Исламов Ғулом Пайзуллаевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Самарқанд вилояти ҳудудларида қорамол пироплазмидозларининг тарқалиши ва уларга қарши курашиш чора-тадбирлари», 03.00.06 – Зоология (ветеринария фанлари).
Диссертация мавзуси рўйхатга олинган рақам: В2021.1.(PhD)/V15.
Илмий Давлатов Равшан Бердиевич, ветеринария фанлари доктори, профессор.
Диссертация бажарилган муассаса номи: Самарқанд ветеринария медицинаси институти.
ИК фаолият кўрсатаётган муассаса номи, ИК рақами: Самарқанд ветеринария медицинаси институти, DSc.06/30.12.2019.V.12.01.
Расмий оппонентлар: Юлдашев Нурбек Эргашевич ветеринария фанлари доктори; Қўлдошев Отамурод Ўразович, ветеринария фанлари номзоди.
Етакчи ташкилот: Л.М.Исаев номидаги тиббий паразитология илмий-текшириш институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Самарқанд вилоятининг турли ҳудудларида қорамоллар пироплазмидозларининг тарқалишини ўрганиш, тейлериоз, пироплазмоз ва бабезиозни даволаш ва профилактика қилишнинг маҳаллий хом-ашёларга асосланган самарали усулларини ишлаб чиқишдан иборат.
III. Тадқиқотнинг илмий янгилиги:
Самарқанд вилоятининг турли биоэкологик ҳудудларида пироплазмидозлар қўзғатувчиларининг патогенлик хусусиятлари ва касаллик тарқатувчи каналар фаунаси аниқланган;
пироплазмоз ва бабезиозни даволашда маҳаллий «Имисан» препаратини қорамолнинг ҳар 100 кг тирик вазнига 3,0 мл миқдорда қўлланилганда самарадорлиги юқори эканлиги тажрибаларда исботланган;
тейлериозни даволашда маҳаллий «Бупарвалек» препаратини қорамолнинг ҳар 100 кг тирик вазнига 5,0 мл миқдорда қўлланилганда юқори самара бериши аниқланган; 
қорамоллар пироплазмидозларига кимёпрофилактика мақсадида ҳар 15 кунда 100 кг тирик вазнга 3 мл миқдорида «Имисан» ва 5 мл миқдорида «Бупарвалек»ни такрорий қўллаш ҳисобига касалликнинг олдини олиш усули такомиллаштирилган.
IV. Тадқиқот натижаларининг жорий қилиниши.
Самарқанд вилояти ҳудудларида қорамол пироплазмидозларининг тарқалиши ва уларга қарши курашиш чора-тадбирлари бўйича олиб борилган илмий-тадқиқотлар натижалари асосида:
«Қорамолларнинг қон-паразитар касалликларига қарши курашиш тўғрисида қўлланма» тасдиқланган ва ветеринария амалиётига жорий қилинган (Ветеринария ва чорвачиликни ривожлантириш давлат қўмитасининг 2020 йил 21 июлдаги 02/23-277-сон маълумотномаси). Натижада қорамолларнинг пироплазмидозлар билан касалланишининг олдини олиш имконияти яратилган;
«Қорамоллар қон-паразитар касалликларига қарши даволаш-профилактика чора-тадбирларининг услуб ва воситаларини қўллаш бўйича тавсиянома» тасдиқланган ва ветеринария амалиётига жорий этилган (Ветеринария ва чорвачиликни ривожлантириш давлат қўмитасининг 2020 йил 21 июлдаги 02/23-277-сон маълумотномаси). Натижада қорамолларнинг пироплазмидозлар билан касалланиши 94-95 фоизгача камайишига эришилган;
Самарқанд вилояти ҳудудларида қорамоллар пироплазмидозларини профилактика қилишда маҳаллий «Имисан» препаратини ҳар 15 кунда бир марта қорамолнинг 100 кг тирик вазнига 3,0 мл миқдорда мускул орасига қўллаш жорий этилган (Ветеринария ва чорвачиликни ривожлантириш давлат қўмитасининг 2020 йил 21 июлдаги 02/23-277-сон маълумотномаси). Натижада қорамолларнинг пироплазмидозларига қарши «Имисан» препаратини жорий этишнинг иқтисодий самарадорлиги юқори эканлиги аниқланиб, харажатлар қоплами 5,4 сўмни ташкил этган.