Атауллаев Азизжон Одиловичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи): «Радиотехник кузатувчи тизимларнинг элементлари ва қурилмаларини синтезлаш усуллари ва алгоритмлари», 05.01.06–Ҳисоблаш техникаси ва бошқарув тизимларининг элементлари ва қурилмалари (техника фанлари).

Диссертация мавзуси рўйхатга олинган рақам: В2017.1.PhD/Т6.

Илмий раҳбар: Юсупбеков Азизбек Нодирбекович, техника фанлари доктори.

Диссертация бажарилган муассаса номи: Тошкент давлат техника университети.

ИК фаолият кўрсатаётган муассаса (муассасалар) номи, ИК рақами: Тошкент давлат техника университети, DSc.27.06.2017.T.03.02.

Расмий оппонентлар: Раджабов Тельман Дадаевич, техника фанлари доктори, профессор, акдемик; Алиев Равшан Маратович, техника фанлари номзоди, доцент.

Етакчи ташкилот: Бухоро муҳандислик-технолигия институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: радиотехник кузатув тизим назорати ва бошқариш потенциалини сезиларли даражада ошириш имконини берувчи тугунлари ва анализ ҳамда синтез элементлари методлари алгоритмларини ишлаб чиқишдан иборат.

III. Тадқиқотнинг илмий янгилиги:

кузатув тизимининг характеристикаси яхшиланганда синтезланаётган тизимнинг функционал имкониятлари кенгайишини таъминловчи қайта қуриш усулини ишлаб чиқилган;

фазаланган антенна решеткасининг нурини бир турғун ҳолатдан бошқасига тезкор ўтказиш масаласини ишлаб чиқилган;

кузатувнинг нолли ўрнатилган хатолигига эга бошқаришнинг кузатув тизимини қуришга имкон берадиган бурчак ўлчовчи кузатув қурилмасини ишлаб чиқилган;

кузатув тизимини бошқаришнинг янада юқори сифатини таъминловчи синтезини ишлаб чиқилган.

IV. Тадқиқот натижаларининг жорий қилиниши:

Радиотехник кузатувчи тизимларнинг элементлари ва қурилмаларини синтезлаш усуллари ва алгоритмлари бўйича олинган илмий натижалар асосида:

қисқа вақт ичида бир ҳолатдан иккинчи ҳолатга ўрнатилган антенна панжарасини фазаланган нурлари ўзгаришини таъминловчи радиотехник кузатув тизимини математик модели ва бошқарув алгоритми «UNICON.UZ» ДУКга жорий қилинган (Ахборот технологиялари ва коммуникацияларини ривожлантириш вазирлигининг 2016 йил 18 октябрдаги 09-8/5768-сон маълумотномаси). Илмий-тадқиқот натижаси автоматлаштирилган ва ҳисоблаш техникасининг замонавий воситалари ёрдамида енгил амалга оширилувчи моделлаштириш ва ноаниқ бошқариш алгоритмлари мураккаб техник тизимлар бошқариш жараёнлари самарадорлигини ошириш, бошқариш объектлари параметрларини ишончли баҳолаш имконини беради;

радиотехник кузатув тизимларининг тескари алоқаларга амплитудавий дискриминаторлар билан сигналларга даражали ишлов бериш қурилмаси «SANOATALOQA» МЧЖда жорий этилган («O‘ZELTEXSANOAT» акциядорлик компаниясининг 2016 йил 3 ноябрдаги 02-1585-сон маълумотномаси). Илмий-тадқиқотлар натижасида тескари алоқали амплитудали дискриминаторлари элементлари ва қурилмалари сифатини ҳамда тузилишини такомиллаштириш имконини берган;

антеннани азимутли юритма қурилмаси ва антеннани бир ҳолатдан иккинчи ҳолатга ўзгартирадиган узатманинг тезкор ўтказилиши тизими автоматикаси тажриба синови «ZANGORI EKRAN» МЧЖда жорий этилган («O‘ZELTEXSANOAT» акциядорлик компаниясининг 2016 йил 3 ноябрдаги 02-1585-сон маълумотномаси). Илмий-тадқиқот натижалари электромагнит сигнал параметрларини кузатишни амалга оширишда автоматик тизимларини бошқариш усулларини такомиллаштириш  имконини берган;

мураккаб халақит сигналли шароитларда фаолият юритувчи радиотехник мажмуалар ва қурилмаларни назорат қилиш ва бошқариш жараёнларини интеллектуаллаштириш технологияларининг илмий-услубий асослари асосланганлиги ва кириш таъсирлари ноаниқлиги шароитида тўлқин каналли кузатувчи тизимларни синтезлаш ечимлари Ф-4-56–«Мураккаб технологик объектларнинг интеллектуал бошқариш системаларини қатъиймас тўпламларни тасвирлаш асосида структурали параметрик синтезлашнинг назарий асосларини ва усулларини ишлаб чиқиш» номли фундаментал лойиҳани (2012–2016 йй.) бажаришда  мураккаб халақит сигналли шароитларда ишловчи мураккаб динамик объектларни бошқаришнинг функционал имкониятларини кенгайтириш, тезкорлиги ва аниқлигини оширишда фойдаланилган (Фан ва технологияларни ривожлантиришни мувофиқлаштириш қўмитасининг 2016 йил 3 ноябрдаги ФТК-0313/741-сон маълумотномаси). Илмий натижанинг қўлланилиши мураккаб тизимларни бошқариш жараёнларининг самарадорлигини ошириш, объектларнинг параметрларини ишончли баҳоларини олиш ҳамда моделлаштириш ва ноаниқ бошқаришнинг типик алгоритмларидан фойдаланиш имконини берган.