Шарафутдинова Диёра Алишеровнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистонда мактаб таълимини молиялаштиришни такомиллаштириш», 08.00.07– Молия, пул муомаласи ва кредит (иқтисодиёт фанлари).
Диссертация мавзуси рўйхатга олинган рақам: В2021.1.PhD/Iqt1327.
Илмий раҳбар: Рахмонов Дилшоджон Алиджонович, иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.03/10.12.2019.I.16.01.
Расмий оппонентлар: Қўзиева Наргиза Рамазановна, иқтисодиёт фанлари доктори, профессор; Аллаяров Фозлиддин Амануллаевич, иқтисодиёт фанлари бўйича фалсафа доктори (PhD).
Етакчи ташкилот: Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Бизнес ва тадбиркорлик олий мактаби.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистонда мактаб таълими муассасаларини молиялаштиришни такомиллаштиришга қаратилган таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
мактабда қўшимча таълим хизматларининг ихтисослашувини инобатга олган ҳолда бюджетдан ташқари маблағлар жалб этиш таклифи асослаб берилган;
педагоглар маошига қўшимча устама ҳақини белгилашда тажриба (меҳнат стажи) ва «устоз-шогирд» тизимини ривожлантиришга қўшган ҳиссасини инобатга олиш механизми ишлаб чиқилган;
мактаблардаги вакант лавозимлар бўйича тарификация ва штат маълумотларини интеграциялаштириш орқали мактаблар бюджети бўш маблағлари миқдорини брон қилиш амалиётини жорий этиш асослаб берилган;
мактаб таълимида ваучерли молиялаштириш – маблағларни ўқувчиларга бириктирилишини таъминлаш орқали хусусий мактабларида ҳам умумтаълим қамровини ошириш асослаб берилган.
IV. Тадқиқот натижаларининг жорий қилиниши. 
Ўзбекистонда мактаб таълими муассасалари молиялаштиришни такомиллаштириш юзасидан олинган илмий натижалар асосида:
мактабда қўшимча таълим хизматларининг ихтисослашуви орқали бюджетдан ташқари маблағлар ҳажмини ошириш таклифи Ўзбекистон Республикаси Вазирлар Маҳкамасининг 2020 йил 15 майдаги «Ўзбекистон Республикасида касбий малакалар, билим ва кўникмаларни ривожлантириш миллий тизими фаолиятини ташкил этиш чоралари тўғрисида»ги 287-сон қарорини янада такомиллаштириш ва таълим нархларини белгилаш методологиясини ишлаб чиқишда фойдаланишга қабул қилинган (Ўзбекистон Республикаси Молия вазирлигининг 2020 йил 25 ноябрдаги CM08763658-сон ва Ўзбекистон Республикаси Халқ таълими вазирлигининг 2020 йил 20 ноябрдаги 02-02/4-1259-сон маълумотномалари). Натижада, мактабда қўшимча таълимни ўқувчилар қизиқишлари ва ота-оналар даромадларига мослаштиришга шарт-шароит юзага келган. 
педагоглар маошига қўшимча устама ҳақини белгилашда тажриба (меҳнат стажи) ва «устоз-шогирд» тизимини ривожлантиришга қўшган ҳиссасини инобатга олиш таклифи Ўзбекистон Республикаси Вазирлар Маҳкамасининг 2019 йил 30 сентябрдаги «Умумий ўрта таълим муассасаларининг ўрнак кўрсатган ходимларини моддий рағбатлантириш тартибини такомиллаштириш тўғрисида»ги 823-сон қарорини янада такомиллаштириш методологиясини ишлаб чиқишда фойдаланишга қабул қилинган қилинган (Ўзбекистон Республикаси Молия вазирлигининг 2020 йил 25 ноябрдаги CM08763658-сон ва Ўзбекистон Республикаси Халқ таълими вазирлигининг 2020 йил 20 ноябрдаги 02-02/4-1259-сон маълумотномалари). Натижада, педагоглар фаолиятини молиявий рағбатлантириш тизими янада шаффоф ва мустаҳкамланишига имконият яратилган. 
мактаблардаги вакант лавозимлар бўйича тарификация ва штат маълумотларини интеграциялаштириш орқали мактаблар бюджети бўш маблағлари миқдорини брон қилиш амалиётини жорий этиш таклифи Ўзбекистон Республикаси Президентининг 2019 йил 30 декабрдаги «Ўзбекистон Республикасининг «2020 йил учун Ўзбекистон Республикасининг давлат бюджети тўғрисида»ги қонуни ижросини таъминлаш чора-тадбирлари тўғрисида» ПҚ-4555-сонли қарорини янада такомиллаштиришнинг методологик асосларни такомиллаштириш учун қабул қилинган (Ўзбекистон Республикаси Молия вазирлигининг 2020 йил 25 ноябрдаги CM08763658-сон ва Ўзбекистон Республикаси Халқ таълими вазирлигининг 2020 йил 20 ноябрдаги 02-02/4-1259-сон маълумотномалари). Мазкур таклиф натижасида бюджет маблағларидан мақсадсиз фойдаланишнинг олдини олишга шарт-шароит яратилган.
мактаб таълимида ваучерли молиялаштириш – маблағларни ўқувчиларга бириктирилишини таъминлаш орқали хусусий мактабларида ҳам умумтаълим қамровини ошириш таклифи Ўзбекистон Республикаси Президентининг 2019 йил 29 апрелдаги «Ўзбекистон Республикаси халқ таълими тизимини 2030 йилгача ривожлантириш концепциясини тасдиқлаш тўғрисида»ги ПФ-5712-сонли фармонида белгиланган молиялаштиришнинг янги ваучер методини ишлаб чиқишда фойдаланиш учун қабул қилинган (Ўзбекистон Республикаси Молия вазирлигининг 2020 йил 25 ноябрдаги CM08763658-сон ва Ўзбекистон Республикаси Халқ таълими вазирлигининг 2020 йил 20 ноябрдаги 02-02/4-1259-сон маълумотномалари). Мазкур таклиф асосида хусусий мактабларда ижтимоий ҳимояга муҳтож оила фарзандлари ўқиши учун ҳам шарт-шароит юзага келган.