Matyakubov Bekzod Matnazarovichning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Yupqa qatlamli polimer materiallarning anizotropik xossalari”, 01.04.06 – Polimerlar fizikasi (fizika-matematika fanlari) ixtisosligi bo‘yicha.
Dissertatsiya mavzusi ro‘yxatga olingan raqam: B2019.3.PhD/FM412
Ilmiy rahbarning F.I.Sh., ilmiy darajasi va unvoni: Xolmuminov Abdulfatto Axatovich, fizika-matematika fanlari doktori, professor
Dissertatsiya bajarilgan muassasa nomi: Mirzo Ulug‘bek nomidagi O‘zbekiston milliy universiteti.
IK faoliyat ko‘rsatayotgan muassasa nomi: IK raqami: O‘zbekiston Respublikasi Fanlar akademiyasi Polimerlar kimyosi va fizikasi instituti, DSs.02/30.12.2019.K/FM/T.36.01.
Rasmiy opponentlarning F.I.Sh., ilmiy darajasi va unvoni: 
Abduraxmanov Umarbek, fizika-matematika fanlari doktori, professor
Nurgaliev Il`nar Nakipovich, fizika-matematika fanlari doktori, katta ilmiy xodim.
Etakchi tashkilot: Samarqand davlat universiteti
Dissertatsiya yo‘nalishi: amaliy va nazariy ahamiyatga molik.
II. Tadqiqotning maqsadi. Polietilen, fibroin va akrilonitril sopolimeri asosidagi lamellyar va fibrillyar tuzilishli yupqa qatlamli g‘ovakli materiallar deformatsion o‘zgarishlari va funksional faolligini optik anizotropiyasiga bog‘liklik xususiyatlarini aniqlashdan iboratdir.
III. Tadqiqotning ilmiy yangiligi. 
ilk marotaba, fibrillyar ustmolekulyar tuzilishli polimerlar asosida yupqa qatlamli noto‘qima izotrop-anizotrop materiallar shakllantirishning optimal parametrlari aniqlangan;
ilk marotaba yupqa qatlamli fibrillyar tuzilishli polimer materiallarning deformatsion o‘zgarishini optik anizotropiyaga chiziqli bog‘lanishi ko‘rsatib berilgan hamda orientatsiya faktorini nisbiy uzayishga bog‘lanish funksiyasi va koeffisienti aniqlangan;
ilk marotaba, plenkasimon lamellyar tuzilishli yupqa qatlamli polimer materiallarning bir tomonlama va simmetrik cho‘zishda deformatsion o‘zgarishlarini optik anizotropiyasi bo‘yicha nazorat qilishning fizik prinsiplari ko‘rsatib berilgan;
ipak fibroini va akrilonitril sopolimeri tolalari asosida  yupqa qatlamli materiallar olingan hamda ularning sirt faolligini namoyon qilish xususiyatlarining anizotropik effektlarga bog‘liqligi sorbsion, fil`trlash, dzeta-potensial usullari yordamida aniqlangan.
IV. Tadqiqot natijalarining joriy qilinishi:
Yupqa qatlamli polimer materiallarning anizotropik xossalari bo‘yicha olingan ilmiy natijalar asosida:
biomoyil akrilonitril sopolimeri asosidagi nanotolali noto‘qima materialni asos sifatida va uning sirtida biofaol fibroin asosida qatlam shakllantirib, ushbu nanotolali yupqa qatlamli noto‘qima materiallar ochiq terini bitishida qoplovchi biofaol vosita sifatida O‘zbekiston Respublikasi sog‘liqni saqlash vazirligi qoshidagi respublika ixtisoslashtirilgan dermotologiya va venerologiya ilmiy-amaliy tibbiyot markazida qo‘llanilgan (O‘zbekiston Respublikasi sog‘liqni saqlash vazirligi sanitariya-epidemiologik osoyishtalik va jamoat salomatligi xizmatining 2020 yil 16 noyabrdagi №04-8/388 son ma’lumotnomasi). Natijada yupqa qatlamli  nanotolali noto‘qima materialning ochiq yaralarni davolashda samarali vosita sifatida amaliy qo‘llash imkoniyatiga ega ekanligini ko‘rsatgan;
akrilonitril sopolimeri va ipak fibroini eritmalaridan nanotolali noto‘qima materiallar shakllantirish prinsipi va yupqa qatlamli polimer materiallarning strukturaviy o‘zgarishlarini optik anizotropiyasi bo‘yicha tahlil qilish natijalari, deformatsion jarayonlarni polyarizatsion-optik usulda nazorat qilish qurilmasi O‘zbekiston milliy universiteti tadqiqot ishlari rejasining A-4-13 raqamli “Elektrospinning usulida fibroin, xitozan va akrilonitril sopolimeri asosida nanotolali noto‘qima materiallar olish texnologiyasini ishlab chiqish” (2015-2017 yy) mavzusidagi amaliy loyihani bajarishda qo‘llanilgan (O‘zbekiston Respublikasi Oliy va o‘rta maxsus ta’lim vazirligining 2020 yil 11 sentyabrdagi №89-03-3244 – sonli ma’lumotnomasi). Natijada nanotolali materiallarning mexanik va termik ta’sirlar ostida qaytar va qaytmas deformatsion o‘zgarishlari hamda parchalanishini optik anizotropiyasi bo‘yicha nazorat qilish va tadqiqot qilish imkonini bergan.