Самадов Алишер Усмановичнинг

фан доктори (DSc) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Кон-металлургия саноатида ҳосил бўлган техноген маҳсулотларни қайта ишлашга комплекс ёндашишнинг ўзига хос хусусиятлари», 04.00.14–Фойдали қазилмаларни бойитиш (техника фанлари).

Диссертация мавзуси рўйхатга олинган рақам: В2017.1.DSc/Т3.

Илмий маслаҳатчи: Санакулов Қувандиқ, техника фанлари доктори, профессор.

Диссертация бажарилган муассаса номи: Тошкент давлат техника университети.

ИК фаолият кўрсатаётган муассасалар номи, ИК рақами: Навоий давлат кончилик институти ва Тошкент давлат техника университети, DSc.27.06.2017.T.06.01.

Расмий оппонентлар: Абдурахмонов Сойиб Абдурахмонович, техника фанлари доктори, профессор; Тусупбеков Несипбай Куандекович, техника фанлари доктори, профессор; Эргашев Улугбек Абдурасулович, техника фанлари доктори.

Етакчи ташкилот: «Минерал ресурслар институти» ДК.

Диссертация йўналиши: назарий ва амалий аҳамиятга молик.

II. Тадқиқотнинг мақсади: олтин, кумуш, темир ва кремний икки оксидини ажратиб олиш усулларини ишлаб чиқиш орқали, металлургия соҳасида рангли, қимматбаҳо ва қора металл ишлаб чиқаришни кўпайтиришни таъминловчи кон-металлургия корхоналари техноген маҳсулотларини қайта ишлаш технологиясини ишлаб чиқишдан иборат.

III. Тадқиқотнинг илмий янгилиги:

техноген маҳсулотлардан олинган намунани фторидлаш жараёнини ўрганиш натижасида кремний диоксид ҳосил бўлиш даражасининг ҳароратга боғлиқлиги аниқланган ҳолда, намуна 120 дақ. давомида турли ҳароратларда 90, 115 ва 135⁰С қиздирилганда диоксид кремний ҳосил бўлишининг ортиб бориши аниқланган;

қиздириш вақти 120 дақ., ҳарорат 90⁰С бўлганда кремний диоксид ҳосил бўлиш даражаси 58% га, ҳарорат 115⁰С га кўтарилганда кремний диоксид ҳосил бўлиш даражаси 78% га, ҳарорат 135⁰С га кўтарилганда кремний диоксид ҳосил бўлиш даражаси 98% га кўтарилиши аниқланган;

гексафторсиликат аммоний ҳосил бўлиш жараёнида кремний диоксидни фторидлаш қиздириш ҳароратига боғлиқлиги, ҳарорат 130⁰С дан 200⁰С га кўтарилганда шиддатли равишда аммиак ажралиши, ҳароратнинг бундан юқори бўлиши аммиак ажралишига пассив таъсир кўрсатиши, ҳарорат 150⁰С дан 320⁰С га кўтарилганда аммоний гексафторсиликат газ фазасига ўтиши; газ ҳолатга ўтган аммоний гексафторсиликатни 200⁰С гача совутилганда кукун ҳолатига ўтиши аниқланган;

аммоний гексафторсиликатнинг аммоний гидрооксид билан таъсирлашуви вақтга ва ҳароратга боғлиқлиги тадқиқотлар асосида аммоний гексафторсиликат аммоний гидрооксиднинг 10% эритмасида 90 с давомида ва 20, 30, 40 ва 50⁰С да, тегишлича 0,76; 0,80; 0,84 ва 0,90 г эриши ва турли ҳароратларда эритиш вақтини 90 с дан ошириш эрувчанликни оширмаслиги исботланган;

техноген маҳсулотлар оғирлигининг камайиши натижасига кўра аммоний гексафторсиликат сублимацияланишининг кинетик катталиги ва аммоний гексафторсиликатнинг газ фазасига ўтиши, ҳарорат 350⁰ С га кўтарилганда 60 дақ. оралиғида 70% га, 400⁰С га кўтарилганда 30 дақ. оралиғида 90% га, 450⁰ С га кўтарилганда 100% га етганлиги аниқланган;

олтин саралаш фабрикалари чиқиндилари таркибидан кумушни ажратиб олишнинг оптимал кўрсаткичлари сульфат кислотасининг концентрациясига боғлиқлиги аниқланган, концентрация 5 мл/л дан 15 мл/л га оширилганда реакция шиддатли равишда боради, сульфат кислотасининг концентрациясини 15 мл/л дан оширилганда  кумушни ажратиб олиш сезиларли ўзгармаслиги исботланган;

олтин саралаш фабрикалари чиқиндилари таркибидан кумушни ажратиб олишнинг оптимал кўрсаткичлари нитрат кислотасининг 5 мл/л дан 45 мл/л оралиқдаги концентрациясига боғлиқлиги аниқланган, кислота концентрацияси 5 мл/л дан 45 мл/л га оширилганда ажралиш реакцияси шиддатли равишда бориши, нитрат кислотасининг концентрациясини 45 мл/л дан оширилганда кумушни ажратиб олиш сезиларли даражада ўзгармаслиги исботланган;

олтин саралаш фабрикалари чиқиндилари таркибидан олтин ва кумушни ажратиб олишда сульфат ва нитрат кислоталари аралашмасининг  концентрацияси 25 мл/л га тенг бўлганда ва калий нитрат тузининг турли концентрацияси (1 г/л дан 8 г/л гача) оксидловчи сифатида қўшилгандаги оптимал кўрсаткичлари аниқланган;

калий нитрат тузининг концентрацияси 1 г/л дан 3 г/л гача бўлган оралиқда ажралиш реакцияси шиддатли равишда бориши, калий нитрат тузининг концентрациясини 3 г/л дан ошириш олтин ва кумушни ажратиб олишда сезиларли натижа бермаслиги  аниқланган.

IV. Тадқиқот натижаларининг жорий қилиниши:

Кон-металлургия саноатида ҳосил бўлган техноген маҳсулотларни қайта ишлашга комплекс ёндашиш асосида:

мис ишлаб чиқариш саноатида ҳосил бўладиган шлаклардан темирни ажратиб олиш усулига Ўзбекистон Республикаси Интеллектуал мулк агентлигининг ихтирога патенти олинган (№IAP 04650, 2013). Натижада мураккаб таркибли силикатли бирикмаларни алоҳида оксидларга ажратиш имконини берган;

таркибида олтин бўлган хомашёни қайта ишлаш усулига Ўзбекистон Республикаси Интеллектуал мулк агентлигининг ихтирога патенти олинган (№IAP 05376, 2017). Натижада олтин сақловчи хомашёларнинг таркибидаги қийин ажралувчи минералларни қайта ишлаш имконини берган;

ишлаб чиқилган ташландиқ шлакларни қайта ишлаш технологияси Олмалиқ кон-металлургия комбинатининг Мис эритиш заводида жорий қилинган (Олмалиқ кон-металлургия комбинатининг 2016 йил 19 ноябрдаги 01-07/2076-сон маълумотномаси). Илмий натижаларни амалиётга жорий қилиш натижасида қўшимча равишда темир, кремний икки оксиди, қимматбаҳо ва рангли металларни ажратиб олиш имконини берган.