Ким Антонина Амуровнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ис газидан ўткир заҳарланишда бош мия структуравий ўзгаришларини танатогенетик баҳолаш», 14.00.24 – Суд тиббиёти (тиббиёт фанлари).
Диссертация мавзуси рўйхатга олинган рақам: B2020.2.PhD/Tib1274.
Илмий раҳбар: Индиаминов Сайит, тиббиёт фанлари доктори, профессор.
Диссертация бажарилган муассаса номи: Самарқанд давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.04/30.12.2019.Tib.30.03.
Расмий оппонентлар: Рузиев Шерзод Ибадуллаевич, тиббиёт фанлари доктори, доцент; Акбергенова Камила Абдикеримовна, тиббиёт фанлари номзоди, доцент.
Етакчи ташкилот: Ижевск давлат тиббиёт академияси (Россия  Федерацияси)
Диссертация йўналиши: амалий аҳамиятга молик.
II. Тадқиқотнинг мақсади: ис газидан заҳарланишда бош мия структуравий ўзгаришларини танатогегетик баҳолашдан иборат.
III. Тадқиқотнинг илмий янгилиги:
ис газидан ўткир заҳарланишнинг турли шаклларидан вафот этганларнинг бош мия катта ярим шарлари ва мияча қон томирлари тизими тузилмаларининг дистрофик зарарланишга олиб келувчи морфологик жиҳатлари ва органларнинг шикастланиш даражаси очиб берилган;
бош мия ярим шарлари ва мияча тузилмаларидаги аниқланган ўзгаришлар асосида ўлим агонал тарзда кузатилиши ва қонда карбоксигемоглобин миқдори 60% дан юқори бўлганда, юқоридаги тузилмалар зарарланиш даражасининг ошиши асосланган; 
ўткир алкогол интоксикацияси негизидаги ис газидан заҳарланишда мия тузилмаларида юзага келган морфофункционал етишмовчилик оқибатида агонал давр қисқариши ва бу ҳолат этанол миқдори қонда 3‰ дан ҳамда карбоксигемоглобин миқдори 60% дан юқори бўлганида намоён бўлиши исботланган;
ис газидан заҳарланишнинг алкоголли интоксикация ва термик травма ҳолатларида томирлар спазми ва қон реологик хусусиятлари бузилиши нейронларнинг кариоцитолизга қадар жиддий зарарланишига, тузилмаларда шишинишнинг кучайишга, глиал хужайраларда - дренаж тармоғи шаклланишига олиб келиши тасдиқланган.
IV. Тадқиқот натижаларининг жорий қилиниши. 
Ис газидан ўткир заҳарланишнинг турли шаклларда бош мия катта ярим шарлари ва мияча тузилмаларидаги ўзгаришларни танатогенетик аҳамияти бўйича олинган илмий натижалар асосида: 
ис газидан заҳарланиш ҳолатида жасадларни суд-тиббий экспертизаси бўйича олинган илмий тадқиқотнинг натижалари асосида ишлаб чиқилган «Ис газидан заҳарланиш ҳолатида жасадларни суд-тиббий экспертизадан ўтказиш (текшириш) методологияси» номли услубий тавсиянома тасдиқланган (Соғлиқни сақлаш вазирлигининг 2020 йил 9 октябрдаги 8н-д/170-сон маълумотномаси). Натижада ис газидан заҳарланишнинг танатогенезини асослашда жасадларда суд-тиббий текширувлар сифатини ошириш йўллари кўрсатилган ва текширувларни тизимли ташкиллаштириш имконини берган;
қон заҳарлари билан заҳарланганда мияни суд-гистологик ўзгаришлар  бўйича олинган илмий тадқиқотнинг натижалари асосида ишлаб чиқилган «Қон заҳарлари билан заҳарланганда мияни суд-гистологик текшириш методологияси» номли услубий тавсиянома тасдиқланган (Соғлиқни сақлаш вазирлигининг 2020 йил 9 октябрдаги 8н-д/170-сон маълумотномаси). Натижада қон заҳарларидан, жумладан ис газидан заҳарланишнинг танатогенезини асослашда бош мия ва ички аъзолар суд-гистологик текширувларининг сифатини ошириш йўллари кўрсатилган ва текширувларни тизимли ташкиллаштириш имконини берган;
ис газидан заҳарланишнинг турли шаклларда бош мия катта ярим шарлари ва мияча тузилмаларидаги ўзгаришларнинг морфологик ва морфометрик жиҳатлари бўйича олинган илмий натижалар соғлиқни сақлаш амалиётига, жумладан, Республика суд тиббий экспертиза илмий-амалий марказининг Жиззах, Навоий ва Тошкент вилоятлари филиалларининг морфологик ва суд-гистологик бўлимлари амалиётига тадбиқ этилган (Соғлиқни сақлаш вазирлигининг 2020 йил 12 ноябрдаги 8н-з/155-сон маълумотномаси). Олинган натижалар суд-тиббий ташхисот муддатини қисқартиришга, иқтисодий сарф-харажатларни камайтиришга ва суд-тиббий текширувлар сифатини яхшилашга ва асослашга имкон берган.