Sayt test rejimida ishlamoqda

Каримова Муқима Мухамадсадиковнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тугунли, аралаш ва кўп тугунли буқоқ касаллигини йод танқислиги шароитида кечиш хусусиятлари», 14.00.03 – Эндокринология (тиббиётфанлари).
Диссертация мавзуси рўйхатга олинган рақам: В2019.2.РhD/Tib840.
Илмийраҳбар: Исмаилов Сайдиганиходжа Ибрагимович, тиббиёт фанлари доктори, профессор.
Диссертация бажарилган муассаса номи: Тошкент педиатрия тиббиёт институти.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.04/30.12.2019.Tib.30.02.
Расмийоппонентлар: Рахимова Гульнара Нишановна тиббиёт фанлари  доктори, профессор; Хайдарова Феруза Алимовна тиббиёт фанлари доктори.
Етакчиташкилот: Самарқанд давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: тугунли, аралаш ва кўп тугунли бўқоқларнинг ривожланишига йод танқислиги шароитининг таъсир этиш жараёнини бахолашдан иборат.
III. Тадқиқотнинг илмий  янгилиги:
якуний гистология ва TIRADS (Thyroid Imaging Reporting and Data Systems) тизими бўйича ультратовуш маълумотлари таққосланганда малигнизация хавфи TIRADS2-4%, TIRADS3-12,5%, TIRADS4-50%, TIRADS5 92,3% малигнизация хавфи ўсиши асосланган.
Ўзбекистонда қалқонсимон без жаррохлик амалиётида Бетесда таснифини қўллаш ва амалга ошириш билан биргаликда тугунли хосилаларни башорат қилиш ва дифференциал бахолаш асосланган;  
ингичка игнали аспирацион биопсия ва якуний гистология маълумотлари таққосланиб Вethesda2 да малигнизация хавфи 9%, Вethesda4 да-38%, Вetnesda5 да-88% га тўғри келганлиги асосланган;
олинган экспресс гистология ва якуний гистология маълумотларини тахлилида Вetnesda4 да малигнизация хавфи 47%, Betnesda5 100%, Betnesda6 эса 100% экани аниқланган.
IV. Тадқиқот натижаларининг жорий қилиниши. 
Тугунли, аралаш ва кўп тугунли бўқоқ касаллигини йод танқислиги шароитида кечиш хусусиятлари илмий тадқиқот ишлари бўйича олинган илмий натижалар асосида:
“TIRADS” тизими бўйича қалқонсимон без тугунини бахолаш бўйича олинган илмий натижалар асосида ишлаб чиқилган “TIRADS” тизими бўйича қалқонсимон без тугунини бахолаш” номли услубий тавсиянома тасдиқланган (Соғлиқни сақлаш вазирлигининг 2019 йил 11 июлдаги 8н-д/293-сон маълумотномаси). Мазкур услубий тавсиянома тугунли бўқоқ билан оғриган беморларни УТТ ёрдамида босқичма босқич эрта аниқлаш алгоритмини яратиш имконини берган;
тугунли бўқоқларни даволаш бўйича олинган илмий натижалар асосида ишлаб чиқилган “Тугунли бўқоқларни даволаш алгоритми” номли услубий тавсиянома тасдиқланган (Соғлиқни сақлаш вазирлигининг 2019 йил 13 ноябрдаги 8н-д/492-сон маълумотномаси). Мазкур услубий тавсиянома тугунли бўқоқ касаллигини эрта аниқлаш, ташхислаш ва даволаш, беморларда ногиронликни олдини олиш ҳамда республикамизнинг барча тиббиёт муассасаларида профилактика ёрдами сифатини ошириш имконини берган;
Bethesda тизими бўйича қалқонсимон без тугунини цитологик бахолаш бўйича олинган илмий натижалар асосида ишлаб чиқилган “Bethesda тизими бўйича қалқонсимон без тугунини цитологик бахолаш” услубий тавсиянома тасдиқланган (Соғлиқни сақлаш вазирлигининг 2019 йил 13 ноябрдаги 8н-д/494-сон маълумотномаси). Мазкур услубий тавсиянома тугунли буқоқларни малигнизацияга ўтишини эрта аниқлаш ва жарроҳлик амалиётини самарадорлигини ёки рецидивини олдини олиш йўлларини оптималлаштириш, реабилитация муддатларини камайтириш имконини берган.
Тугунли бўқоқ билан оғриган беморларни ташхислаш ва даволаш сифатини ошириш бўйича олинган илмий натижалар соғлиқни сақлаш амалиётига, жумладан, Андижон вилояти эндокринология диспансери тиреоидология бўлимида ва Фарғона вилояти, Тошлоқ тумани терапия бўлимида амалиётга тадбиқ этилган (Соғлиқни сақлаш вазирлигининг 2021йил 5 мартдаги8н-45/сон маълумотномаси). Олинган тадқиқот натижаларининг амалиётга жорий килиниши тугунли бўқоқ касаллигини эрта аниклаш, малигнизацияни олдини олиш, асоратларни камайтириш ва самарали даволаш тизимини яратиш имконини берган. 

 

Yangiliklarga obuna bo‘lish