Soleeva Nigina Axmadjonovnaning
falsafa doktori (PhD) dissertatsiya himoyasi haqida e’lon

I. Umumiy ma’lumotlar 
Dissertatsiya mavzusi, ixtisoslik shifri: «Gauss egriligi ikkinchi tartibli nolga ega bo‘lgan   fazodagi gipersirtlarning lagranj maxsusliklari», 01.01.04 – Geometriya va topologiya (fizika-matematika fanlari).
Dissertatsiya mavzusi ro‘yxatga olingan raqam: B2019.3.PhD/FM401.
Dissertatsiya bajarilgan muassasa nomi: Samarqand davlat Universiteti va V.I. Romanovskiy nomidagi matematika institutida bajarilgan.
IK faoliyat ko‘rsatayotgan muassasa nomi, IK raqami: O‘zbekiston milliy universiteti huzuridagi DSc.03/30.12.2019.FM.01.01 raqamli Ilmiy kengash.
Ilmiy rahbar: Ikromov Isroil Akramovich, fizika-matematika fanlari doktori, professor.
Rasmiy opponentlar: fizika-matematika fanlari doktori, professor Narmanov Abdigappar Yakubovich (O‘zbekiston milliy universiteti); fizika-matematika fanlari nomzodi, dotsent Jabbarov Gayratbay Farxadovich (Toshkent davlat pedagogika universiteti). 
Yetakchi tashkilot: “MIFI” milliy tadqiqot yadro universiteti Toshkent shahridagi filiali.
Dissertatsiya yo‘nalishi: nazariy ahamiyatga molik.
II. Tadqiqotning maqsadi muvofiqlashgan koordinatalar sistemasini topish algoritmini qurish, lagranj maxsusliklarini va parametrlardan bog‘liq bo‘lgan faza funksiyasining maxsusliklarini chizikli gruppalarga nisbatan klassifikatsiyasini topishdan iborat. 
III. Tadqiqotning ilmiy yangiligi:
muvofiqlashgan koordinatalar sistemasini qurish uchun chekli algoritm mavjud bo‘lgan funksiyalar sinfi aniqlangan, ratsional sonlar maydonining chekli kengaytmasi ustidagi formal darajali qatorlar uchun muvofiqlashgan koordinatalar sistemasining mavjudligi haqidagi teorema isbotlangan va muvofiqlashgan koordinatalar sistemasini qurish algoritmi tuzilgan;
diffeomorfizmlar gruppasininng qism gruppasi uchun muvofiqlashgan koordinatalar sistemasining mavjudligi isbotlangan va karraliligi ikkidan oshmaydigan nollari bo‘lgan gauss egriligiga ega sirt bilan aniqlangan faza funksiyalarining maxsusliklari chizikli gruppaga nisbatan klassifikatsiya kilingan;
urinish nuqtalarining tartibi bilan faza funksiyalari kritik nuqtalari karraliklari orasidagi munosabat topilgan, Arnol`dning   tipidagi maxsusliklar uchun L.Erdosh-M.Salmxofer masalasining echimi berilgan va L.Erdosh va M.Salmxofer teoremasining yangi isboti olingan;
faza funksiyalari Arnol`dning   tipidagi maxsusliklarga ega bo‘lgan sirtlarida mujassamlashgan o‘lchovlarning aniq bahosi berilgan.
IV. Tadqiqot natijalarining joriy qilinishi: Dissertatsiya tadqiqoti jarayonida olingan ilmiy natijalar quyidagi yo‘nalishlarda amaliyotga joriy qilingan:
dispersion munosabat orqali aniqlangan sath sirtlarning lagranj maxsusliklari sirtlardagi nochiziqli integral tenglamalarning maxsusliklariga mos kelishi FASA 2/2017, "Newton- Kantorovich Method For Solving A Class of Nonlinear Integral Equations" mavzusidagi fundamental ilmiy loyihada nochiziqli integral tenglamalar echimining mavjudligi va yagonaligini isbotlashda qo‘llanilgan (Nilai University Malaysia, 10.06.2019). Dissertatsiyada topilgan o‘lchovlar Fur`e almashtirishlarining aniq kamayish tartibi nochiziqli integral tenglamalar echimining mavjudligi va yagonaligini isbotlash jarayonida kullanilgan;
silliq gipersirtlarda mujassamlashgan o‘lchovlar Fur`e almashtirishining tekis baholari  OT-F4-69 «Garmonik analiz, darajali geometriya va ularning matematik fizika masalalariga tatbiqlari» mavzusidagi fundamental loyihada diskret Kleyn-Gordon tenglamasi uchun Koshi masalasi echimining vaqtning katta qiymatlaridagi  xarakterini tekshirishda foydalanilgan (Samarkand davlat universiteti 2021 yil 10 aprel`da 10-1030- son ma’lumotnomasi). Dissertatsiyada isbotlangan tekis baholar echimlarning aniq kamayish tartibini topish imkonini bergan.