Sayt test rejimida ishlamoqda

Рузматов Максуд Исраиловичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Гравитацион майдонларда оптимал траекторияларни топишнинг аналитик усуллари», 01.02.01 – Назарий механика (физика-математика фанлари).
Диссертация мавзуси рўйхатга олинган рақам: B2019.2.PhD/FM351.
Илмий раҳбар: Коршунова Наталья Александровна, физика-математика фанлари доктори, профессор.
Диссертация бажарилган муассаса номи: Мирзо Улуғбек номидаги Ўзбекистон Миллий университети.
ИК фаолият кўрсатаётган муассаса номи, ИК рақами: Механика ва иншоотлар сейсмик мустаҳкамлиги институти, DSc.02/30.12.2019.Т/FM.61.01. 
Расмий оппонентларнинг: Дусматов Олимжон Мусурмонович, физика-математика фанлари доктори; Югай Лев Павлович, физика-математика фанлари доктори, профессор. 
Етакчи ташкилот номи: Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади аналитик механика усулларидан фойдаланган ҳолда гравитацион майдонларда оралиқ тортиш қисмлари учун аналитик ечимларни аниқлаш; чегараланган уч жисм масаласи ҳолида янги оптимал траекторияларни топиш учун хусусий интегралларни топишнинг Докшевич усулини самарадорлилигини тасдиқлашдан иборат.
III. Диссертация тадқиқотининг илмий янгилиги:
Докшевич усули ёрдамида доиравий ва доиравий бўлмаган чегараланган уч жисм масаласида оралиқ тортиш қисмлари учун инвариант муносабатлар олинган;
оралиқ тортиш қисмлари учун текис доиравий чегараланган уч жисм масаласи ҳолида хусусий ечимларнинг уч тури ва текис доиравий бўлмаган ҳолда тўртта тури топилган;
бошланғич шартларга, топилган актив қисмларнинг мавжуд бўлиш соҳаси ва давомийлигига чекловлар олинган;
текис марказий майдонлар ҳолида оралиқ тортиш қисмлари учун вариацон масала дифференциал тенгламаларининг интегралларидан фойдаланиб аналитик ечимларни топиш усули таклиф қилинган; марказий Ньютон майдони ва ихтиёрий марказий майдон ҳоли учун аналитик ечимлар топилган.
IV. Тадқиқот натижаларининг жорий қилиниши. Дифференциал тенгламаларнинг хусусий интеграллари ва хусусий ечимларини топишда Докшевич усулини қўллаш бўйича олинган натижалар асосида КамДУ математик ва компьютер моделлаштириш лабораторияси илмий тадқиқот ишлари доирасида жисмларни ҳаракати масаласи учун динамик системаларни тадқиқ қилишда қўлланилган (Камчатка давлат университетининг 29 декабр 2020 йилдаги №763-01 сонли маълумотномаси). Натижада, мазкур усул динамик системаларни ечимини топиш имконини берган.

 

Yangiliklarga obuna bo‘lish