Ибрагимов Сухроб Латифовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Талабаларни касбий фаолиятга тайёрлаш методикасини математик моделлаштириш асосида такомиллаштириш” (Технологик жараёнларни ва ишлаб чиқаришни автоматлаштириш ва бошқариш таълим йўналиши мисолида)”, 13.00.05 – Касб-ҳунар таълими назарияси ва методикаси (педагогика фанлари).
Диссертация мавзуси рўйхатга олинган рақам: В2021.2.PhD/Ped1864
Илмий раҳбар: Турсунов Собир Турдиевич, педагогика фанлари доктори, доцент.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса (муассасалар) номи: Педагогик инновациялар, касб-ҳунар таълими бошқарув ҳамда педагог кадрларини қайта тайёрлаш ва уларнинг малакасини ошириш институти, DSc.03/30.12.2019.Ped.48.01.
Расмий оппонентлар: Ҳамидов Жалил Абдурасулович, педагогика фанлари доктори, профессор; Маматов Дилмурод Нармуратович, педагогика фанлари бўйича фалсафа доктори (PhD).
Етакчи ташкилот: Тошкент ирригация ва қишлоқ хўжалигини механизациялаш муҳандислари институти.
Диссертация йўналиши: амалий ва назарий аҳамиятга молик.
II. Тадқиқотнинг мақсади техника олий таълим муассасаларида талабаларни касбий фаолиятга тайёрлаш методикасини математик моделлаштириш асосида такомиллаштиришдан иборат.
III. Тадқиқотнинг илмий янгилиги:
бўлажак муҳандисларни технологик жараёнларни лойиҳалаш, формаллаштириш ва математик моделлаштиришга оид зарурий компетенцияларини ривожлантиришнинг ахборот-дидактик таъминоти математик информацион ва имитацион моделларни ишлаб чиқиш ва тадқиқ қилиш натижасида мазмунан оптималлаштирилган;
бўлажак муҳандисларни касбий фаолиятга тайёрлашнинг дидактик модели компонентлари (ташкилий-мазмуний, жараёний, ташхислаш) изчиллик, касбга йўналганлик каби моделлаштириш тамойиллари ҳамда тизимли, фаолиятли, математик ва стратегик ёндашувлар асосида такомиллаштирилган; 
лойиҳавий-конструкторлик касбий фаолиятига тайёрлашда лойиҳалаш, тадқиқотчилик каби касбий компетенцияларини ривожлантириш методикаси визуал дастурлаш тилларининг (C++, Python) инновацион муҳитида ҳамда интеллектуал тизимларда ностандарт жиҳозларни алгоритмлаш, синтезлаш, моделлаштириш ва рақамли дастурлаш асосида такомиллаштирилган; 
бўлажак муҳандисларни мутахассисликка хос сифатларини ва зарурий компетенцияларини баҳолаш воситаларини фаолиятли ёндашув асосида ишлаб чиқиш орқали математик ва техник билимлар узвийлигида касбий фаолиятга тайёргарлик даражасини баҳолаш механизмлари аниқлаштирилган.
IV. Тадқиқот натижаларининг жорий қилиниши. Талабаларни касбий фаолиятга тайёрлаш методикасини математик моделлаштириш асосида такомиллаштириш юзасидан ишлаб чиқилган услубий ва амалий таклифлар асосида:
лойиҳавий-конструкторлик касбий фаолиятига тайёрлашда лойиҳалаш, тадқиқотчилик каби касбий компетенцияларини ривожлантиришда визуал дастурлаш тилларининг (C++, Python) инновацион муҳитида ҳамда интеллектуал тизимларда ностандарт жиҳозларни алгоритмлаш, синтезлаш, моделлаштириш ва рақамли дастурлаш усулларини қўллашга доир ишланмаларидан Еrasmus+ “SPACECOM: Космик алоқа ва тизимлар инжинирингги бўйича янги таълим дастурлари” (2019-2022) мавзусидаги халқаро илмий лойиҳаси бўйича илмий ишланмаларни ишлаб чиқишда фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 6 ноябрдаги 19-03-4487-сон маълумотномаси). Натижада бўлажак муҳандисларни лойиҳавий-конструкторлик касбий фаолиятига тайёрлашда сифати оширилган;
техника олий таълим муассасаларида бўлажак муҳандисларни математик моделлаштириш асосида касбий фаолиятга тайёргарлигини ошириш, уларнинг зарурий компетенцияларини шакллантиришга доир таклифлар “Чизиқли алгебра ва математик моделлаштириш” (№648-007 рақамли гувоҳнома) ўқув қўлланма мазмунига синдирилган (Ўзбекистон Республикаси Олий ва ўрта махсус таълим вазирлигининг 2020 йил 6 ноябрдаги 19-03-4487-сон маълумотномаси). Мазкур ўқув қўлланма технологик жараёнларни ва ишлаб чиқаришни автоматлаштириш ва бошқариш бўйича талабаларининг касбий компетенцияларини шакллантиришга хизмат қилган; 
бўлажак муҳандисларни технологик жараёнларни лойиҳалаш, формаллаштириш ва математик моделлаштиришга оид зарурий компетенцияларини ривожлантиришнинг ахборот-дидактик таъминоти (“Олий математика фанининг чизиқли алгебра, векторлар алгебраси, аналитик геометрия бўлимларини мустақил ўқитиш” дастурий маҳсулот, Табиий ва иқтисодий-ижтимоий жараёнларни моделлаштириш фани бўйича  ўқув материаллари) ишлаб чиқилган ҳамда таълим жараёнига тадбиқ этилган (Ўзбекистон Республикаси Олий ва ўрта махсус таълим вазирлигининг 2020 йил 6 ноябрдаги 19-03-4487-сон маълумотномаси). Мазкур ахборот-дидактик таъминот бўлажак муҳандисларни касбий фаолиятга тайёргарлигини ривожлантиришга хизмат қилган.