Санаев Эрмат Шерматовичнинг 
фалсафа доктори (PhD) диссертация ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ноанъанавий ва тез тайёрланадиган макарон ишлаб чиқариш технологиясини такомиллаштиришни инновацион услублари», 02.00.17 – Қишлоқ хўжалик  ва озиқ-овқат маҳсулотларига ишлов бериш, сақлаш ва қайта ишлаш технологиялари ва биотехнологиялари (техника фанлари).
Диссертация мавзуси рўйхатга олинган рақам: В2020.2.PhD/Т1543.
Илмий раҳбар: [Турсунходжаев Пўлат Мухаммедович], техника фанлари доктори, профессор.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассаса (муассасалар) номи, ИК рақами: Тошкент кимё-технология институти, DSc.03/30.12.2019.Т.04.01.
Расмий оппонентлар: Маматов Шерзод Машрабжонович, техника фанлари доктори, доцент; Агзамов Хуршид Казимович, техника фанлари номзоди, доцент.
Етакчи ташкилот: “Уздонмаҳсулот” АК.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ноанъанавий ва тез тайёрланадиган макарон ишлаб чиқариш технологиясини такомиллаштиришдан иборат.
III. Тадқиқотнинг илмий янгилиги:
маҳаллий соя дуккагининг 4,76% концентрацияли сувли экстракти, занжабил ва лимон кукунидан тайёрланган композицион аралашмани тезпишан макарон таркибига 80:20 нисбатда киритиш, каротиноид пигментларининг таркиби яхшиланиши, юмшоқ буғдой унидан тайёрланган хамирнинг клейковина миқдорини, крахмалнинг гидролизга чидамлилигини ошириши исботланган;  
композицион аралашма суспензиясидан фойдаланиш натижасида, макарон хамирининг реалогик, физик-кимёвий, биологик ва технологик ҳоссалари яхшиланиши, ҳўл клейковина миқдори 28% дан 32%-га ошиши, клейковинанинг чўзилиш деформацияси 80-ИДК дан 55-ИДК бирликгача яхшиланиши  аниқланган;     
композицион аралашма қўшилган тезпишар макарон хамирини 100-105°C хароратли буғ тунелида буғлатиш, 150-170°C ҳароратгача қиздирилган пальма ёғида қовуриш, маҳсулотнинг ғоваклик структурасини анъанавий усулга нисбатан 25% га яхшилаши ва ёғда қовуриш босқичининг давомийлигини 5- дақиқадан 3-дақиқага қисқартириш асосланган;  
юқори частотали микротўлқинли қуритиш усулини қўллаш орқали хўл макарон массасини қовуришга сарфланадиган пальма ёғининг 18,2% миқдори тежаб қолинган, натижада қуритилган маҳсулотнинг ёғлилик даражасини 6,3 % га туширилган ва олинган тезпишар макарон маҳсулотининг сақлаш муддатини 5 ойдан 12 ойга узайтирилгани аниқланган;
ноанъанавий ва тез тайёрланадиган макарон маҳсулотлари ишлаб чиқариш технологияси такомиллаштирилган.
IV. Тадқиқот натижаларининг жорий қилиниши:
Ноанъанавий ва тез тайёрланадиган макарон ишлаб чиқариш технологиясини такомиллаштириш бўйича олинган натижалар асосида: 
анъанавий ва ноанъанавий хомашёлар асосида тузилган макарон ишлаб чиқариш рецептураси таркибига кирувчи 30% ичимлик суви ўрнига (соя уруғининг сувли экстракти, занжабил ва лимон кукунлари аралашмаси) тавсия этилган композицион аралашма суспензияси асосида, қисқа кесиладиган макарон ишлаб чиқариш технологияси «Ўзбекистон озиқ-овқат саноати»  уюшмасининг «2021-2023 йилларда амалиётга жорий этиш бўйича истиқболли ишланмалар рўйхати»га киритилган («Ўзбекистон озиқ-овқат саноати» уюшмасининг 2021 йил 15 февралдаги 15-05/02-21-сон маълумотномаси). Натижада, ноанъанавий макарон ишлаб чиқариш рецептурасига киритилган композицион аралашма суспензияси таъсирида технологик жараёнлар (хамир қориш, шакл бериш, қуритиш) самарадаорлигини 20 % га ошириш имконини берган;
ноанъанавий хомашёлар асосида тайёрланадиган тезпишар макарон ишлаб чиқариш рецептураси таркибига кирувчи 30% ичимлик суви ўрнига (соя уруғининг сувли экстракти, занжабил ва лимон кукунлари аралашмаси) тавсия этилган композицион аралашма суспензияси асосида  узун кесиладиган макарон ишлаб чиқариш технологияси «Ўзбекистон озиқ-овқат саноати»  уюшмасининг «2021-2023 йилларда амалиётга жорий этиш бўйича истиқболли ишланмалар рўйхати»га киритилган («Ўзбекистон озиқ-овқат саноати» уюшмасининг 2021 йил 15 февралдаги 15-05/02-21-сон маълумотномаси). Натижада, ҳўл макарон махсулотларини конвектив усулида қуритиш босқичида кечадиган физик-кимёвий жараёнлар таъсирида, крахмалнинг гидролизланиши, декстринланиши ва желеланиши олдини олиш имконини берган;
ноанъанавий ва тезпишар макарон хамирини тайёрлаш жараёнида, юмшоқ буғдой унига 80:20 нисбатда (соя уруғининг сувли экстракти, занжабил ва лимон кукунлари аралашмаси) қўшиш тавсия этилган композицион аралашма суспензияси асосида тезпишар макарон ишлаб чиқариш технологияси «Ўзбекистон озиқ-овқат саноати» уюшмасининг «2021-2023 йилларда амалиётга жорий этиш бўйича истиқболли ишланмалар рўйхати»га киритилган  («Ўзбекистон озиқ-овқат саноати» уюшмасининг 2021 йил 15 февралдаги 15-05/02-21-сон маълумотномаси). Натижада, тавсия этилган композицион аралашма таркибидаги 6,3% ёғ хисобига, хўл макарон махсулотларини қуритиш жараёнида сарфланадиган 25% пальма ёғининг сарфини 6,3% -га қисқартириш  имконини берган.