Расулов Нуриддин Абдуллаевичнинг фалсафа доктори (PhD) диссертацияси ҳимояси ҳақида эълон
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Инновацион жараёнларни молиялаштириш механизмини такомиллаштириш», 08.00.07 – «Молия, пул муомаласи ва кредит» (иқтисодиёт фанлари).
Диссертация мавзуси рўйхатга олинган рақам: В2018.1.PhD/Iqt582.
Илмий раҳбар: Олимжонов Одил Олимович, иқтисодиёт фанлари доктори, профессор.
Диссертация бажарилган муассаса номи: Наманган давлат университети.
ИК фаолият кўрсатаётган муассаса номи, ИК рақами: Ўзбекистон Республикаси Президенти ҳузуридаги Давлат бошқаруви академияси,  DSc.20/13.05.2020.I.23.01.
Расмий оппонентлар: Хайдаров Низомиддин Хамраевич, иқтисодиёт фанлари доктори, профессор; Мустафақулов Шерзод Игамбердиевич, иқтисодиёт фанлари доктори, доцент.
Етакчи ташкилот: Тошкент молия институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади инновацион жараёнларни молиялаштириш механизмини такомиллаштиришга қаратилган илмий таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
илмий-тадқиқот ва инновацион ишланмаларга қилинадиган харажатларнинг миқдорини ошириш, хатар даражасини юмшатиш, ўзаро ҳамкорликдаги маблағлардан фойдаланиш асосида самарадорликка эришишни таъминлаш мақсадида давлат ва хусусий сектор ҳамкорлигининг 50/50 механизмидан фойдаланиш тавсия этилган;
хориждан инвестиция маблағларини жалб қилиш ва уларнинг инновацион маҳсулотларни молиялаштиришдаги таваккалчиликларни юмшатиш мақсадида хорижий инвестицион бошқарув компанияларини ташкил этиш ва фаолиятини йўлга қўйиш асосланган;
ҳудудлар инновацион салоҳиятини ривожлантириш, кичик иқтисодий зоналар фаолиятини янада фаоллаштириш, юқори технологик муҳитни яратиш ҳамда инновацион лойиҳаларни молиялаштиришда илмий инновацион кластер усулидан фойдаланиш таклифи асосланган;
илмий, инновацион ишланмалардан якуний маҳсулотлар ишлаб чиқариш жараёнида давлатнинг буюртмачи бўлиши мақсадга мувофиқ эканлиги таклиф этилган.
IV. Тадқиқот натижаларининг жорий қилиниши. 
Иқтисодиётда инновацион жараёнларни молиялаштириш механизмларини такомиллаштириш бўйича олинган илмий натижалар асосида:
илмий-тадқиқот ва инновацион ишланмаларга қилинадиган харажатларнинг миқдорини ошириш, хатар даражасини юмшатиш, ўзаро ҳамкорликдаги маблағлардан фойдаланиш асосида самарадорликка эришишни таъминлаш мақсадида давлат ва хусусий сектор ҳамкорлигининг 50/50 механизмини қўллаш бўйича таклифи Ўзбекистон Республикаси Президентининг 2018 йил 14 июлдаги ПҚ-3855-сон «Илмий ва илмий-техникавий фаолият натижаларини тижоратлаштириш самарадорлигини ошириш бўйича қўшимча чора-тадбирлар тўғрисида»ги қарорини ишлаб чиқишда фойдаланилган (Ўзбекистон Республикаси Инновацион ривожланиш вазирлигининг 2020 йил 24 декабрдаги 05-05/5215-сон маълумотномаси). Натижада, давлат ва хусусий сектор ҳамкорлигининг 50/50 механизми асосида саноат соҳасида 2020 йил якунига кўра, 15 млрд.сўм миқдорида илмий инновацион лойиҳаларнинг молиялаштиришга эришилган;
хориждан инвестиция маблағларини жалб қилиш ва уларнинг инновацион маҳсулотларни молиялаштиришдаги таваккалчиликларни юмшатиш мақсадида хорижий инвестицион бошқарув компанияларини ташкил этиш ва фаолиятини йўлга қўйиш таклифи Ўзбекистон Республикаси Президентининг 2018 йил 24 ноябрдаги 5583-сонли «Тадбиркорлик ва инновациялар соҳасидаги лойиҳаларни молиялаштириш механизмларини такомиллаштириш бўйича қўшимча чора-тадбирлар тўғрисида»ги фармонини ишлаб чиқишда фойдаланилган (Ўзбекистон Республикаси Инновацион ривожланиш вазирлиги 2020 йил 24 декабрдаги 05-05/5215-сон маълумотномаси). Натижада, инвестиция ва бошқарув компанияларини ташкил этиш асосида «Фарғона водийсида тадбиркорликни ривожлантириш» лойиҳасини молиялаштириш учун 8 млн.доллар миқдоридаги инвестициялар жалб этишга эришилган.
ҳудудлар инновацион салоҳиятини ривожлантириш, кичик иқтисодий зоналар фаолиятини янада фаоллаштириш, юқори технологик муҳитни яратиш ҳамда инновацион лойиҳаларни молиялаштиришда илмий инновацион кластер усулидан фойдаланиш таклифи Ўзбекистон Республикаси Президентининг 2020 йил 29 октябрдаги ПФ-6097-сон «Илм-фанни 2030 йилгача ривожлантириш концепциясини тасдиқлаш тўғрисидаги»ги фармонини ишлаб чиқишда фойдаланилган (Ўзбекистон Республикаси Инновацион ривожланиш вазирлигининг 2020 йил 24 декабрдаги 05-05/5215-сон маълумотномаси). Натижада, Инновацион ривожланиш ва новаторлик ғояларини қўллаб-қувватлаш жамғармаси ҳисобидан илмий инновацион кластерларни шакллантиришга 2021 йилда умумий қиймати 584,2 млн. сўм миқдорида маблағ ажратилишига эришилган;
илмий, инновацион ишланмалардан якуний маҳсулотлар ишлаб чиқариш жараёнида давлатнинг буюртмачи бўлиши мақсадга мувофиқ эканлиги таклифи Ўзбекистон Республикаси Вазирлар Маҳкамасининг 2020 йил 9 мартдаги 133-сон «Илмий-тадқиқот ва инновацион фаолиятни ривожлантиришнинг норматив-ҳуқуқий базасини янада такомиллаштириш чора-тадбирлари тўғрисида» қарорини ишлаб чиқишда фойдаланилган (Ўзбекистон Республикаси Инновацион ривожланиш вазирлигининг 2020 йил 24 декабрдаги 05-05/5215-сон маълумотномаси). Натижада, давлат буюртмаси механизми асосида 2020 йил 9 ойлик якунига кўра, 87,2 млрд.сўм миқдорида аниқ якуний турдаги инновацион лойиҳаларни молиялаштиришга эришилган.