Агзамова Манзура Адхамовнанинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Аstragalus туркумига оид ўсимликларнинг тритерпеноидлари: тузилиши, кимёвий модификацияси ва биологик фаоллиги», 02.00.10 - Биоорганик кимё (кимё фанлари).
Диссертация мавзуси рўйхатга олинган рақам: В2021.1.DSc/К51.
Диссертация бажарилган муассаса номи: Ўсимлик моддалари кимёси институти.
ИК фаолият кўрсатаётган муассаса номи, ИК рақами: Ўсимлик моддалари кимёси институти, DSc.02/30.01.2020.К/Т.104.01.
Расмий оппонентлар Гафуров Махмуджон Бакиевич, кимё фанлари доктори; Рахманбердиева Раъно Каримовна, кимё фанлари доктори; Рахимов Дилшод Ахмедович, кимё фанлари доктори, профессор.
Етакчи ташкилот: Ўзбекистон миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Astragalus туркуми ўсимликларининг тритерпеноидларини таҳлил қилиш, метилстероидлар ва улар гликозидларининг кимёвий модификациясини амалга ошириш, ажратиб олинган бирикмаларнинг биологик фаоллигини аниқлашдан иборат. 
III. Тадқиқотнинг илмий янгилиги:
биринчи марта Astragalus  туркуми ўсимлигининг A. orbiculatus, A. alopecurus A. pterocephalus, А. pamirensis, A. kuhitangi, A. tragacantha, A. dissectus, A. pycnanthus, A. stipulosus, A. coluteocarpus, A. exilis, A. babatagi, A. leiosemius, A. turczaninowi каби турларининг тритерпеноидлари тадқиқ қилиниши натижасида 28 та янги бирикмалар ажратиб олинди ва кимёвий тузилишлари кимёвий ва физикавий тадқиқот усуллари ёрдамида аниқланган; 
биринчи марта A.alopecurus ўсимлигидан 8 та янги бирикмалар - циклоалпигенин А, В, С, ва циклоалпигенин, уларнинг гликозидлари – циклоалпиозид А, В, С ва циклоалпиозидлар ажратиб олинган; 
биринчи марта A.orbiculatus ўсимлигидан 5 та циклоортан қаторидаги циклоорбигенин А ва С, дигидроциклоорбигенин А, циклоорбикозид С ва D  ҳамда 2 та ланостан қаторидаги тритерпеноидлар  - орбигенин ва орбикозид ажратиб олинган; 
илк марта A.pycnanthus ўсимлигидан циклопикантогенин ва циклопикантозид бирикмалари ҳамда A.exilis ўсимлигидан циклоэксозид В моддаси ажратиб олинди ва улар кимёвий тузилишига кўра янги моддалар эканлиги аниқланган; 
A.dissectus ўсимлиги илдизидан ажратиб олинган циклодисектозид ва циклотрисектозид, шунингдек, A. tragacantha ўсимлигидан олинган циклокантозид F гликозидларининг кимёвий тузилиши тасдиқланган; 
олиб борилган тадқиқот натижаларига кўра Astragalus туркуми ўсимликларии таркибида циклосиверсигенин гликозидлари кўп тарқалганлиги ва улар асосан илдиз қисмида тўпланиши аниқланган; 
циклоортан тритерпеноидларини кимёвий модификация реакцияларининг янги усули ишлаб чиқилди ва ушбу усул билан циклоалпегинон А, В ва С ларнинг кимёвий тузилиши тасдиқланган; 
биологик фаол моддалар олиш мақсадида циклопикантогенин ва троянозид А табиий бирикмаларининг тўлиқ ва қисман синтези усуллари ишлаб чиқилган; 
ажратиб олинган янги бирикмаларнинг биологик фаоллиги ўрганилиши натижасида астрагалозид VII ва циклоорбикозид С кардиотоник фаолликка эга эканлиги, циклоорбикозид G ва циклосиверсиозид A каламушлар миокарди метаболик жараёнларига ижобий таъсир этиши, циклоорбикозид C ва  циклоорбикозид А ҳосилалари саратон хужайралари ўсимтасига қарши фаолликка эга эканлиги аниқланган; 
A.pterocephalus ўсимлигидан олинган циклосиверсиозид F нинг фармакологик изланишлари кардиопротектор фаолликка эга эканлигини кўрсатди ва унинг асосида метаболик таъсирга эга бўлган янги доривор препарат олиш тавсия этилган. 
IV. Тадқиқот натижаларининг жорий қилиниши. 
Циклоартан қатори тритерпеноидлар кимёвий тузилиши ва биологик фаоллигини ўрганиш бўйича олиб борилган изланишларнинг илмий натижалари асосида:
циклоорбикозид D нинг  рентген тузилиш таҳлили (РТТ) тажрибалари Кембридж кристаллографик марказининг маълумотлар базасида  депонирланган ва ССDС № 604459 тартиб рақами билан рўйҳатга олинган. Ушбу изланиш натижалари физикавий-кимё соҳаси  ривожланишига  хизмат килади;
циклоартанларнинг кимёвий модификацияси – тўлиқ ва қисман синтези натижасида янги табиий бирикмалар олиш ва олинган бирикмаларнинг фармакологик тадқиқот натижалари асосида келажакда доривор воситалар яратиш имконияти  кўрсатиб берилган;
мазкур диссертация иши маълумотларидан Туркиянинг Анадоли университетини фармацевтика факультети фармакогнозия кафедрасида лекция ва семинарларда шунингдек,  магистрлик ва докторлик диссертациялари учун илмий-тадқиқот лойиҳаларда ҳамда университет қошидаги “Доривор ўсимликлар ва доривор воситалар  илмий тадқиқот маркази” да  фойдаланилган. Илмий маълумотлар асосида “Туркия ва Ўзбекистон флорасидаги  Fabaceae ва Asteraceae оиласига мансуб қатор ўсимлик турларининг биологик фаоллигини тадқиқ қилиш” мавзусида ҳамкорликдаги лойиҳа №119N631 тайёрланди ва TIBUTAK – Ўзбекистон ТИВ ҳамкорлик халқаро дастури бўйича  (Туркиянинг илмий ва технологик тадқиқотлар кенгаши) жамғармасига тақдим этилган (Анадоли Университетининг 2021 йил 2 августдаги маълумотномаси);
ажратиб олинган ва кимёвий тузилиши тасдиқланган янги бирикмалар  Natural Compounds (Plant Sources, Structure and Properties Cycloartane Triterpenoids and Glycosides, Springer нашриёти) маълумотлар каталогида чоп этилган. Натижада, бошқа ўсимликлардан ажратиб олинган мазкур синф вакилларининг тузилишини исботлаш ёки идентификация қилишда фойдаланиш имконини берган; 
тадқиқот натижаларига импакт-фактори юқори бўлган етакчи  хорижий нашрларда 124 дан ортиқ ҳаволалар келтирилган жумладан: J. of Inorganic biochemistry (IF 3.212). 2011, 105(6). P. 887-893; Phytochemistry review (IF – 4.587), 2019, V.18, P. 1133–1166; Studies in Natural Products Chemistry, 2002, V. 27, P. 443-545 Int. J.Mol. Sci. 2009, 10(6), P.2440-2475(DOI: 10.3390/ijms10062440); Food and Chemical Toxicology. (DOI: 10.1016/j.fct.2009.12.004 PMID: 20026160 ) 48(3) P.781-788; J.Chem. and biodiversity (DOI: 10.1007/s11101-019-09626-y). 2013, 10(6), P.1004-1054 ва бошқа илмий журналлар. Бу олинган натижалардан чет эл олимлари ўзларининг табиий бирикмалар тузилиши ва биологик фаоллигини аниқлаш борасида олиб бораётган илмий изланишларида фойдаланиш имконини берган.