Madaliev Abdulla Axmedovichning

falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Iqtisodiyotni boshqarishda inson omilini faollashtirishning tashkiliy-iqtisodiy mexanizmidan foydalanishni takomillashtirish», 08.00.13–Menejment va 08.00.10–Demografiya. Mehnat iqtisodiyoti (iqtisodiyot fanlari).

Dissertatsiya mavzusi ro‘yxatga olingan raqam:B2017.1.PhD/Iqt2

Ilmiy rahbar: Mamatkulov Abdurashid Vaxidovich, iqtisodiyot fanlari doktori.

Dissertatsiya bajarilgan muassasa nomi: Toshkent davlat iqtisodiyot universiteti.

IK faoliyat ko‘rsatayotgan muassasa nomi, IK raqami: Toshkent davlat iqtisodiyot universiteti, DSc.27.06.2017.I.16.01.

Rasmiy opponentlar: Nurimbetov Ravshan Ibragimovich, iqtisodiyot fanlari doktori, professor; Artikova Diloram Abduraximovna, iqtisodiyot fanlari doktori, dotsent.

Yetakchi tashkilot: O‘zbekiston Milliy universiteti.

Dissertatsiya yo‘nalishi: nazariy va amaliy ahamiyatga molik.

II. Tadqiqotning maqsadi: iqtisodiyotni boshqarishda inson omilini faollashtirishning ilmiy, tashkiliy-iqtisodiy asoslaridan foydalanishni  takomillashtirish va inson omilini baholash mexanizmlarini ishlab chiqishdan iborat.

III. Tadqiqotning ilmiy yangiligi:

iqtisodiyotni boshqarishda inson omilini faollashtirish konsepsiyasi ishlab chiqilgan bo‘lib, bunda inson omilining yaxlit holatdagi tarkibiy-tashkiliy tuzilmasi, faollik darajasini baholash standart-tashxis mezonlari, xodimlarning mehnat jarayonidagi faolligini baholash usul va modellari ilgari surilgan;

ishlab chiqilgan inson omili faollik darajasini baholash koeffisienti, inson kapitalini baholashning mavjud mexanizmlarini takomillashtirishda foydalanish tamoyili taklif qilingan;

inson omilini faollashtirishning muhim jihati sifatida qishloq xo‘jalik sub’ektlariga xizmat ko‘rsatuvchi infratuzilmalarning o‘zaro manfaatli integratsiyaga kirishish modeli va uni amalga oshirishda agrar sektorni kompleks rivojlantirish jamoatchilik boshqaruvining tuzilmasi ishlab chiqilgan.

IV. Tadqiqotning amaliyotga joriy qilnishi:

Iqtisodiyotni boshqarishda inson omilini faollashtirishning tashkiliy-iqtisodiy mexanizmidan foydalanishni takomillashtirish yuzasidan ishlab chiqilgan uslubiy va amaliy takliflar asosida:

iqtisodiyotni boshqarishda inson omilini faollashtirishning tashkiliy-iqtisodiy mexanizmini takomillashtirish yuzasidan ishlab chiqilgan uslubiy va  amaliy takliflar O‘zbekiston Respublikasi Qishloq va suv xo‘jaligi vazirligi korxonalari va xo‘jaliklari faoliyatiga joriy qilingan (O‘zbekiston Respublikasi Qishloq va suv xo‘jaligi vazirligining  2016 yil 14 martdagi 02/18-377-son ma’lumotnomasi). Dissertatsiya ishida tavsiya etilgan mexanizm bo‘yicha amalga oshirilgan tadqiqotlarga ko‘ra, sohada inson omili faolligi darajasi (koeffisienti)ni oshirish hisobiga qishloq xo‘jaligi yillik qo‘shimcha o‘sishida yiliga qariyib 2,7 mlrd. so‘m miqdoridagi iqtisodiy samaradorlikka erishish hisob-kitob qilingan;

iqtisodiyotni boshqarishda inson omilini faollashtirishning tashkiliy-iqtisodiy mexanizmi bo‘yicha ishlanmalar «O‘zagromashservis» uyushmasining amaliy faoliyatiga joriy qilingan («O‘zagromashservis»uyushmaning 2016 yil 31 oktyabrdagi 02/02-72-son ma’lumotnomasi). Iqtisodiyotning inson omili bilan bog‘liq sifat ko‘rsatkichlari bo‘yicha ishlab chiqilgan mexanizm yordamida uyushma tizimida iqtisodiy sifat yo‘nalishlari salohiyatini aniqlash imkonini bergan. Kadrlar malakasini oshirish uchun inson kapitaliga yo‘naltirilgan investisiyaning qaytim normasi qariyib 4,0–6,0 foizga ortgan. Tadqiqot ishida hamkor korxonalarning integratsion faoliyatini tashkil etish bo‘yicha ishlab chiqilgan model` yordamida qo‘shimcha o‘sishni maksimallashtirish hisobiga mehnat unumdorligi 2,0 foizga ortgan, xarajatlarni minimallashtirish evaziga esa tannarx 0,5 foizga qisqargan.