Аблакулова Шохсанам Давроновнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Генетик текширув усуллари ёрдамида одатий ҳомила тушиши профилактикасини такомиллаштириш», 14.00.01 – Акушерлик ва гинекология (тиббиёт фанлари).
Диссертация мавзуси рўйхатга олинган рақам: B2020.3.PhD/Tib1384.
Илмий раҳбар: Аюпова Фарида Мирзаевна, тиббиёт фанлари доктори, профессор.
Диссертация бажарилган муассаса номи: Самарканд давлат тиббиёт институти. 
ИК фаолият кўрсатаётган муассасалар номи, ИК рақами: Республика ихтисослаштирилган акушерлик ва гинекология илмий-амалий тиббиёт маркази, PhD.04/05.06.2020.Tib.114.01
Расмий оппонентлар: Ихтиярова Гулчехра Акмаловна, тиббиёт фанлари доктори; Иргашева Севара Ўткуровна, тиббиёт фанлари доктори.
Етакчи ташкилот: Тошкент педиатрия тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: молекуляр генетик тадқиқот усуллари ёрдамида одатий ҳомила тушиши профилактикасини ангиогенез (VGFA С634G) ва ксениобиотиклар биотрансформациясининг I (CYP1A1 rs1048943, CYP1A1 rs4646421) ва II(GSTP1 rs1138272) босқич генлари полиморфизмини  ўрганиш асосида такомиллаштиришдан иборат.
III. Тадқиқотнинг илмий янгилиги:
илк бор Ўзбекистонда яшовчи  аёлларда одатий ҳомила тушишининг молекуляр механизмида ангиогенез VEGFA гени G634C (rs2010963) полиморфизми ва ксениобиотиклар биотрансформациясининг I(CYP1A1 rs1048943, CYP1A1 rs4646421) ва II (GSTP1 rs1138272) босқичини тартибга солувчи асосий генлар полиморфизмининг ҳиссаси аниқланган;
илк бор анамнезида бирламчи ва иккиламчи одатий ҳомила тушиши бўлган аёлларда генлар полиморфизмларининг биргаликдаги таъсири натижалари  аниқланган; 
ангиогенез гени ва ксениобиотиклар биотрансформациясининг I  ва II  босқичларини тартибга солувчи генлар полиморфизмини аниқлаш асосида репродуктив қайта йўқотишларни олдини олиш мақсадида предгравидар тайёрлаш тамойиллари ишлаб чиқилган;
предгравидар тайёргарлик босқичи ва ҳомиладорликнинг биринчи триместрида антиоксидант, юқори самарали биологик актив қўшимчалар, комплекс даво чоралари билан биргаликда қўлланилганда, кейинги ҳомиладорликнинг қониқарли кечиши исботланган.
IV. Тадқиқот натижаларининг жорий қилиниши. 
Репродуктив ёшда одатий ҳомила тушиши кузатилган аёлларда молекуляр-генетик ҳолатини аниқлаш бўйича олинган илмий натижалар асосида:
анамнезида одатий хомила тушиши кузатилган аёлларда генетик омиллар ва клиник-анамнестик  хавф омилларига асосланган холда ишлаб чиқилган алгоритмнинг тарғиботи бўйича «Алгоритм ведения женщин с генетической предрасположенностью на невынашивание беременности» ва «Ҳомила тушишига генетик мойиллиги бўлган аёлларда ҳомиладорликни олиб бориш алгоритми» номли услубий тавсияномалари тасдиқланган (Соғлиқни сақлаш вазирлигининг 2021 йил 16 апрелдаги 8н-р/314-сон маълумотномаси). Натижада одатий ҳомила тушиши билан асоратланишни эрта ташхислаш, клиник кечишини аниқлаш, лаборатор ташхислашнинг оптимал вариантларини яратишга хизмат қилган; 
тадқиқот давомида ташхислаш ва даволаш самарадорлигини  ошириш борасида олинган натижалар соғлиқни сақлаш амалиётига, жумладан, Самарқанд шаҳридаги 3-сoнли туғруқ кoмплeкси ва СамДТИ 1-клиникасининг гинeкoлoгия бўлимлари амалиётига татбиқ этилган (Соғлиқни сақлаш вазирлигининг 2021 йил 11  июндаги 8н-д/182-сон хулосалари). Амалиётга татбиқ этилган натижалар одатий ҳомила тушиши билан асоратланган аёлларда, даволаш ва ташхислаш сифатини яхшилаш, касалликнинг асоратлари частотаси ҳамда аёллар ўлимини қисқартиш, даволаш харажатларини камайтириш ва беморлар ҳаёт сифатини яхшилашга хизмат қилади.