Хусеинова Майсара Абдувафоевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Оқ рус ҳамда маҳаллий эчки зотларини чатиштиришдан олинган авлодларнинг биологик ва маҳсулдорлик хусусиятлари”, 06.02.01 - Қишлоқ хўжалик ҳайвонларини урчитиш, кўпайтириш, селекцияси ва генетикаси (қишлоқ хўжалиги фанлари).
Диссертация мавзуси рўйхатга олинган рақам: В2020.2.РhD/Qх315.
Илмий раҳбар: Арипов Ўктам Хаджимуратович, қишлоқ хўжалиги фанлари доктори, профессор.
Диссертация бажарилган муассаса номи: Қоракўлчилик ва чўл  экологияси илмий-тадқиқот институти.
ИК фаолият кўрсатаётган муассаса номи, ИК рақами: Қоракўлчилик ва чўл  экологияси илмий-тадқиқот институти, PhD.05/30.12.2019.Qх.75.01.
Расмий оппонентлар: Рўзибоев Нураддин Раҳимович, қишлоқ хўжалиги фанлари доктори; Эшматов Иззатилло Янгибоевич, қишлоқ хўжалиги фанлари номзоди.
Етакчи ташкилот: Тошкент давлат аграр университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади оқ рус ҳамда маҳаллий эчки зотларини чатиштиришдан олинган авлодларнинг биологик ва маҳсулдорлик хусусиятларига  ҳар хил омилларнинг таъсирини аниқлаш туфайли эчкилар маҳсулдорлигини оширишга эришиш ҳисобланади.
III. Тадқиқотнинг илмий янгилиги:
такалар билан чатиштиришдан олинган I ва II авлод дурагайларидан фойдаланиш ҳисобига маҳаллий эчкиларга нисбатан эчки сутини 34,1-66,6% га ва гўштини 11,0-14,7% га кўп ишлаб чиқариш мумкинлиги исботланган;
илк бор маҳаллий эчкиларга нисбатан Ғ1 дурагайларда серпуштлик хусусиятлари 20,0% ва Ғ2 дурагайларида 35,0% га юқори бўлиши аниқланган;  
эчкиларнинг туғилгандаги тирик вазн кўрсаткичи оқ рус зотининг генотипидан фойдаланиш ҳисобига маҳаллий зотга қараганда I авлод дурагай (F1) улоқларда 15,7% га, II авлод дурагайларда (F2) 19,1% га устун бўлиши исботланган;
илк бор соматотропин гени бўйича гомозигот бўлган АА ва ВВ генотипидаги эчкиларнинг сут соғими миқдори ушбу ген бўйича гетерозигот  бўлган АВ генотипдаги эчкиларга нисбатан 9,79 кг (52,8%) ва 8,17 кг (44,1%) юқорироқ бўлиши аниқланган.
IV. Тадқиқот натижаларининг жорий қилиниши.
Оқ рус ҳамда маҳаллий эчки зотларини чатиштиришдан олинган авлодларнинг биологик ва маҳсулдорлик хусусиятлари бўйича олиб борилган тадқиқот натижалари асосида: 
маҳаллий эчкиларнинг маҳсулдорлик кўрсаткичларини оқ рус зотли такалар билан чатиштириш йўли билан яхшилаш усули Сирдарё вилояти Сирдарё туманидаги “Наслли кумуш курка” фермер хўжалигида жорий этилган (Пиллачилик ва қоракўлчиликни ривожлантириш қўмитасининг 2020 йил 31 мартдаги №3-1/315-сон маълумотномаси). Натижада  умумий самарадорлик даражаси I авлод дурагайларида 5,9% га, II авлод дурагайларида эса 8,7 % га ошган; 
маҳаллий эчкиларнинг маҳсулдорлик кўрсаткичларини оқ рус зотли такалар билан чатиштириш йўли билан яхшилаш усули Самарқанд вилояти Нуробод туманидаги “Тошполвон ботирлари” фермер хўжалигида жорий этилган (Пиллачилик ва қоракўлчиликни ривожлантириш қўмитасининг 2020 йил 31 мартдаги №3-1/315-сон маълумотномаси). Натижада умумий самарадорлик даражаси I авлод дурагайларида 5,2% га, II авлод дурагайларида эса 7,8 % га ошган;
маҳаллий эчкиларнинг маҳсулдорлик кўрсаткичларини оқ рус зотли такалар билан чатиштириш йўли билан яхшилаш усули Самарқанд вилояти Нуробод туманидаги “Тутли қоракўл замини” МЧЖда жорий этилган (Пиллачилик ва қоракўлчиликни ривожлантириш қўмитасининг 2020 йил 31 мартдаги №3-1/315-сон маълумотномаси). Натижада умумий самарадорлик даражаси I авлод дурагайларида 5,0% га, II авлод дурагайларида эса 7,6% га ошган.