Jumaev Jonibek Jamolovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Integro-differensial issiqlik o‘tkazuvchanlik tenglamasi uchun teskari masalalarni tadqiq qilish», 01.01.02 -Differensial tenglamalar va matematik fizika (fizika-matematika fanlari bo‘yicha).
Dissertatsiya mavzusi ro‘yxatga olingan  raqam: B2019.2.PhD/FM335.
Ilmiy rahbar: Durdiev Durdimurod Qalandarovich, fizika-matematika fanlari doktori, professor.
Dissertatsiya bajarilgan muassasa nomi: Buxoro davlat universiteti
IK faoliyat ko‘rsatayotgan muassasa nomi, IK raqami: Samarqand davlat universiteti,  DSc.03/30.2019.FM.02.01.
Rasmiy opponentlar: Begmatov Akram Hasanovich – fizika-matematika fanlari doktori, professor, Samarqand davlat universiteti;Karimov Erkinjon To‘lqinovich – fizika-matematika fanlari doktori (DSc), O‘zbekiston Respublikasi Fanlar Akademiyasi V.I. Romanovskiy nomidagi Matematika instituti;
Yetakchi tashkilot: Urganch davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi bir va ko‘p o‘lchamli integro-differensial issiqlik o‘tkazuvchanlik tenglamalari uchun Koshi masalasi hamda birinchi, ikkinchi boshlang‘ich-chegaraviy masalalardan yadroni aniqlash usullarini qurish va bu teskari masalalar echimlarining mavjudligi, yagonaligini tekshirishdan iborat.
III. Tadqiqotning ilmiy yangiligi:
chegaralangan sohada bir o‘lchamli integro-differensial issiqlik tarqalish tenglamasi uchun birinchi boshlang‘ich-chegaraviy masaladan xotira funksiyasini aniqlash bo‘yicha teskari masala  echimining mavjudligi va yagonaligi isbotlangan;
ko‘p o‘lchamli issiqlik o‘tkazuvchanlik integro-differensial tenglamasi uchun qo‘yilgan Koshi masalasining bir qiymatli echiluvchanligi isbotlangan;
to‘g‘ri masala echimi haqidagi qo‘shimcha shartga ko‘ra integral hadning yadrosini aniqlash masalasining bir qiymatli echiluvchanligi isbotlangan;
yarim chegaralangan sohada bir va ko‘p o‘lchamli integro-differensial issiqlik o‘tkazuvchanlik tenglamalari uchun ikkinchi boshlang‘ich-chegaraviy masalalardan yadroni aniqlash masalasi echimining mavjudligi va yagonaligi isbotlangan.
IV. Tadqiqot natijalarining joriy qilinishi.
Integro-differensial issiqlik o‘tkazuvchanlik tenglamalari uchun teskari masalalarga oid ilmiy natijalar asosida:
issiqlik o‘tkazuvchi muhitlarda chegaralangan sohadagi o‘rtacha haroratni kiritish orqali xotirali tenglama yadrosini aniqlashning taklif etilgan usulidan 2012-2016 yillarga mo‘ljallangan F-4-14 raqamli «Suyuqlik oquvchi er osti egri chiziqli quvurning tashqi kuchlari ta’siridagi kuchlanish–deformatsiyalar holatini tadqiq qilish nazariyasini rivojlantirish va hisoblash usullarini ishlab chiqish» mavzusidagi fundamental loyihada issiqlik o‘tkazuvchanlik tenglamasidan yadroni aniqlash masalalarida foydalanilgan (O‘zbekiston Respublikasi Oliy va o‘rta maxsus ta’lim vazirligining 2021 yil 23 fevraldagi 89-03-1050-son ma’lumotnomasi). Ilmiy natijalarning qo‘llanilishi issiqlik o‘tkazuvchi muhitlarda chegaralangan sohadagi o‘rtacha haroratini kiritish orqali xotirali tenglama yadrosini aniqlash masalasi echimi yagonaligi va mavjudligini, yarim chegaralangan sohada bir va ko‘p  o‘lchamli o‘zgarmas koeffisientli integro-differensial issiqlik tarqalish tenglama uchun ikkinchi boshlang‘ich-chegaraviy masalasi echimini bir qiymatli echiluvchanligini, issiqlik o‘tkazuvchi muhitlarda sohaning ixtiyoriy nuqtadagi  haroratini kiritish orqali xotirali tenglama yadrosini aniqlash masalasining yagonaligi va  mavjudligini isbotlash imkonini bergan;
teskari masalalarni tadqiq etishning taklif etilgan usulidan AAAA-A19-119032590069-3 raqamli «Geofizik va injenerlik masallarida issiqlik vazn almashish va qattiq muhitlar mexanikasi  masalalarini sonli echish va matematik modellashtirish» mavzudagi xorijiy grantda ko‘p o‘lchamli integro-differensial issiqlik o‘tkazuvchanlik tenglamasi uchun teskari masalalarni tadqiq etishda foydalanilgan (Yujniy Matematicheskiy Institut filial FGNBU FNS «Vladikavkazskiy nauchniy sentr RAN», 2021 yil 24 fevraldagi 16-son ma’lumotnomasi ). Ilmiy natijalarning qo‘llanilishi integro-differensial issiqlik o‘tkazuvchanlik tenglamalari uchun bir va ko‘p o‘lchamli teskari masalalarning echiluvchanligini o‘rganish imkonini bergan.