Тойиров Акбар Хасановичнинг
фалсафа доктори (PhD) диссертация ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Чизиқсиз тўлқинли жараёнларни математик моделлаштириш», 05.01.07 – Математик моделлаштириш. Сонли усуллар ва дастурлар мажмуи (физика-математика фанлари).
Диссертация мавзуси рўйхатга олинган рақам: B2021.1.PhD/FM591.
Илмий раҳбар: Нормуродов Чори Бегалиевич, физика-математика фанлари доктори, профессор.
Диссертация бажарилган муассаса номи: Термиз давлат университети.
ИК фаолият кўрсатаётган муассаса (муассасалар) номи, ИК рақами: Ўзбекистон миллий университети, DSc.03/30.12.2019.FM.01.02.
Расмий оппонентлар: Алоев Рахматилло Джураевич, физика-математика фанлари доктори, профессор; Маматов Алишер Зулунович, техника фанлари фанлари доктори, профессор.
Етакчи ташкилот: Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ночизиқли тўлқинлар динамикасини тавсифловчи Бюргерс тенгламаси учун қўйилган чегаравий масалаларни сонли моделлаштириш, спектрал-тўр методи ёрдамида сонли ечиш алгоритмини ишлаб чиқиш ва дастурий таъминотини яратишдан иборат.
III. Тадқиқотнинг илмий янгилиги:
спектрал-тўр методининг эволюцион масалаларга нисбатан яқинлашиш теоремалари исботланган;
базис функциялари сони ортиши билан тақрибий ечимнинг аниқ ечимга яқинлашиш баҳоларини таъминловчи теоремалар исботланган;
юқори тартибли ҳосила олдида кичик параметр бўлган параболик тенгламаларнинг сонли ечимлари қурилган;
чизиқсиз тўлқинли жараёнларни тавсифловчи Бюргерс тенгламаси учун қўйилган чегаравий масалаларни сонли ечиш алгоритмлари ишлаб чиқилган.
IV. Тадқиқот натижаларининг жорий қилиниши: 
Юқори тартибли ҳосила олдида кичик параметр бўлган параболик тенгламаларни ва ночизиқли тўлқинлар динамикасини тавсифловчи Бюргерс тенгламасини спектрал-тўр методи асосида сонли ечиш бўйича олинган илмий натижалар асосида:
юқори тартибли ҳосила олдида кичик параметр бўлган параболик тенгламаларни спектрал-тўр методи билан ечиш алгоритмларидан №А-13-38 “Икки фазали муҳит ночизиқли тўлқин динамикаси учун тўғри ва тескари масалаларнинг назарий ва сонли тадқиқ қилиш” лойиҳасида юқори тартибли ҳосила олдида кичик параметр бўлган параболик тенгламаларни сонли ечишда фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 20 ноябрдаги 89-03-4862-сон маълумотномаси). Илмий натижаларнинг қўлланилиши юқори тартибли ҳосила олдида кичик параметр бўлган параболик тенгламаларни сонли ҳисоблаш схемаларини ишлаб чиқиш имконини берган;
ночизиқли тўлқинлар динамикасини тавсифловчи Бюргерс тенгламасини сонли моделлаштириш учун спектрал-тўр методи алгоритмидан №А-13-38 “Икки фазали муҳит ночизиқли тўлқин динамикаси учун тўғри ва тескари масалаларнинг назарий ва сонли тадқиқ қилиш” лойиҳасида ночизиқли тўлқинлар динамикасини тавсифловчи Бюргерс тенгламасини сонли моделлаштириш, компьютер дастурини яратиш ва кенг қамровли ҳисоблаш эксперименти ўтказишда фойдаланилган (Ўзбекистон Республикаси Олий ва ўрта махсус таълим вазирлигининг 2020 йил 20 ноябрдаги 89-03-4862-сон маълумотномаси). Илмий натижаларнинг қўлланилиши ночизиқли тўлқинлар динамикасини тавсифловчи Бюргерс тенгламасини сонли моделлаштириш учун спектрал-тўр методи алгоритмини ишлаб чиқиш, компьютер дастурини яратиш имконини берган.