Хаитов Элмурод Бекмуродовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): «Жамият маънавий юксалишида инновацион сиёсатнинг ўрни», 23.00.02 – Сиёсий институтлар, жараёнлар ва технологиялар (сиёсий фанлар).
Диссертация мавзуси рўйхатга олинган рақам: В2020.1.PhD/Ss186.
Илмий раҳбар: Ахмедов Хусниддин Алиқулович, сиёсий фанлари доктори, доцент.
Диссертация бажарилган муассаса номи: Тошкент давлат педагогика университети.
ИК фаолият кўрсатаётган муассаса номи, ИК рақами: Ўзбекистон Миллий университети, DSc.03/30.12.2019.Ss.01.08.
Расмий оппонентлар: Жўраев Нарзулла Қосимович, сиёсий фанлар доктори, профессор; Мавлонов Шавкат Муртазаевич, сиёсий фанлар бўйича фалсафа доктори (PhD).
Етакчи ташкилот: Тошкент давлат иқтисодиёт университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистон тараққиётининг ҳозирги даврида жамият маънавий юксалишини таъминлашда инновацион ривожланиш жараёнига таъсир кўрсатувчи қонуниятлар самарасини оширишдан иборат.
III. Тадқиқотнинг илмий янгилиги:
Ўзбекистоннинг янги маънавий қиёфаси ва инновацион ривожланиш сиёсатига хос социал детерминизмнинг гуманистик табиати, интенсив ўсиш тамойиллари, беқарорлик ва таҳдидларга қарши курашнинг сиёсий омиллари ҳамда миллий ва умуминсоний хусусиятлари очиб берилган;
жамиятни инновацион ривожлантиришга қаратилган ижтимоий-сиёсий ресурслар, инсон омили, эҳтиёжларнинг эволюцион генезиси ва маънавий юксалиш динамикасининг мослашувчан, алоқадорлик механизмлари кўрсатиб берилган; 
жамият маънавий равнақи ва инновацион ривожланишига хизмат қилувчи сиёсий институтлар, давлат ва жамият ўртасидаги ижтимоий муносабатлар мазмунини баҳолашнинг шаффофлик, тизимлилик, сиёсий компитентлик даражалари очиб берилган;
жамиятнинг маънавий юксалишига таъсир кўрсатадиган инновацион сиёсатни рационал-ҳуқуқий таъминлаш, ижтимоий-иқтисодий прогнозлаш, давлат имкониятларини сафарбар этиш самарали механизмлари илмий асосланган.
IV. Тадқиқот натижаларининг жорий қилиниши.
Жамият маънавий юксалишида инновацион сиёсатнинг ўрнини такомиллаштириш юзасидан олинган илмий натижалар асосида:
Ўзбекистоннинг янги маънавий қиёфаси ва инновацион ривожланиш сиёсатига хос социал детерминизмнинг гуманистик табиати, интенсив ўсиш тамойиллари, беқарорлик ва таҳдидларга қарши курашнинг сиёсий омиллари ҳамда миллий ва умуминсоний хусусиятлари очиб беришга доир илмий асосланган натижалар, таклиф ва тавсияларидан Республика Маънавият ва маърифат маркази 2019-2020 йилларда ўтказилган тарғибот фаолиятида фойдаланилган (Республика Маънавият ва маърифат маркази 2020 йил 3 декабрдаги 02/07-1060-сон маълумотномаси). Натижада диссертацияда келтирилган илмий хулосалар Марказнинг “Миллий тикланишдан-миллий юксалиш сари” тамойилига таянадиган ва мамлакатда фаол фуқароликни шакллантиришда етакчи зиёлилар намоёндалари салоҳиятидан унумли фойдаланган ҳолда тизимли тарғиботни амалга ошириш” мавзусида ўтказилган тарғибот ишида хизмат қилган;
Жамиятни инновацион ривожлантиришга қаратилган ижтимоий-сиёсий ресурслар, инсон омили, эҳтиёжларнинг эволюцион генезиси ва маънавий юксалиш динамикасининг мослашувчан, алоқадорлик механизмлари кўрсатиб берилган хулосаларидан Республика Маънавият ва маърифат маркази “Илм, маърифат ва рақамли иқтисодиётни ривожлантириш йили”да маънавий-маърифий ишлар натижадорлигини ошириш дастурининг II.боби “Мамлакатимизда амалга оширилаётган ижтимоий-иқтисодий ислоҳотлар, қабул қилинаётган қонун ҳужжатларининг мазмун ва моҳиятини аҳолининг кенг қатламларига етказишга қаратилган тарғибот тадбирлари”нинг 10-бандида белгиланган вазифаларни амалга оширишда диссертация материалларидан фойдаланилган (Республика Маънавият ва маърифат маркази 2020 йил 3 декабрдаги 02/07-1060-сон маълумотномаси). Натижада диссертацияда илгари сурилган таклифлар, тавсиялардан Марказнинг келгусидаги тарғибот ишларида яхши самара бериш эътироф этилган;
Жамият маънавий равнақи ва инновацион ривожланишига хизмат қилувчи сиёсий институтлар, давлат ва жамият ўртасидаги ижтимоий муносабатлар мазмунини баҳолашнинг шаффофлик, тизимлилик, сиёсий компитентлик даражалари очиб берилган илмий хулосалардан Олий ва ўрта махсус таълим вазирлигида фойдаланилган (Вазирликнинг 2021 йил 12 январдаги 89-03-148-сон маълумотномаси). Натижада мазкур диссертация олий таълим тизимида маънавий муҳитни шакллантиришда инновацион таълимни ривожлантириш орқали давлат сиёсатини таъминлашда, Янги Ўзбекистонда таълим-тарбияни самарали ташкил этиш ва бошқариш тизимини такомиллаштиришга хизмат қилган; 
Жамиятнинг маънавий юксалишига таъсир кўрсатадиган инновацион сиёсатни рационал-ҳуқуқий таъминлаш, ижтимоий-иқтисодий прогнозлаш, давлат имкониятларини сафарбар этиш самарали механизмлари илмий асосланган хулоса ва тавсиялардан Ўзбекистон ёшлар иттифоқининг 2020 йилги иш режаси ижросида кенг фойдаланилган (Ўзбекистон ёшлар иттифоқи Марказий кенгашининг 2020 йил 17 декабрдаги 04-13/2946-сон маълумотномаси). Натижада диссертация III-бобининг “Инновацион ривожланиш сиёсатининг ижтимоий ва маънавий-маърифий ислоҳотлар билан боғлиқ устивор йўналишлари” бандида, ёшлар ўртасида ишсизликка ўрин қолдирмаслик, уларни меҳнатнинг бирор бир тури билан бандлигини таъминлаш, “Тадбиркорлик – аҳоли бандлигининг гарови!” тамойилини амалга оширишда ёш авлод вакилларини қўллаб қувватлаш, ушбу йўналишда “Ёшлар тадбиркорлиги – келажак пойдевори” тамойили бўйича ишларни янада ривожлантириш, бу йўналишда устоз-шогирд анъанасини давом эттириш ва уни рағбатлантиришда хизмат қилган.