Ruzmatov Maksud Israilovichning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Gravitatsion maydonlarda optimal traektoriyalarni topishning analitik usullari», 01.02.01 – Nazariy mexanika (fizika-matematika fanlari).
Dissertatsiya mavzusi ro‘yxatga olingan raqam: B2019.2.PhD/FM351.
Ilmiy rahbar: Korshunova Natal`ya Aleksandrovna, fizika-matematika fanlari doktori, professor.
Dissertatsiya bajarilgan muassasa nomi: Mirzo Ulug‘bek nomidagi O‘zbekiston Milliy universiteti.
IK faoliyat ko‘rsatayotgan muassasa nomi, IK raqami: Mexanika va inshootlar seysmik mustahkamligi instituti, DSc.02/30.12.2019.T/FM.61.01. 
Rasmiy opponentlarning: Dusmatov Olimjon Musurmonovich, fizika-matematika fanlari doktori; Yugay Lev Pavlovich, fizika-matematika fanlari doktori, professor. 
Yetakchi tashkilot nomi: Samarqand davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi analitik mexanika usullaridan foydalangan holda gravitatsion maydonlarda oraliq tortish qismlari uchun analitik echimlarni aniqlash; chegaralangan uch jism masalasi holida yangi optimal traektoriyalarni topish uchun xususiy integrallarni topishning Dokshevich usulini samaradorliligini tasdiqlashdan iborat.
III. Dissertatsiya tadqiqotining ilmiy yangiligi:
Dokshevich usuli yordamida doiraviy va doiraviy bo‘lmagan chegaralangan uch jism masalasida oraliq tortish qismlari uchun invariant munosabatlar olingan;
oraliq tortish qismlari uchun tekis doiraviy chegaralangan uch jism masalasi holida xususiy echimlarning uch turi va tekis doiraviy bo‘lmagan holda to‘rtta turi topilgan;
boshlang‘ich shartlarga, topilgan aktiv qismlarning mavjud bo‘lish sohasi va davomiyligiga cheklovlar olingan;
tekis markaziy maydonlar holida oraliq tortish qismlari uchun variatson masala differensial tenglamalarining integrallaridan foydalanib analitik echimlarni topish usuli taklif qilingan; markaziy N`yuton maydoni va ixtiyoriy markaziy maydon holi uchun analitik echimlar topilgan.
IV. Tadqiqot natijalarining joriy qilinishi. Differensial tenglamalarning xususiy integrallari va xususiy echimlarini topishda Dokshevich usulini qo‘llash bo‘yicha olingan natijalar asosida KamDU matematik va kompyuter modellashtirish laboratoriyasi ilmiy tadqiqot ishlari doirasida jismlarni harakati masalasi uchun dinamik sistemalarni tadqiq qilishda qo‘llanilgan (Kamchatka davlat universitetining 29 dekabr 2020 yildagi №763-01 sonli ma’lumotnomasi). Natijada, mazkur usul dinamik sistemalarni echimini topish imkonini bergan.