Пурханатдинов Аман Пурханатдиновичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Қорақалпоғистон хомашё ресурслари асосида керамзитнинг энергиятежамкор таркибини ишлаб чиқиш” (Разработка энергосберегающего состава керамзита на основе сырьевых ресурсов Каракалпакстана), 05.09.05 – “Қурилиш материаллари ва буюмлари” (техника фанлари).
Диссертация мавзуси рўйхатга олинган рақам: В2021.2.PhD/Т640.
Илмий раҳбарлар: Қодирова Зулайхо Раимовна, кимё фанлари доктори, профессор.
Диссертация бажарилган муассаса номи: Ўзбекистон Республикаси Фанлар Академияси Умумий ва ноорганик кимё институти.
ИК фаолият кўрсатаётган муассаса (муассасалар) номи, ИК рақами: Тошкент архитектура-қурилиш институти, DSc.26/30.12.2019.Т.11.01.
Расмий оппонентлар: Цой Владимир Михайлович – техника фанлари доктори, профессор в.б.; Шокиров Туйгун Тургунович – техника фанлари номзоди, доцент.
Етакчи ташкилот: Наманган муҳандислик-қурилиш институти.
Диссертация йўналиши: назарий ва амалий аҳамиятга молик.
II.Тадқиқотнинг мақсади Қорақалпоғистон Республикасининг маҳаллий хомашёлари ва иккиламчи ресурслари асосида керамзит таркиблари ва уни ишлаб чиқариш технологиясини такомиллаштиришдан иборат.
III. Тадқиқотнинг илмий янгилиги:
тажриба намуналарини 1000-1100 0С ҳарорат оралиғида кўпчитиш орқали пишириш даврида кечадиган физик-кимёвий жараёнлар асосида волластонит, муллит, анортит ва юқори ҳароратли кварц минералларининг кристалл фазалари ҳосил бўлиб, фазали ўтишлари аниқланган;
бентонит гилига 900-1100оС ҳарорат оралигида термик ишлов бериб кўпчитиб олинган керамзит доналарининг асосий физик-механик, технологик ва эксплуатация хоссаларининг ўзгариши ғовак ҳосил қилувчи карбонатли (сода ишлаб чиқариш чиқиндиси) ва органик (ширинмия илдизи чиқиндиси) қўшимчаларнинг миқдори ва турига боғлиқлиги аниқланган;
керамзит доналари ишлаб чиқиш учун шихтанинг оптимал хомашё  таркиблари, яъни бентонит гили-90; сода чиқиндиси-10 ва ширинмия илдизи-2 мас.% (100%дан ташқари), ҳамда ғовак ҳосил қилувчи қўшимчалардан фойдаланилгандаги бентонит гилининг 1050оС ҳароратда пишиб, кўпчиш коэффициенти 3,72%га тенг бўлгандаги кўпчитиш орқали пиширишнинг технологик режими аниқланган;
Қорақалпоғистон гилли хомашё ресурсларининг кимёвий ва минералогик таркибларини ҳисобга олган холда ғовак ҳосил қилувчи қўшимчалар билан керамзит ишлаб чиқишда фойдаланиш имкониятлари асосланган.
IV. Тадқиқот натижаларининг жорий қилиниши.
Қорақалпоғистон хомашё ресурсларидан фойдаланиб энергиятежамкор таркибли керамзит ишлаб чиқариш бўйича олинган илмий натижалар асосида:
керамзит доналарининг ишлаб чиқилган таркиби «ETALONKIRPICH» МЧЖда жорий этилган (Қорақалпоғистон Қурилиш Вазирлигининг 2021 йил 31 майдаги 03-07/01-1168-сон маълумотномаси). Натижада керамзит доналарини пишириш ҳароратини 50-800С га пасайтириш имконини берган;
иссиқлик ҳимояловчи материаллар учун керамзит доналарини ишлаб чиқариш технологияси «ETALONKIRPICH» МЧЖда жорий этилган (Қорақалпоғистон Қурилиш Вазирлигининг 2021 йил 31 майдаги 03-07/01-1168-сон маълумотномаси). Натижада амалдаги стандарт талабларга жавоб берувчи маҳсулот ишлаб чиқариш имконини берган;
ишлаб чиқилган керамзитдан фойдаланиб керамзитбетон ишлаб чиқариш «ЕВРО-БЕТОН» МЧЖда жорий этилган (Қорақалпоғистон Қурилиш Вазирлигининг 2021 йил 31 майдаги 03-07/01-1168-сон маълумотномаси). Натижада маҳаллий хомашё асосида керамзитбетон ишлаб чиқариш имконини берган.