амалий фаолиятини ривожлантиришга йўналтирилган “virtual training” ва “case study” каби интерфаол методларни қўллаш асосида муаммоли ва ижодий топшириқларни бажариш тартибини педагогик даражалаш ва техник тавсифлаш орқали виртуал лаборатория машғулотларининг ўқув-методик таъминоти материаллари такомиллаштирилган; 
техника йўналиши олий таълим муассасаларида умумкасбий фанлардан талабаларнинг мустақил таълим фаолиятини ташкил этишга мўлжалланган виртуал таълим технологиялари ва ташхисловчи педагогик дастурий воситалар асосида талабалар умумкасбий компетентлигини баҳолаш мезонлари (мотивацион, когнитив ва фаолиятли) ишлаб чиқилган. 
IV. Тадқиқот натижаларининг жорий қилиниши:
Техника йўналиши олий таълим муассасаларида виртуал таълим технологияси воситасида умумкасбий фанларни ўқитиш методикасини такомиллаштириш  бўйича ишлаб чиқилган услубий ва амалий таклифлар асосида:
техника йўналиши олий таълим муассасаларида умумкасбий фанларни визуал-кўргазмалилик ва ахборотлилик тамойиллари асосида ўқитиш орқали талабаларда дивергент, фазовий ва техник фикрлаш каби умумкасбий компетенцияларни виртуал таълим воситасида  ривожлантиришга оид таклифлардан 5310600 – Ер усти транспорт тизимлари ва уларнинг эксплуатацияси бакалавриат таълим йўналиши малака талабларни ишлаб чиқишда фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 26-ноябрдаги 89-03-4947-сон маълумотнома). Натижада ушбу таклифлар техника йўналиши олий таълим муассасаларида умумкасбий фанларни ўқитиш самарадорлигини оширишга хизмат қилган; 
техника йўналиши олий таълим муассасаларида ривожлантирувчи таълим технологияси ва виртуал таълим воситаларини ўқув босқичларига кўра интеграциялаш умумкасбий фанлар бўйича ташкил этиладиган ўқув машғулотлари тузилмаси (мақсад, вазифа, техник йўриқнома ва амалий кўникма) асосида мантиқий кетма-кетлиги ва ўзаро алоқадорлиги узвийлаштиришга  оид методик тавсиялар ва таклифлар эса Жиззах политехника институти илмий-тадқиқот ишлари режасининг“AIF 1/4 – Касб-ҳунарга йўналтирилган марказ ва электроника бўйича қўшма ўқув лаборатория яратиш” (2019-2021 йй.) мавзусидаги амалий тадқиқот ҳамда Бухоро муҳандислик-технология институти илмий-тадқиқот ишлари режасининг“АIF 2/20-Шахсга йўналтирилган инновацион технологиялар асосида техник йўналишлар бўйича малакали муҳандис кадрлар тайёрлаш ва ўқитувчилар малакасини ошириш сифатини яхшилаш” (2019-2021 йй.) мавзусидаги ҳалқаро амалий тадқиқот лойиҳалари доирасида бажарилган (Ўзбекистон Республикаси Олий ва ўрта махсус таълим вазирлигининг 2020 йил 26-ноябрдаги 89-03-4947-сон маълумотнома). Натижада, ушбу лойиҳа доирасида ишлаб чиқилган виртуал таълим технологиялари бўлажак муҳандисларда умумкасбий компетенцияларни ривожлантиришга хизмат қилган; 
бўлажак муҳандисларининг умумкасбий фанлар бўйича амалий фаолиятини ривожлантиришга йўналтирилган “virtual training” ва “case study” каби интерфаол методларни қўллаш асосида муаммоли ва ижодий топшириқларни бажариш тартибини педагогик даражалаш ва техник тавсифлаш орқали виртуал лаборатория машғулотларининг ўқув-методик таъминоти материалларини такомиллаштиришга оид илмий-методик тавсиялар, “Электротехника ва электроника” фани бўйича мультимедиали электрон ўқув қўлланма мазмунига сингдирилган (Ўзбекистон Республикаси Олий ва ўрта махсус таълим вазирлигининг 2020 йил 26-ноябрдаги 89-03-4947-сон маълумотнома). Мазкур таклиф ва тавсиялар бўлажак муҳандислардан дивергент, фазовий ва техник фикрлаш каби умумкасбий компетенцияларни ривожлантиришга хизмат қилган.