Нуралиева Дилафруз Мамадиёровнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Юрак ишемик касаллиги ва артериал гипертонияли беморларда қобиққа боғлиқ ўзгаришларнинг ўзига хослиги ва уларнинг коррекцияси» 14.00.06 – Кардиология (тиббиёт фанлари).
Диссертация мавзуси рўйхатга олинган рақам: B2020.2.PhD/Tib 1162.
Илмий раҳбар: Тулабоева Гавхар Мирокборовна, тиббиёт фанлари доктори, профессор.
Диссертация бажарилган муассаса номи: Тиббиёт ходимларининг касбий малакасини ривожлантириш маркази.
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган кардиология илмий-амалий тиббиёт маркази DSc.04/30.12.2019.Tib.64.01.
Расмий оппонентлар: Мухамедова Муяссар Гафуржановна, тиббиёт фанлари доктори; Расулова Зулфия Дадаевна, тиббиёт фанлари доктори.
Етакчи ташкилот: Андижон давлат тиббиёт институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: юрак ишемик касаллиги ва артериал гипертонияли беморларда тромбоцит қобиқ моделидаги, қобиқ-деструктив ўзгаришларни аҳамиятини аниқлаш асосида уларнинг терапиясида дифференциал ёндашишни такомиллаштиришдан иборат.
III. Тадқиқотнинг илмий янгилиги:
юрак ишемик касаллиги ва артериал гипертония билан бирга кечишида тромбоцит қобиғининг патологик деструктив ўзгаришларининг яққоллиги, шунингдек тромбоцитнинг агрегацион фаоллигини ошишининг эндотелиал дисфункция ва вазоспазмнинг ривожланишида муҳим патогенетик аҳамияти тўла аниқланган; 
илк бор юрак ишемик касаллиги ва артериал гипертониянинг  шаклланиб бориши ва зурайишида биохимик ўзгаришлар, жумладан тромбоцит агрегацион фаоллиги ортиб бориши унинг структуравий, функционал ва яллиғланишга қарши кўрсаткичларининг жаддалашуви билан бевосита бузилиши ўртасида боғлиқлик аниқланган. 
юрак ишемик касаллиги ва артериал гипертонияли беморларда тромбоцит қобиғида холестерин ва фосфолипид миқдорини кўпайиб бориши, тромбоцитлар қобиғининг "қаттиқлиги" ни ортиб боришига сабаб бўлиб ва натижада қоннинг реологик хусусиятларига манфий таъсир кўрсатиши билан боғлиқлиги исботланган;
юрак ишемик касаллиги ва артериал гипертониянинг патогенезида аниқланган биохимик бузилишларини назарга олган ҳолда, дифференцирланган терапиянинг нафақат клиник-гемодинамик кўрсаткичларга ижобий таъсир қилиши, қобиқстабиллаштирувчи самараси ҳам аниқланган.
IV. Тадқиқот натижаларининг жорий қилиниши. 
Юрак ишемик касаллиги ва артериал гипертонияли беморларда қобиққа боғлиқ ўзгаришларнинг ўзига хослиги ва уларнинг коррекцияси илмий натижалари асосида:
юрак ишемик касаллиги ва артериал гипертония билан оғриган беморларга дифференцирланган терапия қўллаш бўйича олинган илмий натижалар асосида ишлаб чиқилган “Артериал гипертонияда юрак ишемик касаллигини даволаш алгоритми” номли услубий тавсияномаси тасдиқланган (Соғлиқни сақлаш вазирлигининг 2020 йилдаги 22 декабрдаги 8 н-д/632-сон маълумотномаси). Мазкур услубий тавсиянома юрак ишемик касаллиги ва артериал гипертония билан оғриган беморларда диффернциал даволаш усулларини такомиллаштиришга имконият яратган; 
юрак ишемик касаллиги ва артериал гипертонияли беморларда қобиққа боғлиқ ўзгаришларнинг тизимни таҳлили ва даволашга патогенетик ёндашиш буйича олинган тадқиқот натижалари Мирзо Улуғбек туманидаги  кўп тармоқли марказий поликлиника, Миробод туманидаги кўп тармоқли марказий поликлиника ва Бухоро вилояти кардиология диспансери амалиётларига жорий қилинган (Соғлиқни сақлаш вазирлигининг 2021 йилдаги 24 февралдаги 8 н-д/74-сон маълумотномаси). Тадбиқ қилинган натижалар юрак ишемик касаллиги ва артериал гипертония билан бирга келган ҳолларда касалликнинг клиник кечишини, хаёт учун хавфли асоратлар ривожланишини хавфини камайтириш, қўлланиладиган самарали даволаш ва профилактика усулларини оптималлаштириш, хаёт сифатини яхшилаш имконини берган.